زوجة امام محكمة الأسرة استغل شغله «كول سنتر» وكان بيصاحب البنات وظبطه متلبسا بالخيانة

امراة ثلاثينية وقفت أمام مكتب تسوية النزاعات بمحكمة الأسرة بالجيزة تطلب مساعدتها في إقامة دعوي طلاق للضرر، قالت لأحد الخبراء: معلش استحملني انا عمري ما دخلت قسم ولا محكمة في حياتي، هقولك مشكلتي وقولي أرفع قضية على جوزي إزاي؟.
أمام خبراء التسوية بمحكمة الأسرة قالت الزوجة: زواج عمره 10 أعوام أثمر عن 3 أبناء جمعيهم في مراحل تعليمية مختلفة، ولكن أصبح استكماله مستحيلا بسبب خيانته لي مستغلا عمله في إقامة علاقات عاطفية مع الفتيات والسيدات، بل وإنني ضبطه متلبسًا بالخيانة في منزل والدته.
تفاصيل الدعوي كما روتها الزوجة أمام خبراء التسوية بمحكمة الأسرة: اتجوزت انا وجوزي بعد إعجابه بيا من أول مرة شافني في فرح بنت عمه، كنت وقتها شبه مضربة عن الجواز ورفضت عرسان كتير اتقدمولي، لكني وافقت على جوزي بعد ما لقيت فيه الراجل اللي كنت أتمناه، محترم وابن عيلة وفرق السن بينا مش كبير تقريبا 3 سنين.
وتضيف الزوجة أمام محكمة الأسرة: حياتنا كانت مستقرة واتفقنا نربي ولادنا زي ما اتربينا على الأخلاق وعاداتنا وتقاليد أهالينا البسيطة المحترمة. وقت ما اتجوزنا كان جوزي بيشتغل محاسب في أحد الفنادق وكانت أحوالنا المادية مستقرة جدا، وبعد حوالي 7 سنوات من جوازنا حصلت مشكلة مالية لمكان عمله واضطر مالكه لتصفية كتير من الموظفين وكان بينهم جوزي.
بعد بحث عن عمل لعدة شهور نجح في إيجاد عمل كموظف خدمة عملاء «كول سنتر» بإحدي شركات الاتصالات، وما هي إلا سنة واحدة في وظيفته الجديدة حتي انقلب حاله رأسًا على عقب.
سلوكياته كلها اتغيرت،، تأخير بره البيت، ماسك موبايله ليل ونهار واللي يقرب منه يبهدله.. هكذا قالت الزوجة لخبراء التسوية وهي تحكي تفاصيل دعواها، وأضافت: لغاية ما في يوم اكتشفت بالصدفة محادثات بينه وبين أكتر من بنت على واتساب بيتفق مع واحدة منهم على ميعاد في مكان بالقرب من منزل والدته. ما اتكلمتش كلمة واحدة معاه وقولت أنا هسيبه يروح معاده وأظبطه مع البنت في المكان ده عشان يبقي معندوش كلمة يدافع بيها عن نفسه. لكن الأمور كانت أسوأ من كده بكتير. فبمجرد حضور الفتاة للموعد والمكان رأيته يصطحبها إلى منزل والدته المقفول منذ وفاة والدته ولا يقيم به أحد، فانتظرت حتي صعد بها وطرقت عليهم الباب وظبطه متلبسا بخيانتي.