نائب جامعة الأزهر عن دعوى رفع المصاحف: «عايزين يصوروا الناس بتدوس عليها» (فيديو)

حذر دكتور توفيق نور الدين، نائب رئيس جامعة الأزهر، من حدوث أي مظاهرات في جامعة الأزهر قبل يوم 28 نوفمبر، الذي دعت فيه الجبهة السلفية لثورة إسلامية، مؤكدًا أنه سيواجه أي تحركات بكل شدة، فيما أوضح أن الهدف من رفع المصاحف هو تصوير الناس وهي تدوس عليها.
وقال نورالدين، في مداخلة هاتفية مع برنامج «الحياة اليوم» على شاشة فضائية الحياة: «البيان الذي صدر النهاردة من رئيس الجامعة بيوضح وجهة نظر الجامعة، من ناحية الشريعة، حكم الشرع فيها لأن دي دعوة مغرضة».
وأضاف: «ما الهدف من رفع المصاحف؟ هم طالبين إيه في رفع المصاحف؟ وبعدين إحنا لما نبص على رفع المصاحف تمثل لنا إيه؟ صورة مين؟ مش هم الخوارج اللي رفعوا المصحف وطلبوا تحسين المصحف؟ يبقى إحنا بنعيد الصورة».
وتابع: «هم عايزين يعملوا حاجة، إن هم يرفعوا المصاحف تقوم تحصل مشاكل، المصاحف تقع في الأرض، الناس تدوس عليها، نصور ونقول والله الناس بتدوس على المصاحف».
ولفت: «جامعة الأزهر بالنسبة لها التظاهرة دي هتكون يوم 28 وده هيوافق يوم جمعة فميبقاش فيه طلبة أساسًا في الجامعة، لكن إذا حدث قبل ذلك أي نوع من التظاهر أو أي نوع من بروفة من اللي هيحصل، ستؤخذ بكل شدة.. نرجو من الطلبة وهم طلبة الأزهر ماينساقوش وراء هذا الخداع».
اشترك الآن لتصلك أهم الأخبار لحظة بلحظة