أحمد فلوكس يهاجم أشرف زكي بسبب دينا حسين : «آه المهنة دي كده.. وكل ما له علاقة بالفن»

هاجم الفنان أحمد فلوكس الفنان أشرف زكي نقيب المهن التمثيلية، بسبب إعلانه مقاضاة الفنانة دينا حسين بعد أزمة الفيديو الشهير والذي اعتبرته النقابات الفنية إساءة لمصر والفن المصري.
وقال أحمد فلوكس: «إن ما يحدث افتراء على دينا حسين بسبب مقاضاتها»، مشيرًا إلى أنه يعمل في التمثيل منذ 20 عامًا وبالفعل المهنة بها الكثير مما قالته وهناك الكثيرين حدث معهم ذلك.
وأضاف «فلوكس» عبر «فيس بوك»: «طيب أنا مكنتش حابب اتكلم نهائي عن أي حاجة تخص الشغلانة دي بس ما اقدرش أشوف افترى قصاد عيني واسكت، طيب بما إني كنت في المهنة دي 20 سنة أنا هرد.. آه المهنة دي وكل ما له علاقة بالفن كده، حتى الراجل لو ماشلش الشنطة وباس الأيادي وطبعا مش محتاج أقولك الباقي مش هايبقى.. أيوه البنت دي بتتكلم باللي شافته وفي غيرها كتير حصلهم كده، وأعرف ناس منهم اتعقدوا وراحو اشتغلوا في دهب، وقلة اللي حالفهم الحظ».
وتابع موجها حديثة للفنان أشرف زكي نقيب المهن التمثيلية: «بيحصل أكتر من كده وانت عارف حتى الرجالة، يا راجل ده في واحد اتنجم وبقي نجم لمجرد صاحب منتجة 5 سنين.. تقاضي مين وتشوه مين وإيه المشكلة إنها مجهولة ما هي عاوزة تنجح، وجت علشان تتعرف لقت نفسها...».
واستكمل: «اسكت وبلاش كده وعموما بقى موضوع البنت دي بقى موضوعي الشخصي وأي حد يعرفها خلوها تتواصل معايا لو سمحتم وأي حد هايجي ناحيتها هايبقى بيجي ناحيتي أنا شخصيا، وطبعا مش محتاج أقول هاعمل إيه في أمه، وهفرجكم الفشلة دي لما تتعامل كبني آدمة مش عاهرة وكفنانة بجد، كفاية افترى وقهر للناس لو سمحتم أي حد يعرفها يوصلها بيا فورا، وده تحدي بيني وبين كل السوق وكل ما له علاقة، ووعد مني لو مكنش اللي جاي زمن المحترمين مكانش راجل، أما دكتور أشرف فنصيحة ليك إنت محتاج تقعد مع نفسك شوية.. ومن الواضح أن ده المفروض من فترة لأن فعلا كفاية».