بصفتى القائم بالصرف فى بيتى فى وضع وزير المالية عملت لبيتى موازنة وميزانية فى حدود الراتب وحوافزى الإضافية وخصمت الفاقد من أجرة سكنى ومواجب أسرية ضرورية ووزعت الصافى المستهدف لمصاريف الأسرة الأساسية أولها مصاريف أولادى ومواصلاتهم فى الرايحة والجاية والأكل المتواضع لغدانا اليومى ولفطار إن شا الله الفول والطعمية وكيلوين فاكهة يوماتى وخضار لازم للوجبات اليومية وكيلو لحمة واحد أسبوعى وفراخ أو سمك يوم القبضية وحاولت أوفق أوضاعى وأوفر قسط الجمعية لشراء لبس لأولادى ودى عادة عندى سنوية البند استنفد بإرادتى لحساب فواتير الكهربا والميه قالت لى مراتى ف عصبية ومنين هتجيب الكسوة يا عنيا؟ قلت لها بصوت المتخاذل عن تلبية الاحتياجات الضرورية تتدبر إن شاء الله يا مراتى وعلاوة يوليو آهى جاية سوهاج