أمين الفتوى بدار الإفتاء المصرية يوضح حكم «الفوريكس» (فيديو)

أوضح الدكتور عمرو الوردانى، أمين الفتوى بدار الإفتاء المصرية، حكم «الفوريكس» أو التداول في الأسواق المالية.
وقال أمين الفتوى بدار الإفتاء، عبر برنامج «ولا تعسروا» المذاع على القناة الأولى، مساء الأحد، إن «حكم الفوريكس، هو ممنوع وحرام، لأسباب كثيرة»، مشيرا إلى أن «السبب الأول أنت لو اختلفت مع الأكاديمية، ترفع قضية فين؟، يعنى لو حصل خلل وأديت أمر شراء أو بيع، والأكاديمية لسبب من الأسباب حصل خلل ومعملتش ده، لما تيجى تتقاضى مع الأكاديمية هتروح لأنى محكمة، متعرفش».
وتابع الوردانى: «أنت لو بتستخدم المارجن، المارجن ده بيبقى دين عليك ولا بيكون إيه متعرفش»، موضحا أن «كل هذا الغرر وعدم الحماية القانونية، أدت بساطة إننا نقول إن التعامل ممنوع، إلا إذا كان التعامل اللى انت بتعمله فعلا هو بيع»، مشيرا إلى أنه «إذا كان الوسيط بتاعك هو اللى بيعمل ده كله ومفيش عمل مباشر منك، بمعنى أنك بتدخل على البورصة تبيع وتشترى بنفسك، هذا يكون ممنوعًا، أما لو في عمل مباشر، يكون تبادل العملات ده جائز وليس حرامًا».
واستطرد أمين الفتوى بدار الإفتاء، أن «الفوريكس،إذا كنت أنت بتشتغل عن طريق جد بيعملك مارجين، أو أنك بتروح تشترى وتعطى هذا المال لهذه المؤسسة، ومفيش حماية قانونية ليك، فمش هنقدر نقول إنك تعرض مالك لهذه المخاطر»، مشيرا إلى أنه «لذلك احنا قولنا أن الفوريكس بهذه الطريقة ليس جائزا، لعدم توافر الحماية القانونية، ولما تشتمل عليه من غرر»