أحمد فلوكس إلى زوجته: «يسلم اللي رباكي»

وجه الفنان أحمد فلوكس رسالة لزوجته المغربية «رابيا» أم ابنه الوحيد، عبر حسابه على «إنستجرام».
حيث أعاد «فلوكس» رسالة قد نشرها منذ أربعة أشهر، أشاد فيها بأخلاقها، وعلق عليها قائلًا: «أنا قولت الكلام ده من 5 شهور ... وبعد حاجات كتير حصلتلي وبعد حاجات كتير شوفتها بقيت كل حرف كاتبته قاصده وصح .... يسلم اللي رباكي.
وكان «فلوكس» قد كتب في رسالته لطليقته: «الحقيقة عمر ما جه الفرصة وده تقصير مني أن أشكر أم ابني بعد تعاملي مع ناس وتجربة صعبة مريت بيها عرفتني الفرق بين ولاد الناس بجد وقاع المجتمع والفرق بين الست المحترمة اللي مابتسبش ابنها وبيتها وبين تانية راميين عيالهم ومقضيينها.
تابع: عرفتني الفرق ما بين واحدة بعد انفصالنا لم تتزوج وفنت نفسها لابنها ومحترمة وضعها وسنها، وناس راميين عيالهم ومقضيينها صحوبية وجواز وعيال صغيرة ولا محترمين سنهم ولا عيالهم ولا حتى شكلهم.
وأضاف فلوكس: بشكرها على محافظتها لاسمي وسمعتي وإنها عمرها ما غلطت فيا ولا في حد وطول عمرها سند وضهر غير ناس تانية لو ملقوش حد يلتوا يعجنوا في سمعتوا يتكلموا على أمهم وعيالهم.. ولا بيحترموا سنهم ولا اسمهم ولا حتى سمعة عيالهم، بشكرها على تربيتها لابني وإنها فنت حياتها ونسيت نفسها ومابقاش عندها حياة غير لابنها رغم إن عندها كل حاجة تخليها تعيش وتتبسط بس كأي ست محترمة قافلة حياتها لابنها وبس.
وتابع: على رغم من انفصالنا ولكن دايمًا صاينا اسمي واسم ابني وبترفعه في السماء.. شكرا ليكي.. شكر لاحترامك لنفسك ولابني ولاسمي.. شكرا للي رباكي.
يذكر أن، أحمد فلوكس عاد مؤخرًا إلى طليقته بعد انفصال دام 9 سنوات، وقد تم الإعلان عن عودتهما نهاية الشهر الماضي.
View this post on Instagram
انا قولت الكلام ده من 5 شهور ... وبعد حاجات كتير حصلتلي وبعد حاجات كتير شوفتها بقيت كل حرف كاتبته قاصده وصح .... يسلم اللي رباكي @rabyaelharrab
A post shared by ahmedfalawks (@ahmedfalawks_official) on Oct 4، 2020 at 12:25pm PDT