عمرو أديب عن تحدي كتم النفس: «كنت عاوز أقول ده دور المدرسة بس خلاص بقى دور السناتر»

علق الإعلامي عمرو أديب، على انتشار تطبيق «تحدي كتم النفس»، الخاص ب«تيك توك» بين الطلاب في المدارس المصرية.
وقال أديب في تعليق عبر برنامجه «الحكاية»، الذي يعرض عبر قناة «إم بي سي مصر»: «حذرنا من أسبوع من تطبيق كتم المنتشر على تيك توك، والموضوع بدأ خارج مصر، وبسرعة كبيرة بدأ ينتشر بين الطلبة المصريين».
وأضاف: «كارثة حقيقية، ماذا نفعل، إيه اللي بيجرى ده! هنالك حالات وفاة كبيرة في الخارج! إزاي تكلم ابنك أو بنتك وتحذره من هذا التحدي القاتل؟».
وتابع: «كنت عاوز أقول إن ده دور المدرسة بس خلاص بقى دور السناتر، السناتر تبقى تقول للطلبة بلاش تطبيق كتم الأنفاس، إنتوا عارفين المدرسة مش فاضية للكلام ده، المدرسة عندها حاجات تانية».