بعد شائعة اعتزاله.. أبطال فيلم «وش في وش» يوجهون رسائل للفنان عادل إمام (فيديو)

حرص أبطال فيلم «وش في وش»، على توجيه رسائل دعم للزعيم عادل امام، بعد الشائعات التي تداولت حوله خلال الساعات القليلة الماضية حول اعتزاله التمثيل.
ومن أبرز النجوم الذين وجهوا رسائل للزعيم: الفنانة أنوشكا، أمينة خليل، احمد خالد صالح، محمود الليثي، أسماء جلال، وذلك على هامش العرض الخاص لفلمهما «وش في وش»، الذي اقيم أمس الثلاثاء في احدى السينمات، وانطلق عرض اليوم في جميع السينمات.
أقرأ أيضا:
«لازم عيلته تفرج عنه».. دعوة مادلين طبر لدخول منزل عادل إمام تنتهي باعتذارها (القصة الكاملة)
أنوشكا ل الزعيم عادل امام «ياجبل مايهزك ريح»
وقالت الفنانة أنوشكا: «مبقاش كبير من قليل، هو كبير انا لو قصاد عنيا لما اشتغلت معاه كان أول واحد يحضر، احنا كنا بنتذمر أن احنا قاعدين مستنين، هو واخد الايباد قدامه ويراجع شغله وحاجته لو في حاجه يسأل فيها المخرج«.
أضافت: «عادل امام ربنا يديله الصحة وطولة العمر، وياجبل مايهزك ريح».
أمينة خليل ل عادل امام «انت الكينج»
وقالت الفنانة أمينة خليل: «أحب اقول لأي حد بيطلع إشاعات، يعني كبروا دماغكم شويه ياجماعه بلاش فضا بقى، اتكملوا عل حاجه بجد ليه نروج لشائعات، فكرة البنى آدم اللي ممكن يبقى قاعد في بيته بيأذي حد تاني دي بقى حسبي الله ونعم الوكيل».
أضافت: «واقول ل عادل امام انت الكينج، احنا كلنا نعتزل وانت تكمل».
أحمد خالد صالح: «ربنا يبعد عنك كل شر، وكل سوء واشاعة سخيفة»
كما تحدث الفنان أحمد خالد صالح قائلا: «اقول للزعيم ربنا يديك الصحة، ويباركلنا فيك ومايحرمنا منك، ويخلي دايما محبينك في ظهرك، ويبعد عنك كل شر، وكل سوء واشاعة سخيفة زي دي».
محمود الليثي: «الزعيم هو أساس الفن المصري»
وقال الفنان محمود الليثي: «ربنا يخلي الزعيم لينا، ويفضل دايما يدينا ويدي الفن المصري، زي ماهو بناه وهو الأساس فيه، أن شاء الله هيفضل دايما معانا على طول».
أسماء جلال: «ربنا خلقه عشان وجوده يطمنا»
كما تحدثت الفنانة أسماء جلال قائلة: «أستاذ عادل امام ربنا خلقه عشان وجوده يطمنا، ويخلينا حاسين أن فيه امل، أن في حد عظيم موجود معانا في الدنيا، ربنا يديله الصحة ويباركله في عمره».
أضافت:«مقدرش استوعب خبر زي ده انا بموت في عادل امام، كلنا بنحب عادل امام».
View this post on Instagram
A post shared by Roya Egypt- رؤيا مصر (@royaegy)