هاجمت فاطمة السقا، شقيقة الفنان أحمد السقا، الفنانة مها أحمد، بعد تلميحها عنه والفنان أمير كرارة بأنهما قبلا الإساءة لنفسيهما رضوخًا للمخرج محمد سامي، من أجل مي عمر، زوجة المخرج في مسلسل «نسل الأغراب». وكتبت «فاطمة»، عبر حسابها الرسمي على موقع «فيس بوك»، موجهة حديثها إلى مها أحمد: «الكلام ده موجه ليكى يا أستاذة بدل ما تفضلى تمسحى ردى كل شوية ..أبهرتينى يا مها بأخلاقك العالية.. وبانك افتكرتى العيش والملح اللى كلتيه في البيت بتاع الفنان اللى مش عارفة تقولى اسمه بس عرفتى تقولى عليه (ندل)، اللى هو أحمد السقا.. بس أنا بقولك قدام الناس قطع لسان أي حد يقول عليه كده لأنه راجل أكرمك ووقف جنبك انتى ومجدى بدل المرة ألف«. وأضافت: «أمير كراره بردو راجل جدع ومحترم للى ما يعرفهوش في البوست بتاعك ده.. معرفش ايه الفرص اللى كانت عندك اللى كان يتمنى يشتغل معاكى فيها زمان بس هو أي حد يتمنى يشتغل معاه دلوقتى أكيد.. وكلمة الدور بينادى صاحبه دى بتاعة افلام ..ما بتتقالش في الحقيقة.. كفايا دراما وتشويه للناس». وتابعت شقيقة السقا في ردها على مها أحمد :«وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج.. الحقيقة أنا مش عارفة انتى عايزة ايه ..انا مش شايفة بعد العشرة الطويلة اللى انتى قولتى عليها غير كمية الحقد والسواد والشماتة اللى كانوا متداريين ورا ابتسامة كدابة معرفش انتى ازاى كنتى بتدخلى بيوتنا الصراحة وانتى ست وحشة كده». واختتمت: «نسيت أقولك..السب والتطاول ده بيدل على الأصل.. واحنا بقى ولاد ناس مع اننا عندنا كلام كتير اوى يتقال». وكانت الفنانة مها أحمد قد هاجمت عبر حسابها صناع مسلسل «نسل الأغراب» دون تسميتهم وكتبت :«عوضي على الله دى الجمله اللى دايما بقولها لما اتصدم فاشخاص.. الحكايه ياساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم إلى ان اصبحت بطلة المسلسل وبطلة الدعايه للمسلسل وهما راضيين رغم ان طول عمرهم مبيعملوش كده مع أي زميله لهم اقربها انا». وتابعت:«النجم الاولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته(ندل). وأضافت :«اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب.. وقلت ( عوضى عليك يارب)». واستطردت: «تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه) .يمهل ولا يهمل ابدوا من جديد يااوفر تمثيل ياللى مبتقروش ياكمبارس جنب النجمه.. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. ( عوضنا على الله ) .يارب متحوجنا لحد حتى ولو كان اققرب الناس لينا».
