السيسي يكشف سبب غلاء أسعار الكهرباء

قال الرئيس عبدالفتاح السيسي، إن غلاء أسعار الكهرباء ليس من أجل الغلاء بل لأن هناك أشياء أخرى خاصة بتكلفة الخدمة مثل جودة التحصيل وحجم الفاقد، مشيرًا إلى أن أعباء هذه المشاريع ضخمة جدًا.
وأضاف الرئيس، خلال افتتاح عدد من المشروعات التابعة لقطاع الكهرباء بمحافظات الصعيد، الاثنين: «لما كنت بتكلم مع الناس، كانوا بيقولوا إيه، الكهرباء غالية علينا.. هي غالية مش عشان إحنا عايزين نغليها عليكم».
وتابع: «الدكتور شاكر (وزير الكهرباء) متكلمش في دي خالص، متكلمش في جودة التحصيل وحجم الفاقد، وده أمر بالنسبة لي دايمًا أقول حوكمة إجراءاتنا، يعني اللي إحنا بنعمله ده المستهدف منه بنحصله ولا لأ، لو بنحصله يبقى إحنا ناجحين ولو مش بنحصله هيبقى فيه عجز مين هيتحمله؟.. الدولة، والدولة لا تستطيع أن تتحمل لأن الأعباء بتاعة المشاريع دي أعباء ضخمة جدًا جدًا».
يشار إلى أن مجمع بنبان للطاقة الشمسية هو أضخم محطة لتوليد الكهرباء من الطاقة الشمسية على مستوى العالم، حيث تم إنشاءه بالشراكة مع القطاع الخاص والخبرات الدولية المتخصصة، كما يُعد أحد أهم مشروعات البنية التحتية في مصر لتوليد الكهرباء من الطاقة الجديدة والمتجددة.