«الزمالكاوية» يدعمون فريقهم بهاشتاج «ليه لأ الزمالك يقدر».. شروق: عافر عشان توصل وتحقق هدفك.. إيمان: الجمهور بيحارب عشان يحضر الماتش.. عبد العليم: عايزين نوصلهم إننا معاهم.. وشروق: نهاية العتمة نور

دشن نشطاء موقعي التواصل الاجتماعي «فيس بوك وتويتر»، هاشتاجا بعنوان «ليه لأ الزمالك يقدر بإذن الله»، ليحتل مركزًا متقدمًا بتراند مصر على تويتر، حيث أكد جمهور القلعة البيضاء من خلاله أنهم يساندون فريقهم في مباراته مع صن داونز، يوم السبت المقبل، في لقاء العودة بنهائي دوري الأبطال، مطالبين الفريق الأبيض بالفوز بأربعة أهداف، وإحراز البطولة بعد الخسارة التي مني بها في مباراة الذهاب بثلاثة أهداف.
فرحة كبيرة
قال المايسترو حسن: "إن فعلها الزمالك ستكون فرحة كبيرة.. وإن لم يفعلها ستظهر جملة سنظل أوفياء.. حفظناها والله.. ليه لا الزمالك يقدر بإذن الله".
وأضافت شروق ياسر: "مؤمنة بأن نهاية الطريق العتمة نور وكل مطب يقابلك في حياتك بيمنحك قوة أكبر، عافر عشان توصل وتحقق هدفك".
وعلقت إيمان موني بقولها: "هو دا جمهور الزمالك فريقه خسران وبيحارب عشان يحضر الماتش.. ليه لا الزمالك يقدر باذن الله"، ورد عبد العليم محمد: "عايزين نوصلهم إننا معاهم.. عشان ده مش اسم الزمالك بس... يازمالك يادولة.. أفريقيا يازمالك".
وتابع مصطفى: "عجبني الصراحة إصرار وتحمس جماهير الزمالك مع انهم عارفين أن البطولة راحت بس مش مشكلة خليهم يحلمو يمكن يتحقق".
هنفضل وراك
أما حميدو، فكتب: "هنفضل وراك مهما كان زمالك هو الحياة.. ليه لا الزمالك يقدر باذن الله"، وأضاف أحمد مرعي: "ليه لا الزمالك يقدر باذن الله لازم نلم كرامتنا... ماتش للتاريخ... نقدر 4 مش كتير"، وعلق أيمن مزيكا: "ليه لا الزمالك يقدر باذن الله.. مش عايزين نوهم نفسنا اجدعان والله ".
وردت ريهام عبده: "باذن الله الزمالك قادر ع الفوز وهيكسب 3-0وهيكسبو في الضربات الحظ ".
وتابع محمد جمال: "في الإعلام المصرى الزمالك غلب الوداد اربعة وقلك سهلة الوداد هيعوض ودخل الأمل جو لاعيبة الوداد.. ليه لا الزمالك يقدر باذن الله.. الأهداف اللى دخلت في الزمالك من غلطات ارجو تفادى الغلطات والهدوء عشان نكسب تلاتة مش كتير".
الأساطير
وقال زيكو سويس: "ليه لا الزمالك يقدر باذن الله.. زمالكاوي وافتخر عاشو الأساطير قالو علينا في أوروبا الأساطير وعشق الزمالك أسطورة الأساطير"، وأضافت سحر سمير: "4 مش كتير المهم الإرادة".
وعلق محمد سعد: "فعلا والله الزمالك يقدر فعلها قبل مع النجم والوداد ممكن يعملها هنا كمان مع صن داونز ويشيل 5.. أهلاوي".
ورد بورد معتز: "ربنا ينفخ في صورتك يا زمالك ويكرمك إن شاء الله بس بلاش حسن الكتاتني ولا خديجة المغربية بالله عليكم".
وتابع محمد يوسف: "يعنى هو يا جدعان شيء منظم ولو لمرة واحدة يعنى مجلس إدارة الزمالك مش عارفين إن هيبقى في إقبال على التذاكر.. ليه لا الزمالك يقدر باذن الله".
وقال أحمد فوزي: "واحد اتنين التذاكر فين في الشدة قبل الحلوة وراك.. ليه لا الزمالك يقدر باذن الله".