كلام فى الهوا....

ثورة 25 يناير لما قامت كانت ضد الظلم و الفساد و الديكتاتورية ...قامت عشان بكرة يبقى احلى قامت عشان كل واحد كان له و حلمه مات يرجعله الامل من جديد...قامت عشان ام ابنها مات من ضرب الشرطة.....قامت عشان قلب اب مفطور على ابنه اللى مات على شواطىء ايطاليا لما جرى ورا حلمه و مطلوش....قامت عشان مصر تبقى بتاعة المصريين بدل ما كانت بتاعة شلة بعينها....و كان شعار الثورة "تغيير....حرية...كرامة.....عدالة انسانية"
1.تغيير : هو فعلا فى تغيير حصل...؟...طب هو فين...؟....الثورة لما قامت كانت نظام مبارك...نظام مبارك سقط لكن افكاره لسة موجودة عقلية مبارك لسة موجودة فى طريقة الحكم المتمثل فى التلفزيون المصرى اللى لسة متغيرش و سياسته القذرة هى هى....فى عقلية الداخلية و الكدب على الناس فى عقلية الخارجية اللى.... و لا بلاش احسن احنا فى رمضان...ده ع مستوى النظام طب نجى بقى للشعب...اكيد اللى نزل و شاف الموت بعينه و فتح صدره للرصاص ده اتغير و ابتدى يتغير اما بقى اللى منزلوش و متعاطفين مع الثورة....؟....اتظلموا ايام مبارك ...اه...كانوا يتمنوا ان مبارك يموت.....اه.....طب انا بتكلم فى ايه...؟...بتكلم على اللى لسة بيرمى زبالة فى الشارع بتكلم ع اللى لسة مش عارف يحترم النظام و يخد حق مش حقه و كأبسط مثال طابور العيش...بتكلم على اللى كل اللى يهمه لقمة العيش و مش مهم مين اللى هيجى طالما قادر يأكل بيته و يصرف عليه "عاش الملك مات الملك"
2.حرية : هو احنا بقى عندنا حرية...؟....تصدق اه بس الحرية اللى على مزاج السادة...زى قبل الثورة بالظبط كان اللى يهاجم النظام يتقال عليه"مختل عقلياً...ماسونى...قابض من برا..و فى الاخر ممكن تتعملوا فضيحة"...اما دلوقتى اللى يهاجم المجلس بصفته الرئيس المؤقت لحين انتهاء الفترة الانتقالية يتقال عليه"عايز توقع بين الشعب و الجيش....تبع صربيا لا لا لا تبع امريكا لا لا لا تبع اسرائيل و اكيد انا هنا بتكلم على شباب 6 ابريل اللى عينى عليهم لدرجة انهم قدموا بلاغ فى نفسيهم و لسة الناس بتصدق" و نخش بقى فى جو المحاكمات العسكرية للمدنيين "النشطاء السياسين" و و اللى بينزلوا التحرير "القلة المندسة" و يتسحلوا جوا و يكلوا اكلللل و فى الطرف التانى واحد قتل شعبه و سرقه و خان وطنه ةو بيتحاكم ادام محكمة عادية.اقول ايه غير..........اللهم انى صايم
3.كرامة....عدالة انسانية : فين الكرامة لما يكون فى مواطن بيكل من الزبالة؟...فين الكرامة لما اخواتنا بيتقتلوا على الحدود و كل اللى عملته حكومتنا "حكومة الثورة""هىء هىء هىءهىء"...انها شجبت و اعترضت ؟....فين الكرامة و لسة فى تعذيب "السجن الحربى"؟....فين الكرامة لما يكون لسة فى اختطاف لنشطاء سياسيين"محود شعبان"؟....فين الكرامة لما تكون عندى اسرة كاملة و مش لاقية بيت يلمها؟....فين الكرامة اللى و العدالة الانسانية وجهان لعملة واحدة ؟
بقلم.....أحمد سعيد