«جوايا صراع نفسي مش قادرة عليه».. أمينة تفاجئ جمهورها وتطلب الدعاء لها

فاجئت المطربة أمينة جمهورها بحديثها عن مروروها بظروف صعبة الفترة الحالية، رفضت الكشف عنها، إلا أنها طالبت متابعيها عبر فيسبوك وجمهورها بالدعاء لها لتجاوز تلك الظروف، والثبات على ماتمر به، لتتوالى تعليقات الجمهور بالدعاء لها وسؤالها عن تفكيرها في الاعتزال، إلا أن أمينة اكتفت بطلب الدعاء لها باختيار مايريحها والدعاء لها.
وكتبت «أمينة» قبل ساعات عبر حسابها الرسمي: «بصوا بقى بما أن انهاردة أجازة وانتو إلى حد ما قاعدين في البيت، فقلت أقولكم الأول شكرًا على كل كلمة حلوة ودعوة حلوة من قلبكم الأبيض وكل حد بيعلقلى سواء من إخواتى وصحابى وأهلى وجيران زمان وعشرة زمان».
وأضافت: «حبيت أقولكو أن لو رجع بيا الزمن لورا مش هطلع من الورديان ولا كنت هخلى حد من إخواتى يمشى ويسافر ويتغرب وكل واحد ييجى بعد وفاة أمه أو أبوه بيوم، ولا اخترت اللى بمر بيه دلوقتى».
وتابعت «أمينة»: «عايزة أقولكوا جوايا صراع نفسي قوى جدًا من اللى بشوفو حوليا مش عارفة هو إيه، بس أنا مش قادرة عليه صراحة فمش عايزة حاجة منكم بس دعوة إن لو كان خير ليا يثبتنى عليه لو شر يبعده عنى بس مش عايزة حاجة تانى والله ألف شكر».