«سكتلك سنين ومش عاجب».. محمد رحيم يكشف مفاجأة عن رامي صبري (فيديو)

علق الملحن محمد رحيم على مهاجمة رامي صبري له، خلال مداخلة أخيرة للمطرب في أحد البرامج الإذاعية.
وكتب محمد رحيم في منشور عبر حسابه بموقع الواصل الاجتماعي «فيس بوك»، منشورًا يعلق فيه على الأمر، وقال فيه: «إنت هاجمتني قبل كده أكتر من مرة ومازلت، لأني قلت كلمتين فضفضة، هما من صميم حقي وقوانين الملكية الفكرية واضحة ومفيهاش هزار في بلدنا».
وتابع محمد رحيم في منشوره: «وفي كل دول العالم وكنت بشوف مجهودي وتعبي بيُنسب لغيري وبستحمل وبسكت عشرات المرات، وللأسف إنت اللى زعلان، وبتتهمني إني كنت بهاجم النجاح، لأ أنا قطعًا مش بهاجم النجاح لأنني والحمد لله صديق النجاح، أنا فقط كنت بعلق على استحياء وخجل على ظاهرة سلبية جدًا ومتكررة».
كيف علق محمد رحيم على اتهامات رامي صبري له؟
واستكمل الملحن: «في أسلوب العمل في الوسط الفني وهي ظاهرة استغلال واستحلال مجهود الناس دون وجه حق ونسبته لغير أصحابه الحقيقيين، وأنا عايز بعد تجربتك الأخيرة مع عمرو اللى سببت المشكلة دي كلها الناس تحاول تتخيل، أنا ساكت على إيه بقالي سنين، ولكن بعد الاعتداء على أعمالى وأفكاري ومجهودي ثم سكوتي وصمتي، أطلع بحارب النجاح كمان وكمان أطلع مش عاجب».
وأضاف الملحن: «لأ طبعًا ده كلام مرفوض تمامًا، وفعلًا أنا مش هسمح لأي حد يقوله وربنا يسامح الجميع وطبعًا أنا برد على الملأ، لأنه كلامك كان على الملأ فلذا وجب التصحيح والتوضيح، مع تأكيدي أن عمرو مصطفى طبعًا أنا بعشقه وبحبه من قلبي».
واختتم رحيم كلامه قائلًا: «وإنت كمان أخويا وبحبك، والدليل إني أول مرة أتكلم على مواضيع زي دي حدثت منذ سنوات، ولكن زي ما أنت عندك أسرة، وعندك جمهور تخاف على شكلك قدامهم، أنا كمان زيك بالظبط.. مع تمنياتي بالتوفيق والنجاح الكبير للجميع.. أخوك الموسيقار المصري العالمي المجتهد والمحترم محمد رحيم».