شقيقة السقا ترد على مها أحمد: إزاي كنتي بتدخلي بيتنا

قامت شقيقة السقا السيدة فاطمة السقا، بالرد على الرسالة الغامضة للفنانة مها أحمد، وذلك عبر حسابها الرسمي على موقع التواصل الإجتماعي الشهير "فيسبوك".
اقرأ أيضاً..مها أحمد توجه رسالة غامضة لنجمين كبيرين: مخدماتية وكومبارس
جاء رد فاطمة كالآتي:" الكلام ده موجه ليكى يا أستاذة بدل ما تفضلى تمسحى ردى كل شوية، ابهرتينى يا مها بأخلاقك العالية .. و بانك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه "ندل" اللى هو احمد السقا.. بس انا بقولك قدام الناس قطع لسان اى حد يقول عليه
كده لانه راجل اكرمك و وقف جنبك انتى و مجدى بدل المرة الف.. .. و امير كراره بردو راجل جدع و محترم للى ما يعرفهوش فى البوست بتاعك ده ".
وتابعت" معرفش ايه الفرص اللى كانت عندك اللى كان يتمنى يشتغل معاكى فيها زمان بس هو اى حد يتمنى يشتغل معاه دلوقتى اكيد .. و كلمة الدور بينادى صاحبه دى بتاعة افلام .. ما بتتقالش فى الحقيقة .. كفايا دراما و تشويه للناس..و بعدين هما كممثلين
مش مطالبين يقفو جنبك ولا يجيبولك ادوار على فكرة، دى رؤية مخرج و ناس بتوع كاستنج الحقيقة انا مش عارفة انتى عايزة ايه ..انا مش شايفة بعد العشرة الطويلة اللى انتى قولتى عليها غير كمية الحقد و السواد و الشماتة اللى كانو متداريين ورا ابتسامة كدابة معرفش انتى ازاى كنتى بتدخلى بيوتنا الصراحة وانتى ست وحشة كده"
واختتمت كلامها، قائلة:" نسيت اقولك السب والتطاول ده بيدل على الاصل.. و احنا بقى ولاد ناس مع اننا عندنا كلام كتير اوى يتقال".
جاء رد فاطمة بعد الاتهامات الغامضة من مها التي كتبتها منذ ساعات عبر حسابها الرسمي على "فيسبوك"، ووجهتها ضد نجمين كبيرين لم تصرح عن أسماء بعينها.
كلمات ذات دلالة
فاطمة السقا
مها أحمد
أحمد السقا
مجدي كامل
مسلسل نسل الأغراب
أعمال أحمد السقا