سمية الخشاب ل«طلاب الثانوية»: «محدش يجي على نفسه خالص صحتكم بالدنيا»

وجهت الفنانة سمية الخشاب، رسالة إلى الطلاب بالمراحل التعليمية المختلفة «من الثانوية العامة إلى الجامعات»، قائلة: إن النجاح الحقيقي لا يأتي بالدرجات المستحقة لدخول إحدى كليات القمة، حيث أن الشخص الذي يعمل ما يحبه سوف يصل إلى القمة الحقيقية.
وفي رسالة لطلاب كلية الحقوق أوضحت الخشاب عبر «تويتر»: «حبايبي اللي في حقوق، القانون المدني والقانون الدولي دول احفظوهم كويس عشان بيلخبطوا، تاريخ القانون المصري مش صعب اوي هو وسكاشن مدني هتعرفوا تسلكوا فيهم وبدعيلكم».
وأضافت: «حبايبي بتوع صيدله احفظوا الكلام بحاجات مشابهه يعني مثلا تحليل ELISA ده افتكروا ملكه الاحساس، ووال CBC مثلا ممكن سفره وممكن العاديه وال DHEA افتكروا سكينه وهي بتقول روح جاتك داهيه»، متابعا: «وبالنسبه لحبايبي اللي فهندسه انا مش ملمه بهندسه اوي بس ذاكروا ماشيينز كويس عشان عارفه انها اصعب من كلمه (بشمهندس)»
وتابعت :«انا لو مسكت التعليم هلغيلكم الفاينلز دي وهخلي النجاح كله باعمال السنه عشان عايزاكم فريش كده مش stressed».
كما وجهت سمية الخشاب رسالة لطلالب الثانوية العامة قائلة: «حبايبي اللي في ثانويه عامة، محدش يجي على نفسه خالص صحتكم بالدنيا ومش نهاية العالم ومتخلوش أي حد يأثر بالسلب عليكم وتقدروا تثبتوا نفسكوا فاي مجال أو كليه مش شرط المسمي القديم بتاع كليات القمه ده مفيش قمه، اللي هيشتغل ويحب اللي بيعمله هيبقي في القمه»، متابعة: «اعملوا بس اللي عليكم وبلاش مقارنات خالص كل إنسان له مجاله اللي هيقدر يبدع فيه بلاش كلنا نتارجت حاجه معندناش شغف ليها وبالتالي نعيش تعبانين باقي حياتنا».