منة عرفة : «طلاقي من محمود المهدي رسميًا لم يقع.. وخراب البيوت مش سهل»

أكدت الفنانة منة عرفة أن طلاقها من محمود المهدي لم يقع حتى الآن، قائلة: «طلاق رسمي على الورق محصلش، لكن في انفصال وقبل الطلاق ما بيحصل في حاجات بتتم وبقالنا شهر ونص منفصلين وكل شيء نصيب، وممكن يكون الواحد مقرر حاجة والموضوع يتقلب وتلاقي نفسك في حته تانية خالص».
وعلقت الفنانة منة عرفة، خلال حوارها ببرنامج «ضرب نار»، مع الإعلامية داليا فؤاد، على قناة القاهرة والناس، على موقفها من العودة لمحمود المهدي، قائلة: «محدش بيأخذ أكثر من نصيبه وفى محاولات لكل حاجة مش هو بس اللي بيحاول العودة وفي محاولات من ناس كتير، وخراب البيوت مش سهل ومش حاجة سهل تخرب اللي بيتبني».
وأشارت الفنانة منة عرفه إلى أنها «تتحدث باستمرار مع طليقها محمود المهدي، قائلة: «إحنا بنتكلم علطول وإحنا مش بنكره بعض ولا إحنا أعداء والعلاقة بينا طيبة وفيها احترام، وحياتنا مع بعض حاجة تخصنا».