هنأ الرئيس عبدالفتاح السيسى أقباط مصر بمناسبة عيد الميلاد المجيد، خلال كلمته في كاتدرائية ميلاد المسيح بالعاصمة الإدارية الجديدة، قائلًا: «كل سنة وانتوا طيبين، وعيد سعيد عليكم». وقال الرئيس السيسي إنه يقدر البابا تواضروس الثاني، بابا الإسكندرية وبطريريك الكرازة المرقسية، بشكل كبير، لافتًا إلى قول البابا إن «الأديان تتوافق وليس لازمًا أن تتطابق». ودعا جميع أطياف الشعب المصري إلى أن تعي هذا الأمر جيدًا، متابعًا: «إحنا واحد، مفيش أي شكل من أشكال التفرقة بيننا، ده مينجحش تمامًا». وقال: «أنا شايف الناس في مصر قلقانة وخايفة، مش هقول إن ده مش مبرر، لكن إحنا مش بنخبي عليكم حاجة، أنا في كل مناسبة بتكلم، فمتديش ودنك لحد أقل ما فيه إنه غير مسؤول». وأضاف: «كل واحد يعرف على قده، الموظف، ثم المدير، لغاية ما نوصل إلى أعلى منصب، يعني حد هيعرف على قداسة البابا في شؤون الكنيسة، بالطبع لأ». وتابع السيسي: «اللي يتكلم إن مكنش يعرف، وأكيد مش هيبقى عارف، أولا ما تخافوش لأسباب كتيرة، أولها إن ربنا موجود، يعني هسيبنا يعني، وهو أعز وأكبر من الكل». وأكمل: «والثاني إحنا كدولة حريصين على التعامل مع الأزمة الاقتصادية العالمية، إحنا ماشيين كويس وإن كنا بنعاني، لكن منخفش ولا نقلق، في ناس بتتكلم كلام كتير، أقل حاجة اللي بيتكلم ما يعرفش». واستطرد: «في ناس بتقول خلي بالكوا قناة السويس مش عارف هيعملوا فيها إيه، خلي بالكوا هيبيعوا حاجات منعرفش إيه، لو هنعمل حاجة هنعلن عنها مش هنخبي، وزي ما أنا بتكلم معاكوا هقول.. وبعدين هي مصر لو تعبت هنتخلى عنها؟!». ووصل الرئيس عبدالفتاح السيسى كاتدرائية ميلاد المسيح بالعاصمة الإدارية الجديدة، لتقديم التهنئة بعيد الميلاد المجيد. وترأس البابا تواضروس الثاني، بابا الإسكندرية وبطريريك الكرازة المرقسية، قداس عيد الميلاد المجيد بكاتدرائية ميلاد المسيح في العاصمة الإدارية الجديدة. كان الرئيس عبدالفتاح السيسي قد هنأ الأقباط بعيد الميلاد المجيد، عبر حسابه الرسمي بموقع التواصل الاجتماعي «تويتر». وكتب الحساب الرسمي للرئيس في تغريدة: «كل عام وشعبنا وبلدنا بخير بمناسبة عيد الميلاد المجيد، تلك المناسبة العطرة التي تجمعنا على حب الوطن، وتؤكد أننا على طريق المواطنة سائرون ولن نحيد أبدا عن التعايش الإنساني والإيمان الأصيل بوحدة الوطن والجماعة الإنسانية». وتابع: «إنني أدعو في هذه المناسبة لاستلهام المعاني العطرة التي أرساها السيد المسيح عليه السلام من الحب والتسامح والعفو والإحسان. كل عام وأنتم بكل الخير والسلام، ومصر دائما وأبدا في أمن وأمان».
