رسالة شكر وتقدير من أحمد فلوكس لطليقته.. تعرف عليها

حرص الفنان أحمد فلوكس أنه يوجه رسالة شكر وتقدير لطليقته وأم ابنه الوحيد سيف، لما قامت به بعد إنفصالهما وحفاظها علي نجلهما، حيث كتب قائلاً: "الحقيقه عمر ما جت الفرصة وده تقصير مني أن أشكر أم ابني رابيا ربيع بعد تعاملى مع ناس كتيرة ومواقف وتجارب شوفتها عرفتني الفرق بين ولاد الناس بجد والفرق بين الست المحترمة اللي مابتسبش ابنها وبيتها وبين ناس تانية رامين عيالهم ومقضينها سهر وخروج".
وأضاف: "ما بين واحدة بعد انفصالنا لم تتزوج وفنت نفسها لابنها ومحترمة وضعها وسنها وناس رامين عيالهم وجواز ومن جوز لجوز لصاحب جوز وحاجة بشعه وناسين عيالهم ولا محترمين سنهم ولا عيالهم ولا حتي شكلهم بشكرها على محافظتها لاسمى وسمعتى وإنها عمراها ما غلطت فيا ولا في حد وطول عمرها سند وضهر".
وتابع: "بشكرها إنها طول الوقت محافظه علي وضعى ومكانتى غير ناس تانيه ممكن يدمروا رجالتها ويطلعوا اسرارهم ويتكلموا عنهم بشكرها علي تربيتها لابني وانها فنت حياتها ونسيت نفسها ومابقاش عندها حياه غير لابنها رغم أن عندها كل حاجه تخليها تعيش وتتبسط بس كاي ست محترمه قافله حياتها لابنها وبس وعلي رغم من انفصالنا ولكن دايما صاينا اسمي واسم ابني و طبترفعه في السماء شكرا ليكي شكر لاحترامك لنفسك ولابني ولاسمي شكرا للي رباكى".