علقت الفنانة دنيا الحلو، على تعليقات جمهور السوشيال ميديا على ظهورها بمباراة نادي الزمالك وفريق صان داونز، أمس الأحد، قائلة: "شكرًا لكل حد بيبعتلي كلام حلو كده، وجمهور زمالك شكرًا لكل حد بيبعتلي انتِ كنتِ الحاجة الوحيدة الحلوة فى الماتش". وأضافت الحلو، عبر حسابها بموقع فيسبوك: "بس بجد أنا وصلت لدرجة ندمت إني روحت ولو أنا الحاجة الحلوة فعلًا فأنا مش عايزاها، ولا عايزة كل اللي بيحصل ده لأني كنت رايحه أشجع النادي اللي بأعشقه وعشان كان اسم مصر هيترفع مش عشان صور تنزل. وتابعت: "ولا شبية صافيناز ولا الحلوة بزيادة ولااااااا ولاااااااا أنا فنانة ومن عيلة فنية بتشجع الزمالك طول عمرها واتربت على حب الزمالك، مضيفة شكرًا يا محترمين. وشاركت الفنانة أمس السبت جمهور الزمالك متابعة مباراة كرة القدم بين فريقي صان داونز والزمالك بنهائي كأس أبطال إفريقيا على ستاد برج العرب، وانهالت تعليقات الإعجاب على صورها خلال تشجيعها نادى الزمالك.
