أول رد من نجيب ساويرس على نقل استثمارات العائلة خارج مصر

علق رجل الأعمال المهندس نجيب ساويرس، على الأخبار المتداولة والتي تحدثت عن نقل نشاط العائلة خارج مصر، إثر نقل شقيقه «ناصف ساويرس» مكتب عائلته إلى أبوظبي.
وقال «ساويرس» خلال تصريحات تليفزيونية، مساء اليوم الإثنين، إن هذا الكلام ليس له أساس من الصحة، متابعًا: «ننقل إزاي المصانع والفنادق هنا، وكل يوم بفتح مشروع شكل، كل الكلام واحد عنده مكتب بره مصر بينقله في بلد تانية مش أكتر من كده».
وأضاف: «أنا هتكلم عن نفسي، لأن إخواتي بيزعلوا لما بتكلم عنهم، أنا مقدرش أروح أعيش في أي حتة تانية، عندي كل الفرص للعيش في أي مكان، لكن أنا لا أشعر بوجودي وسعادتي وراحتي غير في بلدي».
حقيقة نقل استثمارات عائلة ساويرس خارج مصر
وتابع: «كون شركاتنا شركات عالمية وبتشتغل في كل حتة، دي حاجة تشرف مصر مش تضرها»، مشيرًا إلى أن عائلة ساويرس لا زالت أكبر مستثمر محلي في مصر.
وأكمل «ساويرس»: «إحنا مش رايحين نشتغل بره عشان مصر في ضيقة.. لأ، إحنا طول عمرنا عندنا نشاط دولي، فرصة إننا نصدر، ونجيب فرص عمل لأولادنا بره مصر، ويقبضوا بالدولارات ويحولوها لمصر، وإحنا بنحول أرباحنا دائمًا لمصر».