منة عرفة وزوجها يثيران غضب الرواد: "لعب عيال"

واصلت الفنانة منة عرفة، تصدر تريندات مواقع التواصل الاجتماعي فيسبوك وتويتر، ومؤشر البحث العالمي جوجل، وذلك بعد انتهاء الخلافات مع زوجها وإعلان عودتهما مرة أخرى.
اقرأ أيضًا: طلاق منة عرفة قبل زفافها بأيام| المهدي يثير الشكوك حول السبب الحقيقي لانفصالهما
وعلق محمود المهدى، على خلافه مع زوجته الفنانة الشابة منة عرفة، قائلًا :" الحمد لله دائمًا ثقتى فى ربنا كبيرة، وشكرًا لكل واحد أتمنى الخير لينا، ربنا يردهولك أضعاف، والعكس لكل واحد شمت ربنا يردهولك أضعاف الأضعاف".
واختلفت آراء الرواد بين مؤيد ومعارض، حيث قال أحدهم: " متقرفوناش بقى هو احنا فاضيين لكم"، بينما قال آخر: " الحياة فيها أهم من كده كتير ايه الفراغ ده".
وقال أحد الرواد: "ربنا يبارك فيكم ويحفظكم ايوه كده متفرجوش الناس عليكم".
وتابع أحدهم على فيسبوك: "في يوم وليلة كده رجعتوا،
ربنا يحفظكم من كل شر بس على فكرة أنا مش مطمن كلها يومين ولعب العيال هيشتغل تاني".
منة عرفة وانتهاء خلافها مع زوجها
وأعلنت الفنانة منة عرفة انتهاء خلافها مع زوجها محمود المهدي، بعد أن أذاع الأخير خبر انفصالهما على مواقع التواصل الاجتماعى، لتخرج منة اليوم لتعيد المياه إلى مجاريها.
وكتبت منة عبر حسابها على انستجرام: "من أصعب اللحظات اللى ممكن تعدى على أى ست لحظة الانفصال وخراب البيت، الطلاق يهتز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقه فبقى أبغض الحلال عند الله بالنسبة لكوا نكتة أو حاجة تتمسخروا عليها".
وأضافت: "رهان بتعملوه مع بعض على اننا مش هنكمل !، أو
مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، فى عز ضعفى وحزنى وكسرتى إلى ربنا ما يكتبها على أى ست مرحمتونيش ولا قدرتوا إنى فى موقف لا أحسد عليه وشمتانين فينا!! قد إيه أنتوا ناس متعرفوش ربنا ولا فى قلوبكم رحمة، أتمنوا الخير لبعض يا جماعة بلاش نشمت فى بعض".
وتابعت :"لكن دى غلطتى أنا إنى شاركتكوا حياتى الشخصية، الإنسان بيغلط عشان يتعلم وأنا اتعلمت، ربنا يعينكوا على نفسيتكوا الجحيم دى، وعسى أن تكرهوا شيئا وهو خير لكم، يمكن الخلاف إلى حصل كشف لنا ناس كتير حوالينا كانوا بيمثلوا انهم فرحانين لينا بس الحقيقى إنهم كانوا مستنين أول مشکلة عشان يشمتوا فى كسرتى وخراب بيتي".
واختتمت:"بس والله ربنا مش هينولهلكو وربنا يخليلى أهلى وزوجى والناس اللى بتتمنالى الخير ووقفت جمبى".
موضوعات ذات صلة:
منة عرفة تفاجئ جمهورها بخبر سار بعد خطوبة علي غزلان بأيام (تفاصيل)
منة عرفة تنهي خلافها مع زوجها| "خراب البيت مش سهل" .. (القصة كاملة)