سيبتك خلاص " يونيو 2008"

سيبتك خلاص بعدت عنك
مليت، زهقت، مشيت سفرت
شوية ورق أخدوني منك
قولت ايه يعني اسيبك
يجرى أيه أنا مش حبيبك
هتوحشيني ؟ لأ ما أظنش
هيجي يوم أقول بحبك؟
لا ما أفتكرش أني بحبك
هيجي يوم احتاجك اضمك
و احط همي جوه حضنك
ما افتكرش ده هيحصل
ولا زكرى منك هتفضل
مرت أيام و أنا مش معاكي
عشت عادي بقلب فاضي
سبت ماضي كان قصادي
و يوم ما قلت انت اتنسيتي
لقيتك جاية لحد بيتي
في صوت اخويا و ابويا و أمي
من غير ما أصرحلك دخلتي
بقيتي فيا بتكسري
تهدمي و تدمري
بقيت ضعيف زي الورق
والورق كله اتحرق
ريشة طايرة يمين شمال
برها مالوش أمان
كهل أصبح كل حلمه
أنه يرجعله الزمان
افتكرت! بعد ما قلت هجرت
افتكرت كل حاجة
حلوة كانت بين ايديكي
أول مرة أحس بيكي
أول مرة أشوف دموعي
نازلة بتدور عليكي