«جهاز رادار».. مفيدة شيحة: الست لديها حاسة سادسة لكشف الكذب (فيديو)

قالت الإعلامية مفيدة شيحة: «هل تتعارض الحاسة السادسة مع إن الست بتحب بودنها؟».
وأضافت خلال تقديم برنامجها «الستات»، المذاع عبر فضائية «النهار وان»، مساء الأحد، أن «الأسطورة تقول إن الست تحب بأذنها والأذن تعشق قبل العين أحيانًا، يعني لو راجل بيعرف يقول الكلمة الحلوة تحبه، والأسطورة كمان بتقول إن الست عندها حاسة سادسة، جهاز رادار لكشف الكذب، ولو حد جرب يضحك عليها بالكلام الحلو هتكشفه على طول».
وتابعت مفيدة شيحة أن: «السؤال الأهم: هل الست وهي نقطة ضعفها في ودنها هتصدق كل الكلام الحلو ولا الحاسة السادسة هتنور لها إشارة الخطر وتشغل إنذارات الكذب؟ طب ولو الحاسة السادسة بتكشف لها كل حاجة ليه بيتضحك عليها وتنخدع ولا هي بتطنش الخطر بمزاجها وترمي نفسها فيه وهي عارفه؟».
وواصلت مفيدة: «متى تسمع الست صوت الحاسة السادسة وتصدقه وتخليه يحميها؟ ومتى تعطله وتساهم في تدمير نفسها، وهل ممكن يتعطل وما يشتغلش ولا هو كدا كدا شغال؟».
واختتمت مفيدة شيحة: «الستات أكتر كائنات روحانية، وبالتالي يؤثر فيها المعاني أكتر من أي حاجة، تملكها بكلمة وتخسرها بكلمة، وسبحان الذي ينعم بنفس ما يعذب به».