الرئيس السيسي يستقبل رئيس الأركان الباكستاني ويؤكد أهمية تعزيز التعاون العسكري ومكافحة الإرهاب    أهداف مباراة ليفربول ضد يوكوهاما مارينوس الودية    هل يرحل ديانج عن الأهلي؟.. طالع التفاصيل    منتخب مصر المشارك في كأس العرب يواجه تونس في أجندة سبتمبر    مصنعو الشوكولاتة الأمريكيون في "ورطة" بسبب رسوم ترامب الجمركية    روسيا: الحوار بين إيران والصين وروسيا يظهر إمكانية التوصل إلى اتفاق بشأن الملف النووي الإيراني    إعلام لبناني: الجيش الإسرائيلي يستهدف بالمدفعية أطراف بلدة "عيترون" جنوبي لبنان    رئيس الوزراء: استراتيجية وطنية لإحياء الحرف اليدوية وتعميق التصنيع المحلي    ختام موسم توريد القمح في محافظة البحيرة بزيادة 29.5% عن العام الماضي    عاجل| وزارة الكهرباء تعلن إصلاح عطل محطة محولات جزيرة الدهب    أندية سعودية تتحرك لضم ليفاندوفسكي في ميركاتو الصيف    الممنتخب المصري للمصارعة يحصد 6 ميداليات في دورة الألعاب المدرسية بالجزائر    اعتذار عدد من مدربى قطاع الناشئين بالزمالك.. اعرف التفاصيل    المشدد 7 سنوات لعاطلين في استعراض القوة والبلطجة بالسلام    أصيب مع شقيقه في الحادث.. تشييع جثمان شاب توفي إثر انقلاب موتوسيكل بكفر الشيخ    35 ألف طالب تقدموا بتظلمات على نتيجة الثانوية العامة حتى الآن    غدًا جنازة لطفي لبيب من كنيسة مارمرقس كليوباترا بمصر الجديدة    أحمد زايد: الفوز بجائزة النيل في فرع العلوم الاجتماعية ليست نهاية المطاف بل البداية    هيئة فلسطينية تثمن جهود مصر لإدخال كمية كبيرة من المساعدات إلى قطاع غزة    روسيا تلغى تحذير تسونامى فى كامتشاتكا بعد الزلزال العنيف    رئيس جامعة بنها يترأس اجتماع لجنة المنشآت    بعد عامين.. عودة ترافورد إلى مانشستر سيتي مجددا    وظائف خالية اليوم.. فرص عمل ب 300 دينارًا بالأردن    رئيس "الوطنية للانتخابات": جاهزون لانتخابات الشيوخ.. وتدريب أكثر من 10 آلاف قاضٍ للإشراف    7 مؤتمرات انتخابية حاشدة لدعم مرشحي مستقبل وطن بالشرقية    رئيس مجلس الدولة: نثمّن دور النيابة الإدارية في دعم دولة القانون    ضبط عاطل و بحوزته 1000 طلقة نارية داخل قطار بمحطة قنا    مي طاهر تتحدى الإعاقة واليُتم وتتفوق في الثانوية العامة.. ومحافظ الفيوم يكرمها    "زراعة الشيوخ": تعديل قانون التعاونيات الزراعية يساعد المزارعين على مواجهة التحديات    تكنولوجيا المعلومات ينظم معسكرا صيفيا لتزويد الطلاب بمهارات سوق العمل    مدير أمن سوهاج الجديد يكثف جولاته الميدانية لضبط الحالة الأمنية    "التضامن" تستجيب لاستغاثات إنسانية وتؤمّن الرعاية لعدد من السيدات والأطفال بلا مأوى    الصحة تناقش إنشاء شبكة عيادات ذكية لخدمة سكان الإسكندرية    الرعاية الصحية تعلن تقديم أكثر من 2000 زيارة منزلية ناجحة    لترشيد الكهرباء.. تحرير 145 مخالفة للمحلات التي لم تلتزم بقرار الغلق    محافظ أسوان يوجه بالانتهاء من تجهيز مبني الغسيل الكلوي الجديد بمستشفى كوم أمبو    السفير الأمريكي بإسرائيل: لا خلاف بين ترامب ونتنياهو.. والوضع في غزة ليس بالسوء الذي يصوره الإعلام    فرانشيسكا ألبانيزي عن فرض واشنطن عقوبات عليها: ستضرني لكن التزامي بالعدالة أهم من مصالحي الشخصية    انكسار الموجة الحارة.. الأرصاد تكشف حالة الطقس ودرجات الحرارة المتوقعة    مبيعات فيلم أحمد وأحمد تصل ل402 ألف تذكرة في 4 أسابيع    ما حكم كشف وجه الميت لتقبيله وتوديعه.. وهل يصح ذلك بعد التكفين؟.. الإفتاء تجيب    فى لفتة إنسانية.. الأجهزة الأمنية بالقاهرة تنجح فى إعادة فتاة لأهليتها    مصير رمضان صبحى بقضية التحريض على انتحال الصفة والتزوير بعد تسديد الكفالة    215 مدرسة بالفيوم تستعد لاستقبال انتخابات مجلس الشيوخ 2025    معلومات الوزراء: مصر في المركز 44 عالميًا والثالث عربيا بمؤشر حقوق الطفل    علي جمعة يكشف عن حقيقة إيمانية مهمة وكيف نحولها إلى منهج حياة    هل التفاوت بين المساجد في وقت ما بين الأذان والإقامة فيه مخالفة شرعية؟.. أمين الفتوى يجيب    ما معنى (ورابطوا) في قوله تعالى (يا أيها الذين آمنوا اصبروا وصابروا ورابطوا)؟.. عالم أزهري يوضح    استراتيجية الفوضى المعلوماتية.. مخطط إخواني لضرب استقرار مصر واستهداف مؤسسات الدولة    حميد أحداد ينتقل إلى الدوري الهندي    استقرار سعر الريال السعودي في بداية تعاملات اليوم 30 يوليو 2025    ملك المغرب يؤكد استعداد بلاده لحوار صريح وأخوي مع الجزائر حول القضايا العالقة بين البلدين    وفري في الميزانية، طريقة عمل الآيس كوفي في البيت زي الكافيهات    فلكيًا.. موعد بداية شهر رمضان 1447-2026    عبداللطيف حجازي يكتب: الرهان المزدوج.. اتجاهات أردوغان لهندسة المشهد التركي عبر الأكراد والمعارضة    حظك اليوم الأربعاء 30 يوليو وتوقعات الأبراج    متابعة تطورات حركة جماعة الإخوان الإرهابية مع الإعلامية آلاء شتا.. فيديو    رسميًا.. جدول صرف مرتبات شهر أغسطس 2025 بعد تصريحات وزارة المالية (تفاصيل)    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



ماحدث أمام وزارة البترول .. ومشاهد من ميدان البروتوكول
نشر في المصري اليوم يوم 22 - 04 - 2011


بسم الله الرحمن الرحيم
أنا مش عاوز أرغى كتير فى موضوع أحنا اعتصمنا ليه ومعتصمناش ليه والكلام ده كله و هحاول أختصر فى كلامى وأنقل مشاهد حصلت أمام الوزارة وأرد على كلام أتقال الفترة دى بلغة بعيداً عن التكلف، وياريت الناس تفهم أن ده مش تبرير لأن الغاية لا تبرر الوسيلة أبداً ولم يكن يجب أن يحدث أى شىء فيه عنف ولا أقول أننا لم نخطأ مع أنى لم أشارك فى ده وكنت همشى أكتر من مرة بسبب محاولات الخروج عن النص لكنى كنت هناك وواقف مع الناس وزيى زيهم ولكن أيضاً تم المبالغة فى نقل وتصوير الأمر وأحاول هنا نقل ما رأيته وحدث أمامى إليكم
والله على ما أقول شهيد
سبب الاعتصام :
من سنة و 6 شهور تقريبا تم توقيع بروتوكول تعاون بين وزارة التعليم العالى والبترول يشمل تطوير المناهج و مبانى ومعامل الكلية لتتناسب مع امكانيات الطلاب اللى المفروض انهم من اوائل الثانوية العامة وانهم من خيرة عقول البلد كما يشمل تدريبهم وتجهيزهم عمليا لسوق العمل بالاضافة لتوفير فرص العمل بعد التخرج عن طريق التكليف وفيه لجنة معمولة من سنة لتفعيل البروتوكول ولكنها مجتمعتش منذ شهر 9 الماضى ( وأنا عن نفسى شايف انى لو اتجهزت لسوق العمل كويس عن طريق مناهج ومعامل وتدريب الشغل هوه اللى هيجيلى لحد عندى)
أولاً بالنسبة لموضوع أننا مستعجلين وأن التغيير قادم، لو أنت كنت وقفت معانا عند الوزارة كنت هتعرف ان كل اللى طلبناه اننا نقابل الوزير واعتقد من حق اى مواطن مصرى يقابل الوزير
نقابله ليه ؟ احنا مش عاوزين الناس تشتغل الصبح ولا عاوزه يعملى اللى انا عاوزه بكرة او بعده والكلام ده اتقال لرائد بالجيش ان كل المشكلة ان احنا عاوزين جدول زمنى معقول واليات للتنفيذ يعنى يقولى هيعمل ايه علشان ينفذ البروتوكول وجدول زمنى واضح بعد شهر اتنين سنة مش مشكلة المهم انه يلتزم بيه بورق رسمى وكل قبادات الجيش اللى كانوا موجودين اعترفوا بحقوقنا وان لينا حق واننا متافهمين لدرجة
طيب مهو اجتمع معاكم اول يوم ايه اللى حصل ؟
فعلاً أجتمع مع ممثلين من الطلبة لمدة تقريبا فى حدود 10 دقايق بعد مانتظروه لمدة 3 ساعات وتم سحب بطاقاتهم وموبيلاتهم
وكان مجمل الكلام انا مش ملتزم بتوقيع الوزير السابق انا قاعد معاكم بشكل ودى اللجنة هتجتمع كمان 10 ايام وتشوف ايه اللى ممكن يتعمل وفرصتين تدريب بدل من فرصة
وطبعا معظم الناس رفضت الموضوع لما عرفت ولما جه ممثل الطلبة يرجع علشان يبلغ الوزير بالرفض معرفش يقابله بالاضافة الى ان الوزير اعتصموا فى الجنينة 10 ايام لحد ما صوتكم يروح وتزهقوا وانا مش هسال فيكم ومش عليا اى ضغوط
طيب ليه استخدمتم العنف ؟
انا هذكر ليكم كذا موقف حصل وانتم احكموا
اول يوم عمال بتروميد جم عند الوزارة بعدنا ووقفوا عند المدخل من ناحية شركة انبى وعند خروج احد الموظفين اقتحموا الباب ودخلوا جوه بالعافية
كان موقفنا اننا رفضنا الموضوع كطلبة هندسة بترول وتعدين ووقفنا خارج الوزارة ورفضنا اننا ندخل وقولنا احنا جايين عاوزين نقابل الوزير وهنطلب حقنا باحترام
عمال بتروميد ايضا قرر بعضهم انهم يقطعوا الطريق واحنا رفضنا الموضوع تماما وعملنا كردون علينا وقفلنا المكان حوالينا كطلبة بترول وتعدين ورفضنا اللى بيعملوه وبعدنا عنهم لحد ما هما رجعوا فى كلامهم ومقطعوش الطريق واعتقد انهم فشلوا فى كده لاننا رفضنا المشاركة معهم فى اى شىء مع ان عددنا كان تقريبا 300 طالب
تالت يوم تقريبا اللى هوه يوم الاربعاء قام مجموعة من شباب الخريجين بمحاولة خنق الطريق بالسماح بالمرور فى حارة واحدة واندفع عدد قليل جدا من الطلبة معهم لا يتعدوا اتنين او تلاتة ولكننا كطلبة بترول وتعدين السويس وقفنا وهتفنا ورفضنا اللى بيحصل وكان كل كلامنا اننا جايين هنا نطالب بحقنا والطريق ده حق الناس اللى ماشية فيه يبقى مش من حقنا نقطع الطريق
ولم تستمر العملية اكتر من 5 دقايق وتم فضها لرفضنا كطلبة لهذا الاسلوب
تكررت هذه الواقعة مرة اخرى وكان لنا نفس الموقف وكان رايهم انهم اعتصموا هنا لمرات عديدة ولما يعبرهم احد فكان لابد من اثارة الانتباه وكان ردنا ان المطالبة بحقنا لا تسمح لنا بالتعدى على حقوق الاخرين وتم انهاء الموضوع مرة اخرى وفى كل مرة لم يستمر
لدقائق معدودة وكان ليا الشرف شخصيا انى حصلت مشادة كلامية بينى وبين اتنين من شباب الخريجين بسبب اعتراضى على موضوع قطع الطريق
طيب وقفل مداخل شركة انبى ؟؟؟؟
لما رفضنا موضوع قطع الطريق كان مبررنا اننا هنا علشان ناخد حقنا ومشكلتنا مع الوزارة ومش مع الناس اللى فى الشارع
كان الوقت يوم الاربعاء والناس بدات تفقد اعصابها لانها بقالها 3 ايام نايمة فى الشارع فى البرد ومحدش معبرها ولا بيسال فيها ومحدش بيخرج من الباب اللى احنا قدامه والوزير بيخرج من باب تانى فكانت الفكرة اننا عاوزينه ميخرجش لحد ما يقابلنا فقررنا نقفل المداخل اللى موجودة قدامنا وكانت انبى ومعهد البحوث لكن مكنش فيه اكتر من الابواب ولما الناس اقتنعت ان دى مصالح الشركة وانهم ملهمش ذنب وان مفيش فايدة لان الابواب كتير وهوه بيخرج من باب تانى تم انهاء الفكرة ولم تستمر اكثر من 10 دقايق ايضا
واقتحام باب الوزارة فى اخر يوم ؟؟؟؟؟؟؟؟
اولا ده مكنش اقتحام وهيترد عليه فى وسط الكلام
اليوم ده كان يوم الخميس والناس بلغت ذروتها مش بسبب انها يقالها 4 ايام و 3 ليالى فى الشارع ومحدش مهتم لكن لان بعد كده جمعة وسبت واحد واتنين الوزارة اجازة ومش هيبقى فيه فايدة من الاعتصام ده غير الاحساس اللى بقى عند كل الناس ان فيه مماطلة وتنييم لينا لان كل يوم الصبح يتقالنا خلاص هتقابلوا الوزير النهاردة وكل اللى عاوزينه هيتنفذ وبيعدى اليوم من غير ميحصل حاجة ده غير ان يوم الاربعاء عميد الكلية بدرجة استاذ دكتور ورغم اختلافى معه لان تفعيل البروتوكول وتطوير المناهج والمبانى هى مسؤولية العميد وادارة الكلية وزى ما قولت للناس هناك اننا واقفين هنا علشان ادارة كليتنا مشافتش شغلها حضر لمقابلة الوزير اللى هوه مهندس ومعرفش يقابله وكان وعد عقيد الجيش اننا هنقابل الوزير تانى يوم الساعة 10 صباحا وانتظرنا يوم الخميس لحد الساعة 11 تقريبا ولم يجد اى جديد
الناس خلاص مش شايفة ان فيه امل وان هما هينيمونا لحد ماليوم ينتهى ويفضوا الاعتصام زى ما عملوا يوم الاربعاء والناس نايمة بالليل وطردوهم من الجنينة علشان حظر التجول مع ان كان فيه ناس عالقهوة بتشرب حشيش لم يعترضها احد
الموقف اللى اتفقنا عليه اننا هنعمل ازعاج لحد ما يعبرنا الازعاج بدأ بالصوت اولا صفير وهيصة بعد كده الناس بدأت تخبط عالبوابة زى ما بيحصل فى كثير من المظاهرات بره انهم بيخبطوا بحديدتين على بعض للازعاج
الناس مسكت طوب وخبطت على البوابة ولم تسقط طوبة واحدة داخل الوزارة لاننا مش جايين نخرب واصلا المبنى كله ازاز بس الفكرة تخبيط على الباب للازعاج وكل ده كان فى وجود الجيش والشرطة العسكرية ومحدش اعترض علينا علشان عارفين اننا بنخبط بس
طيب وبعدين ؟؟؟؟؟
الناس وهى بتخبط عالباب امن الوزارة قعدوا يضحكوا عليهم ويستفزوهم وبدأوا يمسكوا خشب وكان فيه واحد معاه سنجة
سنجة ؟ اه سنجة فى وزارة البترول حد يقول بتعمل ايه مع الامن
مع الاستفزاز الناس بدأت تهز الباب بطريقة اكبر وكان الصوت اعلى فبدأ امن الوزارة يتعامل مع الناس من الداخل عن طريق الضرب بالعصى وكله متصور وواحد صباعه انكسر واخر اصيب فى راسه الناس شاطت اكتر من اللى حصل فزاد موضوع هز الباب الفكرة عند ناس انهم يخلعوا الباب وناس مش شايفة كده بس مش كل الناس طبعا كانت موافقة على كده بالعكس اغلبية رافضة للعنف لكن مكنتش فكرة الاقتحام موجودة هما كانوا بيستفزونا والناس بتخرج طاقتها على الباب خصوصا بعد ما الامن بدأ يرش المياه ويستخدم طفايات الحريق علينا وطبعا هما يستفزونا وناس واقفة فى مبانى تبع الوزارة بتصورنا
لحد ما لواء الشرطة العسكرية حضر وتم الاتفاق على دخول ممثلين معاه لمقابلة الوزير لعرض المطالب وهوه ده كان كل طلبنا لمدة 4 ايام يعنى لا جايين نخرب ولا نكسر
ولم نحتك باحد من الجيش ولا الشرطة العسكرية
ما ينشر فى الاعلام الفاسد :
هوه موضوع ان كل الصحف والجرايد كاتبه الخبر بنفس الطريقة ( كوبى وبست ) ده لم يثير انتباهك ؟؟؟؟؟؟؟؟؟
الناس معتصمة 4 ايام هناك والتليفزيون المصرى جاء للتصوير ولم يذع شىء ولم يهتم احد اعلاميا رغم ان الناس كانت 24 ساعة بتبعت للصحفيين والتليفزيون صور وفيديوهات عن اللى بيحصل ولم يهتم احد
فى حين انه تم اتهامنا باقتحام الباب والبلطجة علشان ربع ساعة الناس اعدت تهز الباب وتخبط عليه كتبت الخبر كل المجلات والجرايد المستقلة الغير مستقلة بنفس الصيغة بل انها كانت رحيمة بنا لانها لم تفعل مثل الجريدة القومية اللى اسمها احرار اليوم لما قالت اننا كنا بنرقص وبنغنى وكانوا بيدوروا على طلعت زكريا علشان يقول فيه علاقات جنسية كاملة ده كله لا يثير الانتباه ؟؟؟؟؟؟؟
الم تستشعر ان هناك حملة لتشويه صورتنا امام الراى العام ؟؟؟؟؟؟؟
حسبى الله ونعم الوكيل فى اعلامنا الفاسد ومن ادار هذه الحملة
لو احنا جايين نكسر طيب ليه مشينا؟
تعرفوا اننا علقنا الاعتصام لما الوزير قال انه خلاص ملتزم ببنود البروتوكول وان اللجنة هتجتمع يوم الخميس بحضور ممثلين من الطلبة وعميد الكلية لبحث اليات التنفيذ ووضع جدول زمنى وكان الضامن فقط هوه لواء الشرطة العسكرية يعنى المشكلة كانت بسيطة جدا عقد موقع ولجنة مشكلة منذ سنة كل طلبنا انهم يشوفوا شغلهم يا لجنة شوفى شغلك بقى وقوليلنا ناوية تعملى ايه حسب ظروفك بس ده كل اللى طلبناه
يعنى الموضوع مكنش موضوع اننا عاوزين ضمانة للشغل ولا حاجة زى ما كل الجرائد القذرة والصحف الخاصة الفاسدة قالت اننا حاولنا اقتحام الوزارة علشان عاوزين ضمانة للشغل
احنا بعمل كده علشان نفسنا ؟؟؟؟؟؟
هتكلم عن نفسى وان كان الكلام ينطبق على معظم اللى كانوا هناك ان الاولية عندى كانت لتطوير الكلية من مناهج ومعامل ومبانى بما يعود بالنفع عالطلبة اللى جايين بعد كده ان شاء الله اللى هما وهقول تانى من خيرة عقول هذا البلد يعنى ان شاء الله لما اتخرج قريب انا مش هستفيد حاجة من ده كله الا التكليف اللى هوه ممكن ينطبق علي دفعتى او الدفعة اللى بعدى يعنى ممكن مستفيدش
الدافع الوحيد ليا هناك ان مش عاوز 500 طالب كل سنة من اوائل الثانوية وخيرة العقول فى البلد اللى المفروض هما وقود البلد ومستقبلها والاساس الذى سيتم البناء عليه يتم دفنهم كل عام فى كلية بلا مناهج ولا معامل ولا مبانى
عملنا كده علشان الناس اللى جاية بعدنا وبعدهم ميحصلش فيهم اللى حصل فينا
عملنا كده علشان كليتنا تبقى احسن علشان بلدنا تبقى احسن
يمكن الناس تلوم علينا ان ده مش وقته وان حال البلد ميسمحش
لكن احنا مطلبناش الاستعجال فى تنفيذ الطالب ولكننا طلبنا الاعتراف بهذه المطالب وحقنا فيه ووضع الية للتنفيذ حتى لو كانت على المدى البعيد وهو ما تم رفضه فى اول لقاء مع الوزير الذى رفض الاعتراف بورقة موقعة من الوزير السابق
كما انى مستعد للنزول والاعتصام مرة اخرى اذا لم يكن هناك جدية فى تنفيذ الوعود بمعنى اذا لم تكن هناك قرارات واضحة عن لجنة تفعيل البروتوكول يوم الخميس القادم
عتاب رقيق
عتابى هنا على اخوانى من الطلاب الذين كانوا يؤيدون فكرة الاعتصام ولم تنعهم ظروفهم من الحضور ولكنهم لم يحضروا تكاسلا منهم لان عدم مشاركتهم اظهرتنا كما قيل لنا اننا اللى جايبين مقبول وفاشلين ومبلطين فى الكلية وجايين عاوزين نشتغل واننا لو عددنا كبير كان اتعمل اللى احنا عاوزينه وفين زمايلكم وهذا عتاب الاخوة
وتبقى دائما حرية الراى هى الاساس بشرط احترام راى الاخرين وان الفكر ليس حجرا على احد ولا يجب ان يكون هناك ادعاء للبطولة او مهاجمة لمن لم يشاركوا ربما يكونوا هم على صواب ونكون مخطئين اذا لم نكن نحن من هم على صواب
والله المستعان والموفق .


انقر هنا لقراءة الخبر من مصدره.