«الإسماعيلي هيجنني».. تعليق ناري لشوبير على مطالبة الدراويش دعم 60 مليون جنيه

وقال أحمد شوبير في تصريحات إذاعية صباح اليوم الثلاثاء: «الإسماعيلي مجنني معاه مجلس الإدارة بيقولوا عايزين دعم مالي بحوالي 60 مليون جنيه عشان نسدد الالتزامات اللي علينا في النادي، وقالوا إن إحنا بنهدد بالاستقالة عشان ورانا حاجات كثيرة رواتب العاملين والمستحقات للاعبين المحترفين السابقين وأقساط للضرائب والكهرباء والمياه، والمستندات قالت إن المجلس السابق باع لاعبين أجانب ومحليين نظير مليار و200 ألف جنيه».
وتابع أحمد شوبير :«مليار إزاي ده مليار مكانش بنوا الإسماعيلي كانوا بنوا مانشستر سيتي ولما مشيوا كان حكم الدين 156 مليون جنيه، بصور بقه خلونا نكلم مع بعض بقلب مفتوح حضرتك جاي وعارف القصة، وأنا أكثر واحد قعدت أصرخ وأقول الصفقات وحقيقة ما يجري في النادي، ومشكلتي إني بقول الحقيقة، فيه مشاكل في الإسماعيلية بقالنا فترة بنتكلم عليها، ولما أجيب المهندس يحيى الكومي يقول مفيش لاعب واخد شيك من غير رصيد وبعدين تطلع الشيكات من غير رصيد للاعبين وأندية مفيش نقطة نظام».
وأضاف شوبير: «مين هيديك 60 مليون جنيه، الدولة مش هتديك، هتشتري لاعيبة هي الدولة مالها ما بتشتريش لاعيبة، الأمر ميمشيش كده لازم نحط سياسة، وجمهور الإسماعيلي عايز بطولة من غير ما يضحي وعايز لاعيبة من غير ما يشارك ده أيه الدلع ده، زمان كان الجمهور بيدور على التذكرة، في كل الدنيا اللي عايز يحضر مباراة بيشتري التذكرة، ده ال 3 آلاف تذكرة المخصصة للفريق في المباريات أعضاء مجلس الإدارة اللي بيشتروها وبيدهوها للجماهير، ده ما ينفعش يا جماعة، وده لا يليق بالإسماعيلي، وعايزين التذاكر تتوجد والجماهير تحضر، ومباراة الإسماعيلي مع المحلة راح 403 مشجعين فقط للمباراة من أصل 3000 تذكرة».
''الإسماعيلي هيجنني''.. تعليق ناري لشوبير على مطالبة الدراويش دعم رئيس الوزراء ب 60 مليون جنيةhttps://t.co/woZdESCU77
— Ahmed Shobier (@ShobierOfficial) November 6، 2022