ملف التوريث فى جمهوريه الملاحيس

الاشكيف المخيف وماما الغوله فى جمهوريه الملاحيس مش عايزين يسبوها فى حالها مع انهم ياما خوفوها ورعبوها ونهبوها وكل اللى عايز تقوله قوله وكان الملاحيس سايبينهم يعملو اللى هما عايزينه وبيقولو كلها كم يوم ولا كام شهر الاشكيف المخيف يتسهل وساعتها كده كده امنا الغوله تغور فى اى حته فى هاواى ولاحتى عين الصيره بس امنا الغوله كانت عارفه لو الاشكيف المخيف مات محدش حيسيبهم فى حالهم من البلاوى اللى عملوها فى الناس وفى يوم اغبر كانت فى حفله من حفلات الهم للجميع جتلها فكره عبقريه قال ايه تخللى المحروث ابنها جماد يبقى هو الاشكيف المخيف ما هو طول عمرهم يخوفوا الناس بيه وهو استاذ فى التخويف وكده كده الشعب خواف وبينام من المغرب واكيد الحكايه حتعدي يعنى جماد مش حيبذل مجهود كبير فى التخويف والضحك على الدقون والاستخفاف بالناس وضربهم على قفاهم وكل شروط الاشكيف تنطبق عليه وحتى لومش حتنطبق هما جاهزين جاهزين لاي حاجه لان كريهه الظالم قائد العسس وكتائب الرعب والتدمير قايم بالدور على اكمل وجهه ومش مخللى حد يقدر يتنفس يعنى العمليه متظبطه ع الاخر ومقدريتش تقاوم الفكره الجهنميه دي وكل ماتنام يجيلها كابوس انها مش هى ماما الغوله ومراه المراكبي اللى جاي من عند الاشكيف كبير الاشاكفه هى اللى بقت ماما الغوله تتجنن اكتر وفى يوم قالتله يا اشكيف جماد ابنك كبر وماشاء الله عليه خطيف وشبيح وبيلعب باليضا والحجر وصحابه كلهم ابالسه منقيهم بالواحد وانا شايفه انى مفيش غيره ينفع الاشكيف ولا انت ايه رايك قالها الرأي رأيك والشوري شورتك ياغوله هو انا من امتى لى رأي وبعدين جماد داه فلذه كبدي واقل حاجه اعملهاله انى اخليه اشكيف بس اظبط الموضوع مع الاشكيف الكبير انتى عارفه موضوع زي داه لازم اخد رايه وهو مش حيمانع لانه عارف ابنى طلعلى وانا ممكن اعمل اشكيف على اى حد الا عليه انتى عارفه الاعمال واللذى منه اللى بنجيبها من عنده داه غير البلاوي الى ماسكها علينا بس ع العموم جماد حيطلع معايا م الصبح عشان يدرب ع الاشكفه وخللى عزاء زى ماهو فى شغله انا عايزه يبقى شريك فى كل حاجه هو داه الضمان محدش عارف الدنيا مخبيلنا ايه.وم النجمه صحى الاشكيف وراح ع المغاره لقى رجالته مستنينه قالهم تجبولى .قفلى هموم.وصرعت السخيف.وملوخيه بمبى.وكريهه الظالم والس الغبي عبال ماما الغوله تيجي يكونوا عندي يالا قوام وبعد شويه بدأ اخطر اجتماع عرفته جمهوريه الملاحيس لتظبيط ملف التوريث قفلى هموم رئيس مجلس الملاحيس استاذ فى القانون ويقدر يفصل الى احنا عايزينه وصرعت السخيف داه من يوم يومه وهو ضليع فى كيد النسا والمؤمرات ويقدر يقدر يطلعنا من كل المطبات وملوخيه بمبى كاتم الاسرار داه حيساعد قفلى هموم ويكون حلقه الوصل بين الاشرار والس الغبى كل اللى عليه انه يفضل غبى هو والاغبياء اللى مشغلهم معاه ويلهو الملاحيس باى حاجه وطبعا كريه الظالم شغله معروف وانتهى مجلس الاشرار الشطار برياسه ماما الغوله والاشكيف المخيف ومن هنا بدأ التوريث فىجمهوريه الملاحيس.فيا هل ترى حيرضى الملاحيسولا حيعملو ايه؟
وحتنجح خطه الاشرار الشطارو لا لا؟
داه اللى حنشوفه فى المره الجايه
الى اللقاء