توثيق الثورة المصرية

طلع النهار والشعب ثار
شباب عظيم كله احرار
...
قالوا بنحب مصر وعندنا افكار
بلدنا بترجع لورا واخرتها انهيار
فساد وظلم والحاكمين اشرار
والوزراء عندنا لصوص وكلهم تجار
باعوا مصر وقبضوا الثمن بالدولار
اتجمعوا الشجعان في الميدان و كلهم اصرار
اللى لابسة جينز جنب اللى لابسه خمار
لا سن ولا جنس وكلهم فى انصهار
طلع عليهم الامن باوامر الجزار
قنابل ورصاص ومية تنزل كالامطار
وعربية بيضا بتدهس وسايقها غدار
و شبابنا قاعد يصلي و يقول يا غفار
انصرنا يا رب واحمينا ده انت القهار
غرقت فرعون وجنوده وبلعته الانهار
وبذل المصرى دمائه وشهداء ابرار
صغار وكبار ونساء ومختلف الاعمار
وفوق كوبري قصر النيل تراجع الاشرار
و هربوا من الميدان وحسوا بالانكسار
وقادت النار وحرقت الحزب والمقار
والشباب الحر بيحمى بجسده متحف الاثار
تاريخ شعب عظيم مملوء عز وفخار
ونزل الجيش وحوط الميدان والاحرار
اهلا بجيشنا العظيم مبعث الافتخار
دايما يا جيشنا بتحمينا من العدا الاغيار
طلع الريس قال انا متكبر جبار
وانتوا شوية عيال فاكرين نفسكوا شطار
موبايلات وفيسبوك وبتجمعوا الانصار
وفئة مندسة عميلة قابضين بالدولار
جبتلكم نائب صديقي وده اخر قرار
وغيرت الحكومة و ادتها لصاحبي الطيار
و مش حمشي ده بالنسبه لي انتحار
هتف الشعب وقال كفياك لينا احتقار
افسدت علينا حياتنا انت واخدنا احتكار
ارحل يا ريس ده اخر المشوار
طلع عليهم بلطجية جمعهم الاشرار
بخمسين جنيه وكنتاكي او هاردييز وانت اختار
راكبين جمال و خيول وفي حالة استنفار
سيوف وكرابيج وبيحدفوا الاحجار
دول مصريين سوا ولا بيحاربوا الكفار
والمصري من ذكائه حمي راسة بشنكار
و قاوم المصري بقوة وحقق الانتصار
وانهزم البلطجية و فضحتهم نشرة الاخبار
والعادلى ادى اوامره اضرب مافيش اختيار
والامن عمل عملته ولاذ بالفرار
وهرب السجناء واتهم فيها الاخيار
رعب وسرقة ونهب وكل ده اوزار
بسرعة لجان شعبية اتكونت تحمى الديار
حافظ السويس ومحلاوى اسكندرية وكلهم انوار
والعالم كله شايف وفى حالة استنكار
وهتف الشعب كله ارحل جدة فى الانتظار
وقتك خلص وانتهى ومش قابلين الاعتذار
قال نتفاوض قالوا ارحل قبل الحوار
هتفوا تغير حرية عدالة هو ده الشعار
غضب ورحيل وزحف وباقى جمعة الانتصار
وطلع النائب بكل انكسار وقال القرار
والريس خلاص تنحى وراح ع المطار
والجيش استلم الراية وبدأ الاختبار
وهلل الشعب وكبر من فرحة الانتصار
ورفرف العلم المصرى وسط الازهار
وميدان التحرير اصبح للعالم مزار
وكل كبار العالم اشادوا بالثوار
غربى وشرقى وكله ينظر لنا بانبهار
اللى عايز يعلم ولاده معنى الاصرار
واللى عايز يدرس الثورة فى مدارسه للصغار
واللى يقول كالعادة التاريخ يكتبه الاحرار
واللى يقول كلنا مصريين وده لينا افتخار
واصبحنا قدوة لكل البلاد والاقطار
وانتقلت افكار الحرية لكل الامصار
قذافى وصالح وبكرة جاى دورك يا بشار
ربنا ينصركم ويحميكم يا ولاد عمر المختار
وكل شئ بان وانكشفت الاسرار
ومبارك الطيار منين جاب سبعين مليار
ووقف ضخ الغاز بعد ما حصل له انفجار
والظلمين والفاسدين والقتلة خلف الاسوار
يا رب يا عادل خلصت ذنب خيرت بن الشطار
سبحان المعز المذل الواحد القهار
وخطبة الانتصار فى ميدان الشهداء الابرار
فيها كلام للى جاى وبداية المشوار
دم شهدائنا مش هيضيع وهنحاسب الفجار
عايزين نبنى بلدنا ونبدأ الاعمار
نضفوا الميدان وازرعوه بالاشجار
ويكون لنا ارادة واحنا اصحاب القرار
افتحوا معبر رفح و حطموا الجدار
احنا امة عظيمة مش لعبة فى ايد الاستعمار
يا مصر يا ام يا عظيمة كلنا استبشارSee More