ليلة رومانسية بين زوجين بأقل التكاليف

مع كل عام فى عيد الحب وفى نفس هذا الوقت، تتاح لك الفرصة للتعبير عن حبك لزوجك، ويمكنك جعل كل يوم فى السنة فرصة جديدة للتعبير عن الحب، من خلال أفكار بسيطة وعملية لقضاء ليلة عيد حب رومانسية وإعداد عشاء رومانسى فى المنزل.
«ش. س» حديثة الزواج، تحكى عن أول عيد حب يمر عليها فى أول سنة من زواجها، والذى يتزامن مع ذكرى يوم زواجها، فتقول: «أ. م» زوجى اقترح أن نخرج فى هذا اليوم لقضاء يوم جميل، والذهاب إلى مطعم لتناول العشاء سوياً، وفى نفس الوقت كنت قد اتفقت مع شقيقتى هايدى ونرمين، على أن نذهب إلى منزلى بعد خروجنا، وتنظيفه وتجهيز عشاء رومانسى، وتورتة، ووضع بلالين وزينة، حتى أفاجئ زوجى بها.
وتضيف «ش. س»: بعد تناولنا العشاء أنا وأمير، أعطانى الهدية التى أحضرها لى، وأنا أيضاً أعطيته هديته، وقررنا العودة للمنزل، وهو لم يكن يعلم ما الذى ينتظره هناك، مضيفة: دخل الشقة لقى موسيقى هادية، وإضاءة خفيفة، وصورنا فى كل مكان، وبلالين وزينة، وتورتة وشموع على السفرة، اتفاجئ، وما كان من أمير سوى السؤال، الحاجة دى اتعملت إمتى وإزاى؟، فأجبْته هايدى ونرمين اللى عملوها، وأنا اللى اتفقت معاهم على كده.
وبطبيعة الحال كأى زوجين حديثين كانت دائماً تحاول «ش» الاقتصاد فى نفقات الاحتفال بالمناسبات الخاصة بها هى وزوجها، فتقول، مش لازم أصرف آلافات علشان أتبسط، لما اتفقت مع إخواتى إنهم يطبعوا لينا صور، روحنا طبعنا صور جاهزة علشان تكلفتها تبقى قليلة، وكمان فى أول عيد ميلاد لأمير وإحنا متجوزين، كنت أنا حامل، وماكانش معايا غير 100 جنيه موفراها من مصروف البيت، وعايزة أشترى تورتة وبلالين.
وتتابع: نزلنا اشترينا تورتاية صغيرة وبلالين، ونفختها كلها بنفسى وعلقتها هى والزينة، وأمير لما جه اتفاجئ، وقالى جبتى فلوس الحاجات دى منين؟ قولتله توفير من مصروف البيت.