«رافع مناخيره لفوق والباقي يولع بالجاز».. «الحيله الدلوعة» أغنية شيرين بعد طلاقها من حسام حبيب

تداول رواد مواقع التواصل الاجتماعي أغنية الفنانة شيرين عبدالوهاب «القماص»، التي تُعبر عن فتاة تصف حبيبها، ب«الحيلة الدلوعة».
وقد طرحت شيرين عبدالوهاب ألبومها بعد تأكيد طلاقها من المطرب حسام حبيب.
كلمات الأغنية: «سيدنا القماص اللي بيزعل ويشهد ناس.. قال ايه اسم النبي حارسه وصاينه، عامل حساس رافع مناخيره لفوق والباقي يولع بالجاز.. ولا عنده عزيز ولا غالي ولا بيعز عزاز، آه سيدنا القماص اللي بيزعل ويشهد ناس.. قال ايه اسم النبي حارسه وصاينه، أصله الحيلة الدلوعة عايز كلمته مسموعة.. وسايقها ألاطة وشغل جنان، نافخ نفسه على مفيش على راسه مثبت ريش.. وهيجي ده بالتطنيش رهوااان، الكل يجيله إنما هو ما يروحش لحد.. يتشال على الراس واتهدي ما عليكي قدي يا أرض، ميقدمش السبت وعايز ياخد الحد.. ماشيين بعلاج لأ مش ناقصه والله بجد».
وأكدت شيرين عبدالوهاب، خلال حوارها مع الإعلامية نضال الأحمدية، أن طلاقها حدث في هدوء تام، ولا توجد خلافات بينها وبين طليقها حسام حبيب على الإطلاق، وكل ما ورد من أخبار في هذا الشأن لا أساس له من الصحة، ويأتى في إطار قلب الحقائق، مؤكدة أنها تكن كل الاحترام لحسام حبيب.
وكشفت شيرين بأنها لجئت لطبيب نفسي مؤخرًا، قائلة: «مكنتش أتخيل إن هيجي يوم أتكلم معاكي كلام مش هقوله للدكتور بتاعي».
وبعد الحديث عن حياتها الخاصة وتاكيدها طلاقها من حسام حبيب قالت شيرين عبدالوهاب، «أنا رجعت خلاص وجاهزة ومش هخلي حاجة تعطلني».
وأردفت شيرين «أنا حاليا حرة، واستعدت حياتي ،وكل خسارة وليها تمن.. أنا دلوقتي ببني شيرين جديدة مش محتلة ومش مستعبدة.. ولا هقبل أكون كده تاني».
وأعلنت قرارها بفتح صفحة جديدة، وأنها وهبت حياتها لفنها وابنتيها، خاصة بعد أن ابتعدت طوال الفترة الأخيرة عن جمهورها وعن حياتها الفنية.