خالد الأبنوبي :- و بالعامية المصرية ( مليون تحية وسلام لجيشنا العظيم الهمام )

وجيشك يا بلدنا كبير
وولدك مرجله و إصرار
جنودك واقفة بالطوابير
علي خط الحمى أحرار
جنود عاشوا مع الجماهير
ف ثورة شعب وحضارة
وساندونا بدون تأخير
مساندة حلوة جبارة
صعدنا فوق على المدفع
وكنا بجد أيد واحده
بنحضن أرضنا ونرفع
علمنا والأمم شاهده
حضنا جنودنا ورسمنا
معاهم حلمنا الواحد
وجانا الخير وجمعنا
بقدرة ربنا الواحد
كتبنا رسالة للعالم
وللتاريخ وللإنسان
حافظنا ع الوطن سالم
وده فرض ف جميع لاديان
سلام للجيش وللقاده
ولجنودنا اللي ف الميدان
سلام هنخطه ف شهاده
وتحفظها صدور لاوطان .