رُكبى ... يا عزمى !!!!!

عزمى بتاع الرُكب ... اللى بلدنا به أتنكب ... مقوس الرجل والشكل عجب ... عامل ذنب حليق الشنب ... لللى شفط خير بلدنا وحلب ... على وشه نضّارة كبيرة ... كليل البصرعديم البصيرة ... ده كان عامل ستارة ... على الرجل أبو طيارة ... ومزين طريق لمن نهب وسلب ... وكان فى القصر ونازل فى البلد عصر ... ومترشح ميمون عن دايرة الزتون ...وكان بيتظاهر وكله مظاهر ... بانه بيعارض ويعمل معارض ... ويقول كلام لاذع للحكومة حامض ... من قلب بحب الوطن قال أيه نابض ... وصوت رعد يسمعه فى ودانه خاضض ... كان نافش وراضض ... وكان حائط الأونطة الصاضض ... ده كان بيهوهو وكان للشرف عاضض ... وكاتب سيناريو على الشعب اللى بالنصب هاريو ... ولو راجل كان الجاز عليه سكب ... وعود كبريت شطُه وعليه سحب ... ده كلامه جنون وكله صابون ... كان عزمى فى عمل اللى مالوش لازمِ ... زكريا والحرامية فى رياسة الجمهورية ... ده فيلم تم عرضه فى مزرعة الداخلية ... ياجماله لو شفته بالبدلة البيضة أم طأية ... وهو نازل م لبوكس بحدية ... وعلى خده من أرص براغيت البورش خوخة ... بعدما فاق م الدوخة ... وقال ياليلة سوخة ... المصايب هترخ على راسى روخة ... لابس كلبشات غويشه ... فشر أساور عايشة ... كان عامل مهم أتاريه هم ... عاوزين نولوخُّه* بدل مَن طوخُه ... كانجارو وكان مخبى عارُه ... وناطط على الناس اللى غاروه ... إتكلم على المحليات ... وهوه من الحيات ... يقول للركب وصل الفساد ... أتارى الفساد فى نفسه ساد ... مهرب صاحب العبّارة ... اللى كان صحبُه فى الحارة ... وبيلعبوا بالأمارة ... تحت سلم العمارة ... ده عاوز يتشد على كارو بحزمِ ... ليجُر بمنتهى العزمِ ... على صوت يقوله شى حا لقدام ياااااااااا عزمى !!!!!
*نولوخُّه : كلمة لذيذة ...من شخصية عزيزة ! بمعنى نهزه ونلخلخه