تحدث الفنان أحمد السقا عن الانتقادات التي تلقاها من الفنانة مها أحمد حول مسلسله «نسل الأغراب»، منذ أشهر، لافتًا إلى أنه لم يدفع والدته وشقيقته للرد عليها والدفاع عنه حتى لا يضطر إلى الرد ويظل صامتًا. وقال السقا، خلال برنامج «حبر سري» على فضائية «القاهرة والناس» منذ ساعات: «ماشي يا ستي كنا بنخدّم على مي عُمر عشان تتنجم، حقها تقول كده حرية شخصية.. مجدي كامل ومها أحمد عشرة عمر، حاولت أكلم مجدي كامل ومها أحمد بعدها لكن لم يردوا على مكالماتي». وتابع: «أنا عارف الواحد في لحظة عصبية يخطئ أو يكون عنده زلة لسان.. وكلنا بنخطئ، ممكن عندها وجهة نظر صح إحنا مش شايفينها لا أنا ولا أمير». وحول حقيقة شعوره بالندم من المشاركة في بطولة مسلسل «نسل الأغراب»: «لا لم أندم على نسل الأغراب.. الجدل حدث في الحلقة ال29 أي في النهاية، إن الله غفور رحيم.. لكن أمير لعب دور من أعظم أدواره وأنا اجتهدت ولعبت لأول مرة دور الشرير، وآراء الناس والجمهور تحترم». وردا على سؤال حول قيامه بجعل عائلته ترد على مها أحمد خلال أزمة تصريحاتها، قال السقا: «لا ماخلتش حد يهاجم حد.. اللي مربي مها ومجدي كامل أمي، وهي اللي مجوزاهم.. واللي بيني وبينهم كتير، وعمرنا ما هنخسر بعض». كانت الفنانة مها أحمد قد نشرت، منذ أشهر، بوست عبر «فيسبوك» وكتبت: «عوضي على الله.. دي الجملة اللي دايما بقولها لما اتصدم في أشخاص، الحكاية ياسادة نجمين عملوا مسلسل واتنجمت عليهم بنوتة لسه ألف باء تمثيل إلى أن أصبحت بطلة المسلسل وبطلة الدعاية للمسلسل وهما راضين رغم إن طول عمرهم مبيعملوش كده مع أي زميلة لهم أقربها أنا». وتابعت: «النجم الأولاني بيني وبينه عيش وملح وزمالة.. رُشحت في مسلسل بطولته وكان بيقنعني بدور ولما وافقت بعتولي دور تاني معرفوش.. دور متعملوش واحدة مبتدئة.. المفروض أنه عارف قيمتي الفنية وعارف أني إضافة له.. اتهرب مني وموقفش جنبي وباعني رغم إن الكل عارف أني زي أخته (ندل)». وأضافت: «أما التاني كان بداياته يتمنى يسلم عليا ويقولي يا أستاذة.. نزلت من نفسي وقلتله مش هنشتغل مع بعض.. ماهي الحوجة مرة.. رد وقالي الدور بينادي صاحبه.. طبعا محكلكوش أد إيه ندمت نفسي وعشت أسود أيام حياتي عياط واكتئاب وقلت عوضي عليك يارب». في المقابل، علقت «نادية» والدة السقا عبر صفحتها الشخصية بموقع «فيسبوك»:«على الأصل دور كومبارس فاشلة تتطاول وتسب فنانين كبار، وتعلق فشلها عليهم، تبحث عن الشهرة بطريقة بذيئة مهما حاولتي يا كومبارس ليس لكي مكان بين الفنانين المحترمين، وإن طلع العيب من أهل العيب ما يبقاش عيب». فيما قالت فاطمة شقيقة السقا، عبر صفحتها على «فيسبوك»: «الكلام ده موجه ليكي يا أستاذة، بدل ما تفضلي تمسحي ردي كل شوية.. أبهرتيني يا مها بأخلاقك العالية، وبأنك افتكرتي العيش والملح اللى كلتيه في البيت بتاع الفنان اللى مش عارفة تقولي اسمه بس عرفتي تقولي عليه (ندل) اللى هو أحمد السقا.. بس أنا باقولك قدام الناس، قطع لسان أي حد يقول عليه كده لأنه راجل أكرمك ووقف جنبك أنت ومجدى بدل المرة ألف». وأضافت قائلة: «أمير كرارة برضو راجل جدع ومحترم للي ما يعرفهوش في البوست بتاعك ده.. معرفش إيه الفرص اللى كانت عندك اللي كان يتمنى يشتغل معاكي فيها زمان، بس هو أي حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. ما بتتقالش في الحقيقة.. كفاية دراما وتشويه للناس». وتابعت: «وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة إنتي عايزة إيه.. أنا مش شايفة بعد العشرة الطويلة اللي أنت قولتي عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاي كنتي بتدخلي بيوتنا الصراحة وأنت ست وحشة كده». واختتمت كلامها قائلة: «نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوي يتقال». كان مسلسل «نسل الأغراب» عُرض في شهر رمضان الماضي، إخراج وتأليف محمد سامي، وبطولة أحمد السقا وأمير كرارة ومي عُمر، ونال الانتقادات على أداء عدد من الممثلين وقصة العمل الدرامي. وكانت قصة المسلسل تدور حول مشاجرة راح ضحيتها أكثر من نصف عائلتي غفران وعساف الغريب، يخرج عساف من السجن محاولًا أن يعيد توازن القوى مرة أخرى بينه وبين عدوه غفران، خاصة أن الأخير أصبح هو مركز القوى في البلد، بل وتزوج من حبيبة وطليقة عساف وربى نجله.
