«الإسعاف».. سور حديدى يغلق 26 يوليو أمام «القضاء العالى»

ممر ضيق يتسع لمرور شخصين بالكاد، ومحال تجارية خالية، وسور حديدى يغلق شارع 26 يوليو الحيوى بمنطقة وسط القاهرة، ولافتات توضح التحويلات المرورية بالمنطقة، ومحال تجارية مغلقة، وأخرى تبحث عن الزبون غير المتوافر.. تلك هى الصورة بمنطقة عمل إنشاءات مترو الخط الثالث لمترو الأنفاق.
حالة من الغضب تسود أصحاب المحال الذين بدأوا فى التفكير بإغلاق محالهم نظراً لتعرضهم للخسارة بسبب إغلاق الشارع. قال إبراهيم عاشور، عامل بأحد محال الملابس: «المترو الجديد أثر علينا سلبياً بشكل كبير، وحال المحل واقف وأنا بعتمد فى شغلى على عمولتى من المبيعات اللى مش موجودة دلوقتى».
وأضاف عاشور: «الزباين بقت قليلة جداً، عشان قفلوا الشارع، والممر اللى سابه المهندسين العاملين فى مشروع المترو ضيق جداً، وحتى الناس اللى بتعدى ملهاش مكان للفرجة على البضاعة، كل ده وبنلاقى اللى شغالين فى المترو بيوقعوا على باب المحل وأمامه أسمنت وميه، وساعات كتيرة غرقوا ناس بتعدى وكانوا بيزعقوا، وبعدين عرفنا إن الموضوع ده مستمر من سنة ل3 سنين، ودا خراب بيوت لينا ولغيرنا اللى قفلوا محلاتهم ونقلوا أماكنها من هنا».
أما فارس محمد، صاحب محل ملابس، فأكد أن الإغلاق بدأ منذ مايو من العام الحالى، ومن يومها وهم يعانون ندرة الزبائن، وهو ما دفعهم إلى خفض العمالة، لكن ذلك لم ينفع، ويفكر جدياً فى إغلاق المحل، خصوصاً أن خسائره تجاوزت المليون جنيه.
وأضاف: «فيه ناس كتير قفلت محلاتها عشان موضوع قفل الشارع.. ياريتنا كنا عملنا زيهم، بس هنروح فين، والمحل اللى أنا فيه ده كان فاتح 15 بيت، دلوقت شغال فيه 3 عمال بس وبفكر أقفله عشان مبقتش مستحمل خسارة، وكل ما نطالب به هو تعويضنا عن الخسارة التى نتعرض لها، ولو حتى بإلغاء الضرائب أو تقليل ما ندفعه للكهرباء شهرياً، وإحنا بعد ما كنا بنكسب كويس بقينا مديونين».
وكثفت قوات المرور بالقاهرة من تواجدها بالمنطقة المحيطة بأعمال المترو فى شارع 26 يوليو.