بالفيديو.. بكري: إفشال السيسي لن يتم إلا على رقاب 90 مليون مصري

قال مصطفى بكري، إن المؤامرة على مصر والسعي لإفشال الرئيس عبدالفتاح السيسي لن يتم إلا على رقاب 90 مليون مصري، حسب تعبيره.
وأوضح بكري، في برنامجه «حقائق وأسرار» على قناة «صدى البلد»، مساء الخميس: «السيسي الذي أعطاكم درسًا لن تنسوه، السيسي الذي حال وإسقاط مصر، في خضم مشروع الشرق الأوسط الجديد، السيسي اللي إدى قلم للمخطط الأمريكي الصهيوني لضرب الوطن وضرب الأمة، بتتآمروا عليه دلوقتي، بتلفوا بعض وبتحاولوا من كل اتجاه، بتحاصروه».
وأضاف: «إوعوا تفتكروا إن إحنا شعب هيّن، إحنا شعب عنيد مش عايزين فلوس ومش عايزين أي حاجة، إحنا مستعدين نموت من الجوع بس مش هنفرط في كرامتنا أبدًا، إذا كنتوا مش عارفين مصر اقرأوا التاريخ يمكن تتعظوا من تاريخ مصر العظيم، لكن للأسف مبتقرأوش، ومفهمتوش الشعب المصري، لكن هو فاهمكم وهيديكم الدروس الواحد تلو الآخر».
وتابع: «بس لازم تعرفوا إن المؤامرة على مصر والسعي إلى إفشال السيسي لن يتم إلا على رقاب 90 مليون مصري، 90 مليون مصري شريف، الخونة مش محسوبين معانا على الإطلاق».
اشترك الآن لتصلك أهم الأخبار لحظة بلحظة