ملف التوريث فى جمهوريه الملاحيس2

وبعد م قررت ماما الغوله تتم عمليه التوريث حتى لو بالعسس وقوه البوليس وبعد م اقتنع الاشكيف وصدور اوامره لمجلس الاشرار الشطار بدأت الحكايه وياريتها كانت بدات من بدري المهم جماد بقي يكبر ويكبر وكبر اصحابه الابالسه معاه ويفتحلهم سكك وهما يفتحوله سكك وسكك وماما الغوله فرحانه ابنها حيبقي اشكيف بلد الملاحيس يامغيث وبلد الملاحيس اكبر بلد فى بلاد الترابيس يعنى ابنها بسلامته حيبقي زعيم اكبر بلد فى منطقه الترابيس وكل الاشاكيف اللى فى بلاد الترابيس مرحبين بالموضوع عشان يبقي كله فى الهوا سوا لان بلاد الملاحيس تتميز عن كل الترابيس انها جمهوريه ف لما تبقي توريثيه يبقى كله فى الطرواه والاشكيف الكبيراشكيف بلاد ماوراء البحار زعيم العالمين العلوى والسفلى باردو رحب بالموضوع عشان حبايبه الفجار بتوع بلد ازرابيل جيران الملاحيس يفضلو فى امان ويعيشو فى ثبات ونبات واخوانا وجيرانا فى سلطين اياكش حتى ياكلو طين احنا مالنا بيهم اهم حاجه الاشكيف الكبير يرضى عنا وبلاد موراء البحر باردو نراضيهم والخطه ماشيه تمام التمام الملاحيس بعضهم ملهى فى همه ومش طايق حد ييجي يمه وبعضهم ملهى فى لعبه المدوره اللى عمليلها دوري وكاس عشان يلهو الناس وبعضهم م قضيها رشاوى حرام حرام المهم العيال تتعشى قبل م تنام وبعضهم مقضيها كلام وبعضهم فقد القدره ع الكلام وبعضهم فى البلاد متغرب وكل حلمه بيت يلمه وداه حال الملاحيس في مقابل تسارع عمليه التوريث
حال ميرضيش حد وهموم لاتحصى ولاتعد وكله بقى يهظر لحد م نسى الجد ومين حيفكر فيهم الاشكيف المخيف اللى كل كلامه سخيف ولا حاشيته اللى هما اصلا سبب ازمته ولا ماما الغوله اللى بالتوريث مشغوله وكل اللى يهمها انها تبقى الاولى ولا عصابه الاشرار صحاب جماد اللى واخدين دكتوراه فى الفساد وتخصص غتاته ع العباد ولا عزاء اللى كل اللى يهمه المشاريع واياكش حتى البلد تضيع اه ياعينى ع الملاحيس حالتهم بقت فطيس .
المهم يا كرام عشان نختصر الكلام جه موسم الانتخابات بتاعه مجلس قفلى هموم وحييجي بعدها انتخابات الاشكيف يعنى من اهم الانتخابات فى التاريخ الحديث لجمهوريه الملاحيس.
اجتمع مجلس الاشرار بقياده سى جماد واصحابه الابالسه اللى من اهم اسباب الكارثه وقررو موضوع خطير الا وهو التزوير وداه مش جديد بس محتاج تزويد على شان الحزب الوثنى بتعاعهم يفوز بكل الكراسى والي مش عجبه يخبط دماغه فى الحيط ويكسرها او يحط عليها زيت ويولعها والملاحيس غلابه مفيهومش ديابه وعشان كده ميصلحوش للنيابه وخاصه بعد مسيطرت عليهم الكأبه مكنشى فى الا شويه من جماعه الاعوان وشويه من المعارضين وهما ساكتين ودول شويه ممنهومش خوف بس لحساسيه المرحله محدش منهم ناحيه المجلس يهوب .
ونجحت الخطه نجاح عظيم وفاز الوثنى بكل الكراسى والتزوير كان عينى عينك ولا كانى في ملاحيس ولا شعب بيستغيث .
بس الحكايه لسه دايره وفيها احداث كتير سايره محدش من نظام الاشكيف كان عامل منه حسابه وكان يحسب انها بعيد عن بابه ويمكن يكون فيها خرابه