«محدش رحمها».. مغردون يتضامنون مع بسنت «ضحية الابتزاز»

«حق بسنت خالد لازم يرجع».. هاشتاج أطلقه رواد موقع تويتر خلال الساعات الماضية تضامنًا مع بسنت خالد ابنة محافظة الغربية وضحية التعرض للابتزاز الإلكتروني.
وخلال ساعات من إطلاقه تصدر الهاشتاج قائمة الأكثر تداولًا على موقع التغريدات القصيرة، إذ أبدى المغردون مدى استيائهم وغضبهم من الحادث الذي دفع بسنت ضحية الابتزاز للانتحار.
بسنت ضحية الابتزاز
«ماما يا ريت تفهميني أنا مش البنت دي».. رسالة تركتها بسنت خالد، 17 عامًا، لوالدتها قبل إقدامها على الانتحار بعد استخدام أحدهم صورة وجهها وتركيبها على صور مخلة من خلال برامج تعديل الصور لإجبارها على التعرف عليه، وحين رفضت قام بنشر الصور عبر مواقع التواصل الاجتماعي، مؤكدة أنها مظلومة.
لم تتحمل بسنت ضحية الابتزاز الضغوط النفسية التي تعرضت لها وحديث أهل قريتها عنها، الأمر الذي دفعها للانتحار دون تردد، تاكة تلك الرسالة: «أحلفلك إن دي متركبة والله العظيم مش أنا وقسمًا بالله مش أنا، أنا يا ماما بنت صغيرة ما استاهلش اللي بيحصلي ده، أنا جالي اكتئاب بجد، أنا يا ماما مش قادرة أنا بتخنق».
واختتمت: «تعبت بجد مش أنا حرام عليكم أنا متربية أحسن تربية».
ماذا قال المغردون؟
قال حساب يحمل اسم أحمد: «بسنت الملاك الجميلة دي 17 سنة من (الغربية/ مصر) في مجرم فبرك لها صور وابتزها ولما رفضت تعمل اللي هو عاوزه نشر الصور في القرية، وطبعًا محدش رحمها من القرية البنت اكتئب وقررت تنتحر، وحقيقي اقسم بالله لعنة تلعن مجتمعنا ودي رسالتها الأخيرة».
- مهم :
بسنت الملاك الجميلة دي 17 سنة من (الغربية/ مصر) في مجرم فبرك لها صور وابتزها ولما رفضت تعمل اللي هو عاوزه «نشر الصور في القرية». وطبعًا محدش رحمها من القرية البنت اكتئب وقررت تنتحر، وحقيقي اقسم بالله لعنة تلعن مجتمعنا ودي رسالتها الأخيرة#حق_بسنت_خالد_لازم_يرجع pic.twitter.com/Tg7MoQyMZm
— A_hmed (@Ahmeeddd44) January 2، 2022
وقالت صاحبة حساب آخر: «حزنت عليها، لكن كان لازم تكون اقوى من كدة وتبلغ الشرطة بنفسها ويعملوا كمين للمجرم اللي فبرك الصور».
حزنت عليها، لكن كان لازم تكون اقوي من كدة وتبلغ الشرطة بنفسها ويعملوا كمين للمجرم اللي فبرك الصور. #حق_بسنت_خالد_لازم_يرجع
— ̨ڜۑْۧڔڀنۨ (@cherry_Nour1) January 4، 2022
وطالب مغرد بمعاقبة الجاني: «لازم القوانين تتغير في الحالات اللى زى كده ولازم يبقى في عقاب رادع لكل من تسول له نفسه يشوهه بالكذب والتضليل سمعة انسان ولازم يبقى في قانون رادع للتنمر ومعاقبة المتنمرين».
لازم القوانين تتغير في الحالات اللى زى كده ولازم يبقى في عقاب رادع لكل من تسول له نفسه يشوهه بالكذب والتضليل سمعة انسان ولازم يبقى في قانون رادع للتنمر ومعاقبة المتنمرين #حق_بسنت_خالد_لازم_يرجع
— العقاب eagle (@egyeagle99) January 4، 2022
ولام أحدهم على أسرتها وأهل قريتها: «انتحرت مش بسبب المجرم الحقير وبس، لا كمان أهل القرية وشبابها الحقير اللي لا يعرف تربية ولا أخلاق وأهلها اللي حتى مقدموش لها الدعم النفسي الصح، ماتت وهي حاسة بالظلم والاضطهاد، ماتت لما شافت أن الكل ضدها وان المشكلة فيها هي مش في اللي حواليها».
- انتحرت مش بسبب المجرم الحقير وبس. لا كمان أهل القرية الملاعيين وشبابها الحقير اللي لا يعرف تربية ولا أخلاق وأهلها اللي حتى مقدموش لها الدعم النفسي الصح، ماتت وهي حاسة بالظلم والاضطهاد، ماتت لما شافت أن الكل ضدها وان المشكلة فيها هي مش في اللي حواليها
- #حق_بسنت_خالد_لازم_يرجع
— A_hmed (@Ahmeeddd44) January 2، 2022
موقف الأسرة
قال خالد شلبي والد بسنت ضحية الابتزاز إن ابنته كانت ذات خلق وحفظت القرآن الكريم وهي في المرحلة الابتدائية كما كانت متفوقة دراسيًا.
وأكد أنه لم يصدق ما يقال عن ابنته: «وأنا مازعلتهاش لإني عارف بنتي وعارف أخلاقها دي حافظة القرآن وبتصلي، وقلت لها يا حبيبتي أنا عارف إن مش إنتِ».
«بابا أنت مصدقني إن الصورة مش بتاعتي؟».. هذا ما كانت تردده ضحية الابتزاز بعد محاولة انتحارها، وهي في طريقها إلى المستشفى بصحبة أسرتها التي حاولت إنقاذها لكن دون جدوى.