السيسي للمصريين: «خلوا عينكم على استقرار بلدكم» (فيديو)

وجه الرئيس عبدالفتاح السيسي رسالة للمصريين، قال خلالها: «إنتوا عينكم على استقرار بلدكم بس مين يمسكها مفيش مشكلة ما دام مستقرة».
وأضاف، خلال كلمته على هامش جلسة «واقع الاقتصاد المصري» بمؤتمر «حكاية وطن»، المذاع على قناة «إكسترا نيوز»، اليوم السبت: «اسمعوا كلامي أنا واحد منكم وأخوكم، لو البلد مستقرة ممكن تطلع لقدام لو مش مستقرة مش ممكن تطلع لقدام، وفي نماذج لدول قد تكون أغنى مننا، لكنهم لم يستقروا أو ينموا، إحنا 105 مليون لو حصل خراب زي اللي بيحصل في دول ميصحش أقول اسمها إنتوا هتبقوا في مشكلة تانية خالص غير اللي إنتوا فيه ده».
وتابع الرئيس السيسي: «إنتو بتتكلموا عن غلاء الأسعار، ومؤتمر حكاية وطن لتقديم الحلول اللي مش هتنجح غير بالمصريين وبالاستقرار، والآخرين جهدهم كله يارب نعرف نحرك الناس يارب تخرب نهدها على أصحابها، مانت في 2011 جيت دخلتها كنت لايص لا عارف تجيب بنزين ولا حاجة وتقول مؤامرة، المؤامرة جهلك وتخلفك».