مصطفى كامل يهاجم عمرو مصطفى بسبب الهضبة: مش عايز أقول لفظ وحش (فيديو)

علق النجم مصطفى كامل، على هجوم المطرب والملحن عمرو مصطفى، على عمرو دياب، والذي قال فيه: «اللي قدمني للناس عادل عمر وعامر منيب، وقبلهم ربنا سبحانه تعالي ومجهودي».
وقال «كامل»، في لقاء ببرنامج «حبر سري»، مع الإعلامية أسما إبراهيم، على قناة «القاهرة والناس»، تعليقًا على الفيديو الذي يهاجم فيه عمرو مصطفى الهضبة عمرو دياب: «مش عايز أقول لفظ وحش، نكران الجميل وحش».
وأضاف: «عمرو مصطفى ناكر جميل عمرو دياب، هو هيهزر؟! هل عمرو مصطفى أفاد عمرو دياب في حياته؟! كلام ميصحش يقوله».
وتابع «كامل»: «أنا كنت واخد عهد ما متكلمش عن عمرو مصطفي، ورغم زعلي منه، لكن هو ملحن جميل وراجل شاطر جدًا».
وأكمل موجهًا حديثه لعمرو مصطفى: «إنت ملحن كويس، بس أوعى تنسى أنك كنت بتيجي الاستديو عشان تقعد في قعدة فيها عمرو دياب، أنا شفتك في الاستديو وانت بتيجي عشان تكون بس مجرد واحد قاعد في قعدة فيها عمرو دياب».