محمود الليثي: "اشتغلت قهوجي وصبي بورشة ولما ربنا فتح عليا منسيتش اللي ساعدوني" | فيديو

قال المطرب الشعبي محمود الليثي: "أول شغلانة اشتغلتها وكنت بحبها وأنا صغير كنت قهوجي وكان كيفي الشغلانة دي".

أول مهنة مارسها الليثي
وأضاف خلال لقائه ببرنامج "سهرانين" الذي يقدِّمه الفنان أمير كرارة بقناة "أون إي": "كنت بشتغل الصبح في القهوة، وبالليل أنزل أغني في الأفراح".

الخراطة الميكانيكية
وتابع: "في الثانوي اشتغلت في ورشة خراطة ميكانيكية اللي بتعمل مواتير السيارات، وكان اللي بيعلمني وبيشرف عليا الأسطى مجدي".
ولفت: "أول لما نجحت ظبطت أبويا وأمي وإخواتي ودوَّرت على المدرسين اللي اتعلمت على إيديهم لحد دكاترة الجامعة، وأسطوات الورش اللي اشتغلت فيها".

دعم الأم لمحمود الليثي
وأضاف محمود الليثي: "أول مرة في حياتي وقفت على مسرح كان عندي 11 سنة كان في فرح شغال عندنا في إمبابة ولقيتها فرصة أن أبويا مش موجود لأنه مكنش مقتنع أني نجم وفضلت أغني من وراه 7 سنين، لكن أمي كانت بتهربني من الدروس وتستر عليا وكانت تعمل أي حاجة ترضيني".
محمود الليثي يرد على اتهامه بالسهر وشرب الخمر | فيديو
رد فعل الجمهور على محمود الليثي بعد فيديو "أنا بخير.. زوج أختي اللي مات"
وكشف المطرب الشعبي محمود الليثي، في وقت سابق، حقيقة اتهامه بالسهر وشرب الخمر أو المواد المخدرة، قائلًا: "أنا الوحيد اللي استحالة حد يصدَّق عليه الكلام ده".

حقيقة شرب محمود الليثي الخمر
وأضاف خلال لقائه ببرنامج "حبر سري" المذاع على قناة "القاهرة والناس": "ابن البلد الجدع ده اللي عارف أصول بيته، وعمري في حياتي ما شربت سيجارة ولا قعدت مع حد في كافيه سواء حريم أو رجالة، وباقعد فقط في كافيه واحد صاحبي اسمه شريف".
أغاني المهرجانات
من جانبها قالت المطربة أمينة: "مش صحيح أني حاطة بتوع أغاني المهرجانات في دماغي ومش بهاجمهم، ولا بضرب فيهم من تحت لتحت، وعلى العكس بغني لهم ساعات في الحفلات".

الألفاظ الخارجة للمهرجانات
وعلَّق محمود الليثي: "مطربو المهرجانات فيهم ناس حلوة وكويسة، ولكن إحنا ضد الألفاظ والكلمات الخارجة لأن ده يسيء لاسم مصر".