حسين حجاج: الهجوم على «رحمة أحمد» كان «غير منطقي»

دافع الفنان حسين حجاج، نجم مسلسل «الكبير أوي» عن الفنانة رحمة أحمد، الذي جسدت دور مربوحة في المسلسل.
وقال حجاج، إن «الهجوم على رحمة أحمد مش منطقي، اللي عملته السنة اللي فاتت هي هي اللي قدمته السنادي، في ناس قالت بتسريع، وفي ناس قالت أوفر شوية وممكن تكون كانت كده فعلا لكن هي مربوحة اللي الناس حبيتها وبقت نجمة».
أضاف خلال حواره مع الإعلامية انجي هشام في برنامج المنسي عبر قناة هي: «متعرضتش للتنمر بسبب أدواري الناس بتحبني وبتشوفني في الشارع تقولي احنا بنحبك يا عم أشرف ده نجاح مش تنمر وانا مفيش حد يتجرأ يتنمر عليا».
تابع: «مفيش حد عمروا تنمر عليا الناس بتضحك معايا لكن تنمر لدرجة التنمر وانا أقف ساكت لا واللي عايز يتنمر هيفكر الف مرة قبل ما يفكر يتنمر عليا».
وأشار الفنان حسين حجاج عن تعرضه للتنمر في التسعينات قائلا: «كنت شغال مسرح تبع جلال الشرقاوي ومسرحية لاحمد ادم وطالع من المسرح 3 ونص ومكنش عندي عربية سنه 99 ولقيت 3 شباب في سن العشرينات وقعدوا يقولوا شوفت أيده شوفت كذا».
أضاف «روحت قالب عليهم الوش التاني وكنت قادر اضربهم التلاتة».
وكشف سبب تمسكه بمهنة تصليح السيارات قائلا: «من 86 اشتغلت في ورشة تصليح سيارات وجالي التمثيل وانا شغال في نفس المهنه ومقعدتش في القاهرة لاني مش حاببها ولما بيكون عندي تصوير ببات فيها وتاني يوم ارجع المنيا، ليه مشروع ناجح اقفله وفي ناس بتاكل عيش؟».
ختم قائلا: «التمثيل مالوش أمان وأعرف ممثلين كتير مش لاقية تاكل والممثل اللي النهاردة ميعملش مشروع جنب الفن بتاعه خسران كل حاجه في فنانين دلوقت مش لاقين ياكله».
https://youtu.be/W0vsDy1R_b4
https://youtu.be/W0vsDy1R_b4