حمزة لشيكابالا: «سيبك من الزمالك وتعالى الجونة»

«ما تسيبك من الزمالك وتيجى الجونة أحسن» بهذه الكلمات بدأ جمال حمزة مهاجم الجونة مكالمته التليفونية مع محمود عبدالرزاق شيكابالا خلال أزمة الأخير الشهيرة مع حسام حسن المدير الفنى للزمالك.
وكشف مصدر داخل فريق الجونة ل«اليوم السابع الرياضى» أن هناك مكالمة تمت بين الثنائى حمزة وشيكابالا خلال تواجد الجونة بالإسكندرية للمشاركة فى دورة الجمهورية الودية، ودار الحوار بينهما كالآتى:
حمزة: إيه اللى حصل ياشيكا.
شيكابالا: مش عارف بيجرالى إيه ياحمزة..
حمزة: إنت حظك وحش يا ابنى زيى، هما كده ولاد النادى متهانين فى الزمالك..
حمزة ضاحكاً: ما تسيب الزمالك وتيجى الجونة يبقى أنا وأنت وعبدالمنصف وشريف أشرف وننقل الزمالك هنا..
شيكابالا: أنا مخنوق ومش عارف أعمل إيه ياكابتن
حمزة: الموضوع شكله كبير بقى ياشيكا.. إنت فى الإسكندرية
شيكا: أيوه
حمزة: أنا جايلك يا شيكا استنانى مسافة السكة.
وانصرف بعدها لاعب الجونة متوجهاً إلى شيكابالا المتواجد فى «مارينا».