رامي جمال عن دعم الجمهور له: دموعي مبتقفش

وجه الفنان رامي جمال رسالة لجمهوره بعد الحب الذي صدر منهم ودعمهم له، بعدما كشف منذ يومين عن إصابته بمرض "البهاق" وتفكيره في اعتزال الغناء تجنبا لرد فعل الناس.
وقال رامي جمال في منشور له على صفحته الشخصية على موقع "فيس بوك": "الحمد لله اولا وأخيرا ً انا عاوز أقول كلام كتير عن اللي شوفتو منكم كلمه شكرًا قليله علي مشاعركم وعلي رقي كلامكم وعلي الوقت اللي ضيعتوه علشان تحسنو الصورة المظلمة اللي كانت في عيني انا بقيت شايف الابتلاء ده هديه من ربنا علشان اشوف الحب ده والله دموعي مبتقفش وانا بشوف كلامكم اوعو تبخلو علي اَي حد بدعم نفسي زي اللي دعمتوني بيه".
وتابع "جمال" قائلا: "احساس الحب بينور الدنيا بيرجع الروح والأمل اللي انتو عملتوه ميتقدرش ثانيا عاوز اشكر زملائي الفنانين على كل كلمه حلوه وكل دعم شفتو هي دي الروح اللي نفسي تفضل موجوده مش بس بعد المرض ولا الوفاه الكلام الحلو قولوه علطول ليا ولغيري بيفرق جدا الحب بيغير الضلمة لنور ثالثا لكل القنوات اللي بتحاول تتواصل معايا من امبارح علشان تطمن عليا بشكركم جدا بس أنا كتبت البوست ده علشان انهي حمل علي قلبي مش علشان ابقي تريند بشكركم طبعا بس اتمني لما تقررو تستضيفوني يبقي علي عمل فني مش مرض مقدر شغلكم طبعا بس انا مش قابل فكره مريض".
اقرأ ايضا.. أول تعليق من رامي جمال بعد إعلان مرضه
واختتم كلامه قائلا: "انا الحمد لله اتأكدت بكلام الناس اني مش خايف ومش هترفض فبلاش اَي حاجه تتفهم غلط شكرًا علي اهتمامكم ومقدرو واشوفكم في لقاءات فنيه بعد نزول ألبومي ده أفضل نفسيا كتير ليا ومفيش مانع ساعتها نتكلم عن اني ازاي اتعايشت بيه وهتعايش بيه لو ليا عمر الحمد لله على الابتلاء الحمد لله علي حبكم ودعمكم ده دين هعيش بيه خلصتوني من سجن كنت عايش بيه كنت بصحي قبل ما اغسل وشي اعد البقع واشوفها زادت ولا لا انهارده صحيت نزلت وحبيت المحنه اللي ورتني قلوبكم وجمالها شكرًا من قلب قلبي".