«لمت 3 ثانوي في تويتة».. الجمهور يتفاعل مع تغريدات سمية الخشاب حول الامتحانات

تفاعل عدد كبير من رواد موقع التغريدات القصيرة «تويتر» مع تغريدات للفنانة سمية الخشاب التي توجه خلالها رسائل لطلاب الثانوية العامة ونصائح للتغلب على فترة التوتر والقلق التي تسبق امتحانات الثانوية.
ولم تتوقف تغريدات سمية الخشاب على موقع «تويتر» عند حد الرسائل والنصائح والتعاطف مع طلاب الثانوية العامة، بل تجاوز الأمر إلى تقديم سمية الخشاب عبر حسابها الرسمي عدة معلومات مبسطة عن بعض المواد الكيميائية والفيزيائية، ما جعل الطلاب يتفاعلون مع تغريدات «سمية»، التي أثارت أيضا تعليقات وإشادة من رواد تويتر بخلاف طلاب الثانوية والجامعة.
وقالت متابعة ل«سمية»: «ترم كامل مش عارفة أفهمهم ولا أحفظهم، ونص الامتحان كان جاي عليهم وسبتهم فاضيين والله أعلم هنجح إزاي، دكتور سمية الخشاب لمتهم في 3 دقايق»، وعلقت أخرى: ‏«سمية الخشاب لمت منهج تالتة ثانوي في تويتة».
وأعاد رواد تويتر نشر تغريدات «سمية»، وعلقت متابعة: «‏محدش حاسس بينا قد الفنانة سمية الخشاب».
وكتب آخر: «الطب اللي أنا بقالي 6 سنين تقريبا طالع عيني فيه، سمية الخشاب بتلمه في خمس دقايق، بفكر أكلمها تيجي تكمل هي الراوند ونص اللي فاضلين لي دول حاجة بسيطة كده شوية surgery وObs حلوين وهكون so grateful».
سمية الخشاب: «النجاح الحقيقي لا يأتي بالدرجات المستحقة»
وجهت الفنانة سمية الخشاب رسالة إلى الطلاب بالمراحل التعليمية المختلفة «من الثانوية العامة إلى الجامعات»، قائلة: إن النجاح الحقيقي لا يأتي بالدرجات المستحقة لدخول إحدى كليات القمة، حيث إن الشخص الذي يعمل ما يحبه سوف يصل إلى القمة الحقيقية.
وفي رسالة لطلاب كلية الحقوق، أوضحت الخشاب عبر «تويتر»: «حبايبي اللي في حقوق، القانون المدني والقانون الدولي دول احفظوهم كويس عشان بيلخبطوا، تاريخ القانون المصري مش صعب أوي هو وسكاشن مدني هتعرفوا تسلكوا فيهم وبدعيلكم».
وأضافت: «حبايبي بتوع صيدلة احفظوا الكلام بحاجات مشابهه يعني مثلا تحليل ELISA ده افتكروا ملكة الاحساس، ووال CBC مثلا ممكن سفره وممكن العادية وال DHEA افتكروا سكينه وهي بتقول روح جاتك داهيه»، متابعة: «وبالنسبة لحبايبي اللي فهندسة أنا مش ملمه بهندسه اوي بس ذاكروا ماشيينز كويس عشان عارفة إنها أصعب من كلمه (بشمهندس)».
سمية الخشاب: «أنا لو مسكت التعليم هلغي لكم الفاينالز»
وتابعت سمية الخشاب :«انا لو مسكت التعليم هلغيلكم الفاينلز دي وهخلي النجاح كله بأعمال السنة عشان عايزاكم فريش كده مش stressed».
كما وجهت سمية الخشاب رسالة لطلاب الثانوية العامة قائلة: «حبايبي اللي في ثانويه عامة، محدش ييجي على نفسه خالص صحتكم بالدنيا، ومش نهاية العالم ومتخلوش أي حد يأثر بالسلب عليكم وتقدروا تثبتوا نفسكوا، فأي مجال أو كلية مش شرط المسمي القديم بتاع كليات القمة ده مفيش قمة، اللي هيشتغل ويحب اللي بيعمله هيبقي في القمة»، متابعة: «اعملوا بس اللي عليكم وبلاش مقارنات خالص، كل إنسان له مجاله اللي هيقدر يبدع فيه، بلاش كلنا نتارجت حاجة معندناش شغف ليها وبالتالي نعيش تعبانين باقي حياتنا».