رامي جمال لجمهوره: "شكرًا لوقفتكم في ضهري"

وجه الفنان رامي جمال رسالة لمحبيه، وذلك بعد صدور ألبومه الجديد "ليالينا"، من خلال حسابه الشخصي على موقع " تويتر ".
كتب رامي جمال تغريدة قال فيها: " البوست ده طويل شوية معلش، أولاً شكرا على كل حاجة حصلت ولسه هتحصل، شكرًا لشخص شخص دعمني نفسيًا الفترة اللى فاتت، شكرًا لكل فنان من اللى شاركونى صناعة ألبومي الأخير نفسى أشكركم بالاسم بس انتم عارفين نفسكم".
وتابع رامي جمال "أنا وانتم ركزنا و تعبنا و حبينا اللى بنعمله و حبينا بعض و ده باين للناس شايفكم بتشيروا أغاني بعض، و دى حاجة مبيعملهاش غير الناس السليمة اللي قلبها أبيض، و أنا رأيي من زمان النية الجميلة أهم سبب للنجاح".
وأضاف رامي جمال:"انتو السبب بعد ربنا فى كل كلمة حلوة بسمعها و يارب ديما فى ضهر بعض , عاوز أشكر كل فنان و مطرب و مذيع و مصور صورلنا في سقف، قوبلكم للفكرة ووجودكم هو السبب فى نجاحها و هي دى روح الفن و الروح الحلوة اللي بجد، أنا ربنا خلاني أشوف نعم كتير حلوة الفترة اللى فاتت الحمدلله ".
وواصل رامي قائلاً :" عاوز أشكر نجوم ريكورد اللي بتنتجلي من 2012 لحد انهاردة، شكرًا على ايمانكم بموهبتى و على المجهود اللى عملته معايا عارف إن دي أصعب فترة للإنتاج فى مصر و أصعب فترة فى الفن عمومًا، صدقتونى و ساعدتونى أعمل كل اللي عايزه، شكرُا لعيلتى الصغيرة و عيلتى الكبيرة اللي شغالة فى ضهري و التيم بتاعي كله وشكرًا لزوجتي اللى بتشوفني صدفة، شكرًا لإخواتي و أبويا و أمي اللي رضاهم سبب كبير فى النعمة دى ".
واختتم رامى جمال رسالته قائلاً :"شكرًا للجمهور المحترم اللى بيدعم الفن المحترم، شكرًا لوقفكم فى ضهري والله بس تعليقاتكم بقيت حاسس إني محمي و معايا عزوة، و بقيت عارف إن لما ربنا بياذن بيسخر كل حاجة للصالح يعنى حتى الابتلاء خلاني أشوف حب ربنا يديمه، أتمنى يكون تعبنا عحبكم فى وقت كل الفنانين محتارين من انتشار أذواق جديدة و أنا عارف إنكم جمهور ذوق، و الحلو هيعلى بيكم و هيكمل، يارب يكون الالبوم قد توقعتكم و بجد بحبكم جدًا جدًا جدًا ".