الأهلاوية والزملكاوية حبايب

ع الفيس بوك.. شيكا ومتعب إيد واحدة

لن تفكر كثيرا.. ستدمع عيناك.. وسريعا تجد يدك يضغط على (Like).. تقول "أنا كنت غلطان.. من دلوقتي الأهلي والزمالك إيد واحدة".
فبعد أن دشنت مجموعة من جماهير الأهلي عدة صفحات على موقع التواصل الاجتماعي "فيس بوك" تحت عنوان: "جماهير الأهلي: إحنا آسفين ياشيكا" للتعبير عن الإمتنان للخطوة الطيبة التي قام بها محمود عبدالرازق "شيكابالا" نجم نادي الزمالك بالتبرع من أجل ضحايا شهداء الأهلي واعتذاره لجماهير الأهلي عن الإساءة لها ببعض التصريحا سابقا.
رد جمهور الزمالك بخطوة مشابهة لإعلاء روح المحبة والمصالحة، بعد أن دشنت مجموعة من الجماهير البيضاء عدة صفحات تحت عنوان "جماهير الزمالك: إحنا آسفين يا متعب" للاعتذار عن أي إساءة قد صدرت من جانبهم تجاه عماد متعب نجم هجوم الأهلي وزوجته يارا نعوم.
اعتذار وغيرة
على الصفحتين تكرر كثيرا تعليق"الاعتذار حقآ من شيم الكبار"، كما انتشرت الصور التي تظهر أن الأهلي والزمالك "إيد واحدة"، كما توحدت كلمات العزاء على ضحايا بورسعيد من الجانبين، وصور لاعبي الزمالك وهم في عزاء ضحايا الأهلي.
وتناقلت الصفحات تعليق شيكابالا على قناة الأهلى مجاوبآ على تدشين صفحة "إحنا أسفين يا شيكا" بالقول: "إحنا اخوات ومفيش مشكلة.. وإن شاء الله المتشات اللى جايه عايزين نرجع زى الاول لاعيبه الاهلى تروح للزمالك والعكس والمدرج تبقى الناس كلها حوالين بعض".
الطريف أنه مع وصول عدد أعضاء صفحة "إحنا آسفين ياشيكا" في أقل من 72 ساعه إلى أكثر من 38 ألف عضو، دبت الغيرة "الحميدة" في قلوب الزملكاوية، مما دعا صفحتهم لتعليق: "عيب يا زمالكاوية.. لما صفحة احنا اسفين يا شيكا عدت 38.000 وإحنا مكملناش 2000 واحد .. الاعتذار من شيم الرجال".
تعليقات بطعم الحب
**أما أبرز التعليقات التي جاءت على الصفحات فكانت:
مفيش حلاوة من غير نار الحمدالله
يارب نفضل متجمعين ومانفترقش ابدااااااااااااا.
هو ده معدن الشعب المصرى ببان فى
وقت الشدة.
أنا وابن عمى على اللى قتل اخويا
أسفين يا متعب ويارا.. وخلى المدام هى كمان تسامحنا الحمدلله اننا لقينا حاجة تفوقنا وانا فرحان اننا بقينا ايد واحدة واخوات ومش هنسمح لاى حد يفرق بينا
من زمان وأنا بشجع الزمالك وعمرى مافرحت لفوز للاهلى .لكن الان احنا اخوات فقط
أهلاوى بيقول اسفين يا شيكا وأسفين يا رجاله الزمالك والرجاله بتبان وقت الشده واحنا فى اصعب موقف لينا كجماهير الاهلى وشكرا ليكوم
أنا زملكاوى جدا جدا وكنت بكرة الأهلى جدا جدا، لكن الآن أقولها بعالى صوتى والله على ما أقول شهيد: أنا أسف لكم جميعا وبحبكم من كل قلبى ومش ممكن تانى أرجع اكرهكم مهما حصل.. أرجوكم علشان نبقى يد واحدة للابد ونحب بعض تعالوا نقف أمام كل اعلامى فاسد يحاول ان يفرقنا من تانى.
بصوا بجد أنا كنت بكره الزمالك بس مش ساعه اللى حصل مفيش حاجه عندى اسمها اهلى وزمالك بعد كدا ولازم كلنا نبقى ايد واحده ونجيب حق الشهيداء اللى ماتوا من غير ذنب ...وحسبنا الله ونعمه الوكيل فى اللى كان السبب
زمالكاوي قلبي أحمر
أنا أهلوي وهشجع الفرقتين بعد كده
ربنا يقربنا لبعض يا جماعة.. أنا أهلاوي وأخويا زملكاوي وكل بيت في الاثنين يا ريت نفضل كويسين مع بعض علي طول
الاول كنت بشتم اللاعيبه و الجمهور بس و الله بعد كده ماهشتم حد منهم
كان هتاف جماهير الاهلي لناديهم :
فى التلتة شمااااااااال ............ بنهد جباااااااااااااااااال
وباعلي صوت جيين نشجع الابطااااااال
فريق كبييير .......... فريييييق عظيييم
اديلة عمري وبردة قليل اووووووووة اووووووووووووة
وكان رد جماهير الزمالك بشتيمة للجماهير واللعيبة.. لكن دلوقت اتغير رد جماهير الزمالك:
في التلة شمااااااال .......... شهداء رجاااااااال
بيقولوا فرقتهم ابطااااااااااااااال .......... انتو الرجاااااااال ........ انتو الابطال
التلتة يميييييين .......... بتقول اسفييييييييين
جمهور الاهلي جمهوووور عظيييييييييييييييم اوووووووووووة اوووووووووووووة.