حديث المدينة

مفيد فوزى : مساء الخيرلا يمكن اختصار جهد سنه من الابحار فى بحور هموم المجتمع فى اقل من ساعة لانه جهد شارع مع ذلك هنا اشارات مهمة لها دلالات تعكس قيما معينة مثلا نفرح بالمرأة مقتحمة اجواء الفضاء كطيارة فى اسطول مصر الطائر لا مصاعب مطلقا امام المرأة
فاصل
مفيد فوزى : لما قدمتى فى معهد الطيران وجه عينك على مقعد الطيار كان اية الحلم عندك
الطيارة : ان انا ابقى كابتن ما انا دخلت الضيافة علشان اقدر يعنى اكون امكانيات مادية معينه علشان اقدر اصرف يعنى انا يوم ما دخلت الشركة دخلت الاثنين مع بعض قدمت فى المعهد ودخلت الشركة
مفيد فوزى : اه يعنى انت كان دخولك لعالم الضيافة علشان امكانياتى لان انا حسبتها انا اتخرجت مهندسة ميكانيكا بور - لوقعدت 20 سنه اشتغل مهندسة خصوصا ان انا كنت باشتغل فى الصيف ما بين ثانية وثالثة وثالثة ورابعة كل صيف يعنى كنت باشتغل علشان اخذ خبرة فكنت عارفة المجالات شكلها اية حول امكانيات الدخول يعنى فحسبتها فلقيت ان انا هقعد عشرين سنه اشتغل مهندسة علشان اقدر اجيب قسط المعهد العملية مش هتنفع فا دخلت اشتغلت
مفيد فوزى :على فكرة مخك مخ رجالة
طيارة : ههههه
مفيد فوزى : انا غلطان هة هههه انا غلطان يعنى تقديرى غلط اه يعنى حسبنجية وبعدين واضح كما ان الطيار حسبنجى
طيارة : اة ملازم
مفيد فوزى : الطيار على فكرة كنت بأسألك سؤال مهم قوى الطيار دقيق دقة مريضة وصححى لى الجملة دقة مريضة
طيارة : صحصح دقة جامدة مينفعش يطلع الدور الثالث الا لما يخش الاول والثانى يعنى لازم تفكيرة يبقى فيه خطواط
مفيد فوزى : وما ينفعش ينط مرة واحدة
طيارة : لألأ مفيش لازم يبقى عنده bocitiv كده بيمشى فيها بيعملها من الاول للثانى للثالث للرابع ما يقدرش يعمل jumping للcoploganلأ مينفعش مينفش ال main بتاعة يكون prysit لأ لزم اكون ابص على الحاجة افكر واخذ ال desiveryكل ده فى اجزاء من ا لثانية
فاصل
مفيد فوزى : نفرح بقيمة التحدى حتى ولو كان الانسان محروما من ادواتة مثل كريمة مختار المراة التى تسخر من رفاهية اوجاعنا اتفضلى مش مهم اعملى عليها
كريمة:عاوزنى امسكها برجلى والا بالشوكة
مفيد فوزى :اللى انت عاوزةجميل
كريمة:امسكها بالشوكة السكينة تلمة
مفيد فوزى : عايزاقولك السكينة تلمة حستيها هه هه
كريمة:اه
مفيد فوزى :عايز اقول لك خذى بالك من نفسك يعنى يعنى كا موقف متعاطف معاكى علشان انت رجلك مع السكينة
كريمة مختار:اه
مفيد فوزى :الله انتى بتعملى سلطة كمان فى البيت لايمن هه
كريمة:اه طبعا اكيد اتفضل يا استاذ مفيد
مفيد فوزى : ودى الطريقة الوحيدة
كريمة:اتفضل يا استاذ مفيد
مفيد فوزى : اشكرك على فكرة فيتامينات فيتامينات اول مرة فى الحياة حد بدبنى قطاية او حتة قوطة برجلة وانا تقبلتها واعتقد انها شهية لانها من امراة يقال عنها فى الجرائد وفى التليفزيونات يقال يقال انها امرأة معوقة لا معوقة ولا حاجة دا انا اللى معوق
كريمة: هه على فكرة يا استاذ مفيد
مفيد فوزى :نعم
كريمة:المعوق ده مش اعاقة فى الجسد المعوق ده بيبقى اعاقة زهنيا نفسيا
فاصل
مفيد فوزى : ننزل للصعيد ونسمع صوتة وانينة واوجاعة فى تحقيق مدروس لا مجرد تقرير لسد خانة 000 مالة ابنك يا ستى
ام طفل :عنده ضمورفى المخ
مفيد فوزى : جيتى المستشفى كام مرة
ام طفل :انا جيت يجولوا لى اطلعى هاتية من برة
مفيد فوزى :اطلعى هاتية من برة
ام طفل :بدلية العلاج بيدوه لى
مفيد فوزى : يعنى ايه يعنى ايه
ام طفل :من بره اخدة
مفيد فوزى :ازاى
ام طفل :علاج يجولوا تلاجية فى الصيداليات برة
مفيد فوزى : يعنى ايه الصيدليات
ام طفل : عشان معندنا مش موجود هنا
مفيد فوزى : كام مرة جيتى هنا بالولد
ام طفل : ا كتير كل شهر 8 شهور
مفيد فوزى :8 شهور كل يوم بتيجى
ام طفل :لأ كل شهر
مفيد فوزى :كل شهر والولد عنده ايه ضمورفى المخ
ام طفل : عنده ضمور فى المخ
مفيد فوزى : طيب ما قلوش لك ايه الحل
ام طفل : ا الحل جالوا لى علاج على نفقة الدولة التأمين لية عشان هو معوق يعنى ما بيروح مدرسة قلت خدمة يعنى يدونى الكل
مفيد فوزى : بيقولوا لك ايه
ام طفل : بيقولى لى لأ على نفقة الدولة معيش مصاريف ابوه راجل كبير وحالتنا على جديها
مفيد فوزى : دكتورعبد الرؤوف
د/عبد الروؤف : اتفضل
مفيد فوزى : الوزير مش هيرفدك يا حبيبى
د/عبد الروؤف : لأ يا باشا
مفيد فوزى : دا الوزير بنفسة بعضمة لسانة قال المستشفى تسمح تقولى الوزير قال كده ليه
د/عبد الروؤف : لان المستشفى كان فية حاجات عايزة تتطور فيها
مفيد فوزى : زى
د/عبد الروؤف : مثل حجرة العمليات
مفيد فوزى : كت مالها انا ماقلتش انا باقول لية الوزير قال السؤال
د/عبد الروؤف : الوزير قال لانه طبعا مستوى الخدمة اللى بيؤدى هنا هوت محتاج انه يتطور
مفيد فوزى : جميل ليه
د/ عبد الروؤف : بالضبط
مفيد فوزى : دوا ما جتش
د/ عبد الروؤف : الادوية موجودة
مفيد فوزى : لأ الله اذن الوزير بيكذب
د/ عبد الروؤف : ما اقصدش
مفيد فوزى : لالالالا الوزير بيكذب يبقى الوزير مكنش صادق
د/ عبد الروؤف : لأ الوزير صادق سعتك
مفيد فوزى : افهم منه الوزير ما زرش المستشفى
د/عبد الروؤف : الوزيرصادق سعتك الوزير صادق سعتك بيحاول يتطور المستشفى الى الاحسن
مفيد فوزى : عاوز اعرف الصورة الحالية اللى صدمت الوزير
د/عبد الروؤف : لأ الصورة الحالية
مفيد فوزى : اللى صدمت الوزير
د/عبد الروؤف :اللى صدمت الوزير سعتك
مفيد فوزى : اقرا الجبلى اثناء زيارتة مستشفى الاقصر العام قال انا اللى شايفة ده مش مستشفى اطلق الجبلى اثناء زيارته امس على العيادات الخارجية على المبنى الرئيسى وقال اللى انا شايفة الان مش مستشفى ولاحظ وجود نقص فى الاجهزة الحديثة يا دكتورستنى استنى
د/ عبد الروؤف : مقلتش على الوزير يا دكتور
مفيد فوزى : يا دكتورحضرتك لا تريد ا ن تعطى الصورة الصادقة الحقيقة
د/ عبد الروؤف : اعطى الصورة الحقيقية
مفيد فوزى : طيب على اى حال عايز احترم حاجة فيك عايز احترم حاجة فيك
د/ عبد الروؤف : اتفضل اتفضل هردعلى ال 3 حاجات دول
مفيد فوزى :ارجوا استنى ان انا اجيلك لما المستشفى يحصل المبنى الجديد
د/ عبد الروؤف : القسم لما يكون بهذا المعدل العيان مش هيجيب اى حاجة ولا تؤدى خدمة بدليل
مفيد فوزى : خلينى اكلم الناس
د/ عبد الروؤف : ماشى اتفضل
مفيد فوزى : الماساة فى مصر ان لما يبقى فى موظف فى الدولة اللى بيحصل بالضبط ان هو يريدان تكون المسألة سوبر استار لكن المشكلة هنا انه بيدىوهو ما قالة الوزير حاتم الجبلى وهو اكثر صدقا واكثر صدقا من مديرية فى المستشفيات
فاصل
مفيد فوزى : نحترم العمل كا قيمة ولو كان عشماوى نجم حجرة الاعدام اللى بينفذ الاحكام على بشرالشرهوفى النهايةانسان مكلف بأداء واجب مين الاسهل يا حسين الرجالة واللا الستات لما بتيجى تخلص
عشماوى : الرجالة اسهل حضرتك
مفيد فوزى : ازاى الرجالة اسهل من استات
عشماوى :لان الست لمؤاخذة فى شغلنا احنا بتبقى ضعيفة الراجل بيبقى له عضلات فى رقبتة بنشيل وبيتحمل ما بينجرحش وحاجة زى كدة الست طبعا لها بروز ولها جنش وكدة ورقبتها بتبقى ضعيفة مفيهاش عضلات يعنى تكوينها الجثمانى ربنا خلقها كدة
مفيد فوزى : يعنى انت ما بترقش
عشماوى : انت عارف دا شغل مهم وشغل مكلف بيه وبعدين انت عارف حضرتك
مفيد فوزى : بتعمل ايه بعد ما تسحب السكينة
عشماوى : برتاح
مفيد فوزى :بترتاح
عشماوى : نفسيا بارتاح
مفيد فوزى :هل من الممكن ان يحصل السكينة دى يحدث فيها خطا ما فا الراجل ما يسقطش او الست ما تسقطش
عشماوى :احنا بنروح قبل الكانتين بيوم باعمل تجربة مرة واثنين وثلاثة وعشرة حضرتك
مفيد فوزى :الله يعن بتعمل بروفات
عشماوى : بروفات اه طبعا فيها عطل فيها عيوب وبعدين بتبقى لجنة كبيرة واقفة
مفيد فوزى :هسألك
عشماوى :اتفضل
مفيد فوزى : افرض انك عملت اسمها ايه السكينة والسكينة ما جتش معاك يحصل حاجة
عشماوى : ده الكلام ده بقى لو انا ما جربتش
مفيد فوزى : افرض افرض بقول لك افرض
عشماوى : باركن المتهم لحد ما باصلح ده لانه اعدام شنقا بين قوسين حتى الموت
مفيد فوزى : اه يعنى يعنى لازم هو فيه حد بينزل تحت يشوفه
عشماوى :اه اه انا بانزل معاه بانزل معاه
مفيد فوزى :بتنزل معاه
عشماوى : فى البير وبفك له ايدة هو بيفضل 3 دقائق بس كده هو النزلة فيها الوفاة لان فيها كسر النزلة فيها كسر فقرات العنق فى بقى شوية دم حضرتك بيبقوا لسة متحوشين زى اللى ماشى بالعربية سعتك وبتشطب بنزيم انا بامسك ايدوهو ايد لحد واحدة واحدة واحدة لمدة 3 دقائق وبس خلاص
فاصل
مفيد فوزى : الاحظ فى مصر سكان البدروم ونرصد حياتهم الخاصة ان كان فيها خصوصية وهل لنجوم الصفر اى خصوصية عايشين ادايه فى البدروم ده
سكان البدروم :9 سنين
مفيد فوزى :فى البدروم
سكان البدروم : الاوده هتقع عليا وطالع منها تعابين لمؤاخذة وفران وعرس وهم ثقيل انا بنام
عن سلفى
ساكن البدروم : هنا المواسير سياتك نزلة عليا المية عرض مستمر رحت الحى يقولك يا اخى
عملها على حسابك برة المواسير العمومية العمومية اللى ركبوها تحت المساكن كلها سياتك هتطلع كمان تشوفها بعنيك مكسورة نبلغ مفيش كلمات من دى
ساكن البدروم : مفيش اى شئ نايمين تحت الارض
مفيد فوزى :فى ناس عايشين فى البدرومات دى
ساكن البدروم :ايوا يا بية انا عايش بقالى ست سنين انا راجل معوق كان عندى محل فى بيت
البيت كلة وقع مصدر رزقى راح والسكن راح واترمينا فى البدروما ت وقالوا لنا فى خلال سنه والا سنتين هتستلموابقالى ست سنين مرمى رمية الكلاب لا احد سائل فينا دورتين انتخابات عدت والناس اللى نجحت ولا حد سأئل فينا ولا عبرنا
مفيد فوزى :امال مين بيجلكوا من الدولة
ساكن البدروم :مفيش حد بيجى مفيش حد بيجى وميت واحد بيجى يصور ويقول كلام كثير قوى
ومفيش حد بيسأل فينا ست سنين فى العذاب دوت حياة غير ادمية اخر حاجة جم عملوها مراحيض ترميم مراحيض يا استاذ مفيد ب 800 الف جنية مليون
مفيد فوزى : مراحيض ايه
ساكن البدروم :مراحيض الحمامات اللى احنا بنعمل بنقضى فيها حاجتنا ترميم ب 800 الف جنية
مفيد فوزى :انا شفت حمام واحد
ساكن البدروم : اه تعالى اوريها لحضرتك 14حمام عاملين منهم 7 والتنين مريضيوش يوصلوا لينا المية معرف نسيوا والا ايه حمام واحد اللى شغال 18 اسرة فى حمام واحد فى البدرومات عندنا انا كتبت قصيدة زجلية باوصف فيها حيتنا حياة اكتر من 200 اسرة عايشين تحت الارض
مفيد فوزى :قولها لى
ساكن البدروم :اسمها البدروم بقول جوا القبر تحت الارض شفت حاجات ما تقلش لحد دود وفران صراصير تعابين واحنا معاهم هنا عايشين فى البدروم كل ما نيجى نفكر نفرح نلقى مجارى علينا بتطفح مرة بتطلع لنا من الارض مرة بتنزل لنا من السقف ومرة بتيجى من الجدران كل ده كوم والامراض عندنا بالكوم فى البدروم وسيادة النائب مرتاح ومحافظ عنده الافراح ورئيس الحى المرتاح مش عايز يرحمنا فى يوم ويخرجنا من البدروم سنين عدت ووراها سنين ولا شفناش المسئولين احنا ايه مش مصريين هو احنا ايه مش بنى ادمين والله مصرى وابويا مصرى مات وسبنى فى البدروم
فاصل
مفيد فوزى :نرصد التلوث فى بحيرة المنزلة ونقدم صورة واقعية على شفاة الصيادين ووسط اجهزة الدولة والصحافة فى الكشف عن هذا التلوث
صيادين :هيجيبوا ايه دول قسما بالله ما يجى فى جيب الراجل 5 جنية
مفيد فوزى : ستاذ احمد معوض محدش يقف يسمع الصيادين وهى بتتكلم علشان يبقى عندهم حرية فى الكلام
صياد : لرزق عندى فى الرزق عاد ضيق علينا خالص
مفيد فوزى :ليه
صياد : بالنسبة للياسيمن والعلاوى والناس اللى هما ماسكين العلاوى دول معاهم سلاح وبيتهجموا على الصياد الغلبان اللى ما معهوش 5 جنية فى بيته عشان يصرف مفيش مفيش مصدر رزق
مفيد فوزى : سبب ده ايه
صياد : سبب دوة الناس دلوقتى اللى له حتة جنب البحر كده عايز ياخد البحر كله له
صياد :ايوا يا استاذ مفيد دلوقتى احنا سبع رجالة كل واحد عنده خمس ست عيال ده ما يأكلش عيش حاف مفيش نعمل ايه نسرق والا ننهب والا نعمل ايه
صياد :السمك دلوقتى اللى موجود فى البحيرة ملوث من الميه
مفيد فوزى : حقيقة
صياد :حقيقة ملوث
مفيد فوزى :يعنى انت انت راجل كبير مش هتكذب ولا هتجمل الصورة
صياد :لا مش هنكذب بامارس مهنة الصيد من خمسين سنه انا باشتغل صياد فى المطرية معنديش شغلة الا هى ودلوقتى جيت على جنب معنديش مسرح والله الناس اللى خدوا البحيرة
لو اى واحد صياد غلبان مشى ينضرب بالنار يعنى لو احنااتكلمنا بننضرب بالنار اى واحد غلبان من المطرية يروح البحيرة يتكلم ينضرب ان ما انضربش بالنار بيتهدد فى لبلد هنا خت با ل سياتك فا احنا مش عارفين نتكلم مش عارفين صوتنا يوصل وغلبنا عشان صوتنا يوصل احنا المية كانت مترين
مفيد فوزى :من الملوثات والا من ايه المعتدين
صياد : الملوثات والمعتدين
فاصل
مفيد فوزى : تلوث اخر فى عقول بعض الشباب المهاجر بيغرقوا على سواحل اوروبا بحثا عن سراب امل مين اللى وذك فاهم يعنى ايه وذك
شاب مصرى : شفت عيال صحابى سافروا
مفيد فوزى : بيشتلوا ايه هناك
شاب مصرى :بيروحوا مدرسة هناك بيتعلموا ايطالى
مفيد فوزى : وانت رحت لغاية فين
شاب مصرى : مالطة
مفيد فوزى : ومن مالطة
شاب مصرى :ركبت طيارة ورجعت مصر تانى
مفيد فوزى : رحلوك
شاب مصرى : اه
مفيد فوزى : يعنى مين اللى قالك انك انت لما تروح هناك كان معاك اوراق
شاب مصرى :لأ
مفيد فوزى : ولا جواز سفر ولا حاجة
شاب مصرى : لأ
مفيد فوزى : عمرك ما سمعت ابدا ان الشخص اللى يسافر برة لازم يبقى معاه جواز سفر عمرك ما تعرف الحقيقة دى
شاب مصرى :اعرف
مفيد فوزى : هه
شاب مصرى :اعرف بس انا ليا اصحاب كثير وصلوا بالطريقة دى
مفيد فوزى : يا اخى الله يخرب بيت صحابك دول يا اخى يا اخى كان احسن انك تغرق غرقت والا ايه والا انقذوك
شاب مصرى : الحمد لله
مفيد فوزى : الحمد لله ايه
شاب مصرى : رجعت انقذونى
مفيد فوزى :اخوك سافر ازاى
شاب مصرى : هجرة بردوا
مفيد فوزى : هجرة ازاى يعنى
شاب مصرى : عن طريق ليبا بردوا
مفيد فوزى : ازاى يعنى دخل ليبيا وبعدين
شاب مصرى : دخل ليبيا وبعدين ركب من لييبا دخل ايطاليا
مفيد فوزى : من من غير لا ورق ولا جواز سفر ولا حاجة انت بقى حبيت تعمل زية
شاب مصرى : اه
مفيد فوزى :هو اللى قال لك تعالى
شاب مصرى :لأ انا اللى رحت هو مكنش عاوز يودينى
مفيد فوزى : حوشت اد ايه علشان تسافر
شاب مصرى :10 الالاف
مفيد فوزى : 10 الالاف جنية
شاب مصرى : اه
مفيد فوزى : حصل لك ايه
شاب مصرى : بعتوهم وبعدين رحت ليبيا قعت شهر
مفيد فوزى : شهر فى ليبيا
شاب مصرى : اه
مفيد فوزى : بتعمل ايه
شاب مصرى :قعدت فى تخزين
مفيد فوزى : فى ايه
شاب مصرى : فى تخزين
مفيد فوزى : متخزنين
شاب مصرى :اه فى مزرعة كده
مفيد فوزى : وبعدين
شاب مصرى : وبعدين ركبنا البحر بعد الشهر
مفيد فوزى : وبعد كده
شاب مصرى : وبعد كدة المركبة بقى بدأت تغرق بينا فى البحر لحد
مفيد فوزى :المركب غرقت فى البحر
شاب مصرى :اه
مفيد فوزى : وانت بتعرف تعوم
شاب مصرى :لا المركب غرقت على الشط
مفيد فوزى : على الشط
شاب مصرى :اه
مفيد فوزى :قالوا دى خلاص دى ايطاليا
شاب مصرى :اه دى ايطاليا
مفيد فوزى :وطلعت ايه
شاب مصرى : طلعت مالطة
مفيد فوزى : اضحك عليكوا يعنى
شاب مصرى :اه اضحك علينا
شاب مصرى : احنا اللى دافع 50 الف جنية اللى بايع ارضه اللى كلة جاى ناحية البحر الناس كلها جاية ناحية البحر اللى راح ليبيا وجية من ليبيا اللى جية من اسكندرية اللى دفع 50 الف جنية اللى دفع 60 الف جنية بايع ارضة بايع دهب مراته عامل اى حاجة زى ما الناس كلها
شاب مصرى : والله انصح كل شاب اخواتنا المصريين هناك فى مصران هو ما يخاطرش بحياتة لما يجى هنا لان فى ظل الاقتصاداللى هو تعبان مش فى ايطاليا وفى مصر ده هو فى جميع الدول ان اول شئ هو حياته ممكن ان هن يموت عن طريق يا اما يجى هنا يقعد زى السجن بالضبط
مفيد فوزى : دا سافر باية بفلوس
والد شاب مصرى: طبعا سافر كون نفسة راجل قاعد لوحدة
مفيد فوزى : عنده كام سنه
والد شاب مصرى: عنده بتاع 31 سنه
مفيد فوزى :31 سنه
والد شاب مصرى: ايوا ما متجوز ما انا جوزته وخلف عنده ولدين
مفيد فوزى : عنده 31 سنه ده متجوزدا عندهم اد اية العيال دول
والد شاب مصرى:واحد عنده 8 سنين داخل اولى ابتدائى السنة دى الثانى فى ثالثة حضانة
مفيد فوزى : وسافر
والد شاب مصرى: وسافر وسافر بقى
مفيد فوزى : عنده 30 سنه يا حج
والد شاب مصرى: ايوا
مفيد فوزى : يعنى مش طفل و هو واخد بكالوريوس زراعة واخد بكالوريوس زراعة متعينش
مفيد فوزى : امسح دموعك ياحج
والد شاب مصرى:الحمد لله
مفيد فوزى :امسح دموعك
والد شاب مصرى: الحمد لله
مفيد فوزى :هو ده نتيجة الجهل بس جهل ايه ده متعلم
والد شاب مصرى: نصيب نصيب
مفيد فوزى : هنقول ايه بقى
والد شاب مصرى: ربنا يرخى علينا الصبرهنقول ايه بأيدنا اية نعملة واحنا نعملة
مفيد فوزى : نرصد احداثا بلد فى المواقع لامن خلف مكاتب ونذهب الى الحجر الصحى مطار القاهرة يوم دق فيروس انفلونزا الخنازيرعلى بابنا
فاصل
مفيد فوزى :الهدف من الحجر الصحى منع دخول او انتشار اى وباءقادم من اى جهة
الراجل الراجل بتاع اللى معانا ده تعرف ازاى عنده ايه
دكتور :هل فى احمرار فى الوجه يدل على ان
مفيد فوزى : يعنى دى كلها مجرد علامات
دكتور :علامات
مفيد فوزى : يعنى ملاحظاتك علشان كدة بتسميها مناظرة نعم
دكتور:لو شكيت فيه بقى با اقيس له درجة الحرارة وباخذه العياده
مفيد فوزى : بتقيس له درجة الحرارة اية بالترمومتر بتعنا
دكتور:لأ فى جهاز الكترونى بيتقاس بالودن معانا بس طبعا ننقل من بق لبق ده
مفيد فوزى : طبعا طبعا فى جهازبيكون مع الاطباء ومطمنين بيقيسوا لك راكب درجة الحرارة لو كانوا جايين من المناطق اللى
دكتورة : دورنا ان احنا بنشوف الركاب وهماجايين من الدول اللى هى المفروض منظمة الصحة العالمية ان هى بتبلغنا بيجلنا منشور بالدول اللى فيها المرض فالمفروض ان احنا بنشوف كل الركاب اللى جايين من البلاد دىبنبص عليهم الدكاترة بيبقوا واقفين دى اسمها مناظرة ان انا باشوف الناس
مفيد فوزى : يعنى انت بيبقى لك رؤية للشخص وهو جاىبتقعدوا تفحصوة يعنى احنا بنشوفة قبل افرضى طب يا ستى ان انا وانا جاى مرهق ورحت عطسان
دكتورة :ممكن يحصل كده احنا الفيصل بتعنا ارتفاع درجة الحرارة المفروض درجة الحرارة
مفيد فوزى : بتعلى اية بدرجة الحرارة
دكتورة :بنقيس درجة الحرارة لو وصلت درجة الحرارة 38 فيما فوق ده لازم يتعزل فورا فى مستشفى يتاخد منه عينة يفضل موجود لحد ما نتيجة العينة تطلع
مفيد فوزى :افرضى عندى انفلونزا عادية
دكتورة :ماهو لو عنده انفلونزا عادية هيطلع نجتف مش هيطلع عنده h1n1
مفيد فوزى : لكن بردوا لابد من عزلة
دكتورة :طبعالان الاعراض زى بعض فاذا الحرارة هى حرارة الانفلونزا العادية زى ال H1N1نفس الاعراض اللى هى اعراض البرد العادية عطس ورشح وحرارة احيانا بيبقى فى اسهال وقئ واحيانا لأ
مفيد فوزى :دكتورعبد المجيدهو صحيح ان انسجة الخنازير بيصنع منها صمامات القلب
د/ عبد المجيد :اه صح
مفيد فوزى :انت بتقولها على اسحياء كده ليه
د/ مصطفى :لأ ما بتظهر وهنبتدى نعيد حساباتنا من جديد بقى ههه بس بتصنع منها ال فالبز بتاعة القلب
مفيد فوزى : ما بتقولش ليه ان هناك حقيقة علمية يعنى ايه نعيد حساباتنا
د/ مصطفى : لألأ مفيش مشكلة
مفيد فوزى : يعنى ايه نعيد حساباتنا يا دكتورفهمنى
د/ مصطفى :لأ هيبدأ بقى الناس الناس الوعى بقى مهم قوى انه يوعى الناس
مفيد فوزى : احنا هنا فى مصر يا دكتورمصطفى ما بنشتغلش بفكرة التيم ورك واللى ده زويل يوما ما اطلقها وكانت مجرد امل
د/ مصطفى : الى حد ما
مفيد فوزى :الى حد ما ما بتقاش متحفظ
د/ مصطفى : مش متحفظ والله
مفيد فوزى : بنعملها فى حاجات للاسف قعد فية فتحى سعد
د/ مصطفى :وانا ليا الشرف ان انا اقعد مكانه
مفيد فوزى :هل انت فى احلامك او فى خطتك انك فى يوم من الايام تسيب هذه القيمة الاكاديمية علشان تبقى محافظ
د/ مصطفى : والله يا افندم انا باخدم بلدى فى اى موقع ان كان انما انا حاليا
مفيد فوزى : وانا فى مكان جامعى له قيمتة وقدسيته واحترامه باحب باستمرار انى اؤهل نفسى ان وانا باسمع من شخصية فى موقع العميد ما تبقاش متلئلئة
د/ مصطفى : لأ مفيش لئلئة ولا حاجة
مفيد فوزى :يا ابيض يا اسود
د/ مصطفى :مفيش لئلئة
مفيد فوزى :انت رايك ان محصلش تعاون
د/ مصطفى : محصلش تعاون مع الجانب تماما
مفيد فوزى : مفيش فى مصر منطق التيم ورك فى التعامل
د/ مصطفى : للاسف للاسف الى حد كبير بنأخذ بيها فى بعض الامور بدايات او فى وقت ازمات بنأخذ بيها من الناس ونسمع وبعد كدة ترجع ريما لعادتها القديمة للاسف
فاصل
مفيد فوزى : ونقف لنحارب ثقافة البلاستك الضارة وكيف نغيرها هناك اشياء وقيم وسلوكيات مسكوت عنها دور الشاشة تغيرها ونزلنا الشارع
فاصل
مفيد فوزى :الاستخدام الاكثر امان
بائع كشرى :الاكثر امان هو كل البلاستيكات وحشة
مفيد فوزى : ليه كل البلاستيكات وحشة
مواطن :طب هقول لك على حاجة دا الكرسة
مفيد فوزى : كل البلاستيكات كانت سيئة
مواطن :الكرسى البلاستيك بيعمل هزات فى المخ اللى هما انهاردة بيشتغلوا بيه اللى هو الاصلى سواء مهما يحطوا فية اى حاجة هما بردوا لما بتيجى تقعد فيه بيجيلك حاجة اسمة الرعاش
مواطنة مصرية : كنا الاول بنجيب البلونات بتاعت العيد والتفاريح بتاعت اعياد الميلاد والكلام ده كلة بعد ما عرفنا انها بقى فيها المادة البلاستيكية ما بقناش نجيب
مفيد فوزى :بطلتيها
مواطنة مصرية: اه
بائع كشرى : يعنى دى مثل دى مثلا بأنبة على الزبون هتقد فيها اد اية
مفيد فوزى : انت بتنبة الزبون
بائع كشرى : ايوا بانبة الزبون
مفيد فوزى : بتقول له اية
بائع كشرى :بقولة سيادتك العلبة دى ما تقعدش معاك اكثر من ساعة حتى وهو نازل سخن طازة بقول له ماتقعدش معاك اكثر من ساعة لانى عارف اية اللى بيحصل
مفيد فوزى :لانه انت عارف اضرار البلاستيك
بائع كشرى : ايواعارف اضرار البلاستك علشان كده براجع الزبون
مواطنة :دلوقتى الناس بقت عارفة ان الاكياس النيلون اكثرها ضار خاصة الغامق
مفيد فوزى :الغامق
مواطن مصرى : الغامق اللى هو لان اه ده بيتصنع من الزبالة مينفعش مينفعش حد يستعملة فى اى حاجة عيش الحاجات دى غلط
مفيد فوزى : بتشترى ايه عيش فى كيس بلاستيك
مواطن مصرى : كيس بلاستيك اسمر لأ بيطلع البخار فيه
مفيد فوزى :البلاستيك اللى هو مالة
مواطن مصرى : الاسمر
مفيد فوزى : مالة
مواطن مصرى : مش صحى
مفيد فوزى : مش صحى ليه عرفتى ازاى
مواطن مصرى :انا عارفة بيتلم من الزبالة وبيرجعوا تانى يصنعوة مخلفات الزبالة ويرجعواتانى يصنعوةمش صحى
مفيد فوزى : اه يعنى الناس تحذرة يعنى
مواطن مصرى : اه غلط والخلق ملانه امراض لوحدها
مفيد فوزى :طيب الاكياس العادية تحط فيها لبن مثلا
مواطن مصرى : البن ده بفضل اخذ لبانة او اى حاجة وكما ن الاحسن الاستلس
مفيد فوزى :الاستلس تيل
مواطن مصرى : اه هو اه اه
مفيد فوزى :بتجيب للاولاد انت عندك اولاد صغيرين
مواطن مصرى :اه
مفيد فوزى : بتجيبى لهم بالونات بلاستك
مواطن مصرى :لأ لأ ما بفكرش اجيبها
مفيد فوزى : عايز اقولك انا معجب بيكى لانك مفتحة ومنورة
مواطن مصرى :يارب يخليك يا استاذ مفيد يا ما كان نفسى اشوفك من زمان
مواطن مصرى : لو الحاجة دىباردة ماشى البلاستيك لكن لو سخن ما اقدرش احط عند البلاستيك حاجة سخنة
مفيد فوزى :ليه ليه بيتفاعل مع الساخن لكن مع البارد اسمع ما بيتفاعلش هما بيقولوا كده
مفيد فوزى :قولى الكيس بتطلعة ازاى
مواطن مصرى :اى كيس بيبقى له فتحة سواء صغير او كبير
مفيد فوزى :ازاى
مواطن مصرى :افتح الكيس كده انفخ الكيس من فوق ولفة يمين وشمال من غير اى عقبة انما اللى ما عندوش خبرة ولا اى حاجة فى المجال ده الكيس بينفخ فية فا الواحد ميعرفش جواك انت ايه ممكن تكون سليم 100 ال 100 بس اللى ادامك مش عارف انك سليم الناس بتشمئز ممكن يكون عندى مرض ومعرفش فلازم ياخد بالة الحيطة والحذر
فاصل
مفيد فوزى :ودخلنا البيوت لنقابل العانسات اللى فاتهم قطارالزواج ان الشاشة تغير وجدان البنات ليس عبر الدراما وحدها انما من خلال تجارب معاشة
فاصل
مفيد فوزى :انت حاسة ان قطر الزواج فاتك
فتاة مصرية : هما بيحسسونى بكده لكن .......
مفيد فوزى :مين هما
فتاة مصرية :الناس اللى حواليا الجيران اصحابى بيقولوا لى سنك مش صغير دلوقتى بيتزوجوا سن 21 سنه 19 سنه 18 سنه انتوا الدنيا اتغيرت زمان طبعا الماديات طبعا فكان مفيش تكلفة بتاعت شقة تمليك وفرش كامل وفرح الفرح دلوقتى ب 10000 جنية فكل الناس حواليا خلاص لو وصلت لسن ال 30 وما اتجوزتش كده عانس يعنى فا انا رفضة كلمة عانس دى ومش حبه ان انا يتقالى كلمة عانس لان انا لسة فى رعيان شبابى يعنى والجواز دلوقتى فى المجتمع 30 سنه دى ما تعتبرش عانس يعنى انا والدتى لما اتكلمت معاها فى حاجة زى دى قال لى الزمن بتعنا غير زمانكوا
محمد محمود : احنا عندنا 9 مليون فى مصر 4 مليون تقريبا بنات و5 مليون اولاد يعنى احنا المفروض ان احنا نسهل شوية يعنى يبقى فى توافق نقضى على الفراغات اللى مابين دى اللى هى المغالاه فى المهور لو قضينا على دى متهيأ لى مشكلة العنوسة هتزول
فتاة مصرية :25 بقت مشكلة دى وصلت 25 ومااتجوزتش فا دلوقتى بقت مشكلة السن للى حوالينا مش لينا احنا بقت مشكلة للناس اللى حوالينا هى ان هى عايزة ان احنا نتزوج باى طريقة وباى شكل اى حد المهم ان احنا ما نعديش السن اللى هو من 25 الى 30 سنه
فتاة مصرية : هو هدفى الاول انى اقول للبنت ان الحياة مش جواز وماتقعديش جنب الحيطة مستنية العريس لما يجى يتقدم وهو ده اقصى طموح لأ اشتغلى وابنى شخصيتك وذكرى واجتهدى واخرجى واتفسحى واتبسطى وانك تتبسطى مع نفسك ما تبنيش سعادتك على طرف ثانى
فاصل
مفيد فوزى : ان فى البيوت المصرية قضايا جديرة بالنقاش اقتحمناها وشاورنا عليها منها قضية السمنة انها البدانة مصيبة المصائب
فاصل
مفيد فوزى : عندك كام سنه
فتاة مصرية :13
مفيد فوزى : وزنك كام
فتاة مصرية :83
مفيد فوزى : انت معتبرة نفسك سمينة شوية
فتاة مصرية :ايوا سمينة
مفيد فوزى : دى وراثة
فتاة مصرية :لأ
مفيد فوزى :ايه السبب
فتاة مصرية : بأكل كميات كثير
مفيد فوزى : بتاكل كثير
شاب مصرى : اه
مفيد فوزى : بتنام مباشرتا بتلعب رياضة
شاب مصرى :كنت بالعب رياضة وبعدين جت عليا فترة تخنت ورجعت تانى العب رياضة اكمل رياضة ثانى
مفيد فوزى :ولما وقفت الرياضة رجعت للسمنة
شاب مصرى : اه طبعا
مفيد فوزى :احساسك ايه الداخلى النفسى و احساس الواحد متضايق ما بيعرفش يلبس
مفيد فوزى : مقاسك كام و مقاسى فى البنطلونات مثل
مفيد فوزى : نعم و 42 بس كنت 50 , انت فى كلية ايه
فتاة : الجامعة الالمانية
مفيد فوزى :الجامعة الالمانية بتدرسى ايه
فتاة مصرية :فنون تطبيقية
مفيد فوزى :طب يعنى دا الفن ده يحتاج الى رشاقة شديدة
فتاة مصرية : اه
مفيد فوزى : مش كدة
فتاة مصرية :اه طبعا
مفيد فوزى : وانتى طول النهار تفضلى جعانة
فتاة مصرية :اه
مفيد فوزى :تيجى بالليل تدبيها
فتاة مصرية :ههههه
مفيد فوزى :صح
فتاة مصرية :صح ههههه
مفيد فوزى :وتتخمدى صح
فتاة مصرية :صح ههههههه
مفيد فوزى :وزنك كام
فتاة مصرية :70
مفيد فوزى :وكان قبل كده كام
فتاة مصرية :120
مفيد فوزى :كان شكلك عجبك لما كنتى 120
فتاة مصرية : لأ
مفيد فوزى : انا كمان وانا بأشوف الصورة بتعتك استغربت قوى
فتاة مصرية : بس التخين ما بيشوفش نفسة تخين بيشوف نفسة ان هو امور قوى
مفيد فوزى :التخين
فتاة مصرية :اه
مفيد فوزى : ليه
فتاة مصرية :عشان بيخلط نفسة
مفيد فوزى :قدرتى تنجحى من انك تنزلى نفسك من 120 الى 72
فتاة مصرية :اه
مفيد فوزى : رجيم والا بلونه
فتاة مصرية :رجيم
مفيد فوزى : ريجيم
فتاة مصرية :اه
مفيد فوزى :مصيبة اخرى فى حياتنا وقمامة اخرى عفوا فى حياتنا اسمها الشيشة من فم الى فم ولا نعلم ان نفس الشيشة الواحد باربعين سيجارة
فاصل
مواطن :السيجارة معاك فى ايدك على طول باستمرار
مفيد فوزى :اه يعنى فى جيبك تطلع فى اى وقت انما الشيشا لازم تنزل لها قهوة
مواطن مصرى :اه وقت يكون فراغ
مفيد فوزى :وقت فراغ
مواطن مصرى :وقت فراغ
مفيد فوزى : تفتكر لو لغوا الشيشة من القهوة القهوجى صاحب القهوة يخسر
مواطن مصرى :لازم يخسر
مفيد فوزى :لام يخسر
مواطن مصرى : لازم يخسر
مفيد فوزى :تفتكر ممكن يلغوا الشيشة
مواطن مصرى :والله دى حاجة عامة
مفيد فوزى : لأ ما انا بأسألك
مواطن مصرى :حاجة عامة فى ال
مفيد فوزى :انا بأسألك انا بأسألك صاحب القهوة قالى يلغوها كلها من كل القهاوى
مواطن مصرى :يلغوا المعسل من فوق بقى يا استاذ مفيد مش يلغوا الشيشة
مفيد فوزى : يلغوا ايه
مواطن مصرى : يلغوا المعسل من فوق يعنى الشركات بتاعت المعسل بتاع
مفيد فوزى :اه ههه دا الاساس
مواطن مصرى : دا الاساس امال
مفيد فوزى :اللى هو التبغ ده
مواطن مصرى :طبعا
مفيد فوزى :هى ايه هى فيها سموم سموم
مواطن مصرى :اكيد طبعا
مفيد فوزى : اكيد
مواطن مصرى : اكيد بتتعب الصدر وبتتعب الرئة وبتتعب الشرايين وبتمشى فى الدم بس الواحد مكنش يعرف الواحد لو يعرف ان ليها تأثير سئ للدرجة دى فى الدم مكنش يدمنها دا انا مبطل السجاير يعنى كنت باشرب كمية كبيرة قوى من السجاير كانوا مسمينى مصطفى امين الثانى
مفيد فوزى :مين
مواطن مصرى :مصطفى امين
مفيد فوزى : ماله
مواطن مصرى : كان بيشرب سجاير كثيرزى كدة
مفيد فوزى : كانت السيجارة ما تفارقش بوقك
مواطن مصرى : 5 --- 6 علب فى اليوم على الاقل
مفيد فوزى :بطلتها
مواطن مصرى : من 25 --- 26 سنة
مفيد فوزى :رجعت اتجهت للشيشة
مواطن مصرى : افتكر حجر اثنين ثلاثة مش هتنزل لها مغصوب عليها دى لازم تنزل لها مخصوص عشان تشربها بدأت بحجر اثنين ثلاثة وبعدين وصلت الى 20
مفيد فوزى : 20 حجر
مواطن مصرى : اه
مفيد فوزى : فى الليلة
مواطن مصرى :فى اليوم
مفيد فوزى : صدرك انصاب
مواطن مصرى : اه طبعا جاب لى التهاب رئوى فى الرئة اليمين
مفيد فوزى : التهاب رئوى فى الرئة اليمين
مواطن مصرى :ايوا عندى الرئة اليمين تعبانة
مفيد فوزى : الله طب قولى سؤال على بقى اقولة لك خلينى اقول سؤال لك بعد ما قلت جالك التهاب رئوى وعملت المرارة و53 سنه ومن 18 سنه وانت بتدخنها وبتنصح الشباب ان هما ما يدخنوهاش انت انهاردة ما تقدرش ما تجيش القهوة وتدخن الشيشة
مواطن مصرى : لأ ما اقدرش اعصابى تتعب
مفيد فوزى :اعصابك تتعب
مواطن مصرى :اتنرفز اقل شئ يعصبنى
مفيد فوزى :لأ وانا مش عايز اعصبك انا عايز راحتك وعاوز مزاجك
مواطن مصرى : الله يخليك
مفيد فوزى : وعاوز كيفك
فاصل
مفيد فوزى :صحيح هى قدمت مسلسل البطنية وعالم الشيش والمخدرات ولكن ده مش موضوعنا موضوعنا هى بعيد عن البلاتوهات حياتها العادية حياتها الخاصة بشرية نجمة غادة عبد الرازق
فاصل
مفيد فوزى : الاشاعات سلبا او ايجابا تلمع الفنان
غادة عبد الرازق : لأ طبعا
مفيد فوزى :بتعمل ايه امال
غادة عبد الرازق :ايجابا تلمعة جدا سلبا كثيرورا بعضة
مفيد فوزى : اه
غادة عبد الرازق :لالالالالالالالالالا تبوظة العيار اللى ما يصبش يدوش واحنا شعب عاطفى جدا على طول بتعامل مع كل الامور بقلبنا قبل عقلنا
مفيد فوزى :انت كده
غادة عبد الرازق :اه طبعا للآسف
مفيد فوزى :علميا مقطلك قلبك
غادة عبد الرازق :انا طول عمرى ما باقدرش اغير نفسى
مفيد فوزى :قراراتك
غادة عبد الرازق : متسرعة جدا
مفيد فوزى :رومانسية ليست فى حراسة عقل
غادة عبد الرازق : اه ما بقتش ارتاح الى اى حد ما بقتش اصدق اى حد ما بقتش
مفيد فوزى : فقدتى الثقة فى الرجالة
غادة عبد الرازق : ده حقيقة
مفيد فوزى :ده حقيقة اه كذابين
غادة عبد الرازق :قوى
مفيد فوزى : ملوعين
غادة عبد الرازق : جدا هو انا عمالة اقول كل الكلام ده
مفيد فوزى : خينين
غادة عبد الرازق :كل اللى حواليا رجالة
مفيد فوزى :ما يهمكيش
غادة عبد الرازق :بطبعهم خينين ولما تيجى لواحد لأ كلهم يجى واحد عايز يكسر القاعدة على اساس ان اللى قاعد ادامى ده هو مبعوث من السمة علشان يكسر القاعدة
مفيد فوزى : هو يا غادة برقتك وبذكائك وبجمالك وبفهمك وباستعابك كل ده ملوش رصيد عند راجل
غادة عبد الرازق : كل ده
مفيد فوزى :اه يعنى مؤهلاتك مؤهلاتك كا امرأة يبقى عندك ثقة شديد
غادة عبد الرازق :انا من كتر ما وقعت فى مطبات
مفيد فوزى :اه
غادة عبد الرازق : ساعات كتير
مفيد فوزى : ونقر
غادة عبد الرازق : ونقر اه دى حقيقة
مفيد فوزى : اه
غادة عبد الرازق :ثقتى ساعات كانت بتتهز بنفسى
مفيد فوزى : اه من التحقيقات اللى انا شخصيا معتز بيها تحقيق عالم الرؤساء لما قابلنا طبيب اسنان الرؤساء ترزى الرؤشاء حلاق الرؤساء وسائق قطار الرؤساء تفاصيل الحقيقة مشوقة
فاصل
مفيد فوزى : محمود يعنى عاوز ادردش معاك واعرف منك حاجات كده اذا كان مسموح لى اعرفها يعنى وخصوصا لو تتعلق بالرؤساء
حلاق الرؤساء : مش مشكلة انا بأتعامل مع الناس كلها واحد يعنى انا من وجه نظرى على الكرسى انا باتعامل مع الناس
مفيد فوزى : كويس انت اول صلتك بالرؤساء كانت من خلال مين
حلاق الرؤساء :من خلال ولاد عبد الناصر كان كان بيجينى حكيم عبد الناصر مع اصدقائة مرة منهم وكذا مرة بعد كدة بقى فى المنشية هناك وطبعا كنت باحلق لحوز بناتة
مفيد فوزى : امتى بدأت علاقتك بالرئيس السادات
حلاق الرؤساء :جية مرة جمال السادات مع عبد الحكيم المحل جان مجموعة جية وعرفونى لى الرئيس السادات وحلقت له بعد منها بصيت باسبوع بيكلمونى انهم عاوزنى ابوه شافة وقال له مين الى حلق لك قالة فلان قالة انا جيبه لى ورحت له
مفيد فوزى :يعنى جمال لما انت حلقت له طلعت الحلقة حلوة شافة انبسط
حلاق الرؤساء : الحلاقة حلوة من وجه نظرى حلاقة
مفيد فوزى :عادية
حلاق الرؤساء : اه طبعا
مفيد فوزى : ورحت للرئيس
حلاق الرؤساء : ورحت للرئيس
مفيد فوزى : اسنان مين بتعجبك من رؤساء العالم شكلها كده ممكن
د/ الرؤساء: هو احسن سنان بصراحة بقى وامسك الخشب حسنى مبارك
مفيد فوزى :الريس مبارك
د/ الرؤساء:صحتا عموما ماشاء الله
مفيد فوزى : نترك ا لرئيس مبارك فى مصر ونتطلع الى رؤساء العالم مين اسنان وانت بتشوفهم مهنيا اسنان مضيئة
د/ الرؤساء:اوباما كويس
مفيد فوزى :اوباما
د/ الرؤساء:اه طبعا اسنانة كويسة جدا شكلها جيد حاجة اسنان محترمة
مفيد فوزى : فى حد من الرؤساء درسة كان بيوجعه
د/ الرؤساء:اه طبعا عادى يعنى
مفيد فوزى : وكان بيبقى مأريفة
د/ الرؤساء: اه يعنى مثلا الرئيس السادات كان فى القناطر وبعدين كلمنى محمد احمد والا فوزى عبد الحافظ
مفيد فوزى :فوزى عبد الحافظ لان محمد احمد الرئيس جمال عبد الناصر اه
د/ الرؤساء:فاخذت حاجات متنقلة عيادة صغيرة متنقلة كدة رحت له فى استراحة القناطر وكان متألم من ضرس فا عالجتة طبعا حاجة بدائية موتور عادى كدة
مفيد فوزى :موتور ايه
د/ الرؤساء:اللى هو بتاع يخلى الماكينة تشتغل
مفيد فوزى : اه اه
د/ الرؤساء: اللى هوموتر الحفريعنى
مفيد فوزى : اه
د/ الرؤساء: وبعد ما قالى فأت يا قمال
مفيد فوزى : الله الله
د/ الرؤساء: فأت يا قمال
مفيد فوزى :الله
د/ الرؤساء:قمال دى زى ما بيقول هو يعنى بس فريحته يعنى
فاصل
مفيد فوزى :بلدنا فى نهاية الامر لا تريد حناجر بل جهد صامت صادق لا تريد زعامات مزيفة بل تريد انتماء حقيقى للوطن لا تريد اشباه الاشياء بل تريد الاصل والقيمة والمحتوى نحن اسرة حديث المدينة لسنا الا صامولة صغيرة فى موتور الوطن احمدمعوض مخرجا رغدة محمدعيسى باحثة معلومات اسماء النجار منال نور الدين وليد الشرقاوى هانى الشربينى عدسة ماجد برنابة وصوت حمدى محمود والمساعدين عباس عبد المنعم ومحمد عبد الفتاح المخرجون المنفذون عماد الشامى مصطفى عبد الباقى ومجداد شحاتة وااا مفيد فوزى