بالفيديو.. مشادة على الهواء بين فرج عامر وحمادة صدقي بسبب «قماشة سموحة»

دخل فرج عامر، رئيس نادي سموحة، في مشادة على الهواء مع حمادة صدقي، المدير الفني السابق للفريق، بسبب قرار إقالة الأخير.
وقال عامر في تصريحت لقناة «النهار رياضة»، مساء الأربعاء: «أنهينا مرحلة وبدأنا مرحلة جديدة.. ومبروك على على كابتن حمادة صدقي توليه قيادة وادي دجلة ربنا يوفقه».
وأضاف: «عندنا طموح جديد في المنافسة على أفريقيا والدوري، حمادة صدقي تشبع من النادي وعايزين دم جديد.. وشاهدنا اللاعبين يؤدون باسترخاء شديد».
وشدد: «مفيش لاعب رحل عن النادي إلا وهو قال إنه يمشي.. أنا معايا ورق يثبت صحة كلامي، ومن يقول أنه غضب من بيع اللاعبين مثل طارق حامد عار تماما من الصحة وعيب يقوله كابتن حمادة صدقي.. الفرقة في الدور الثاني الموسم الماضي تحت قيادته حصلت على 10 نقاط فقط أسوأ نتائج لفرقة في الدوري كانت سموحة.. ولا يصح يقول كده كلامه غير واقعي».
وأردف: «كل ما يقوله حمادة صدقي عن مستوى الفرقة مبررات واهية وإن النادي لم يعد به قماشة من لاعبين.. والنادي مليان نجوم ولو معندناش نجوم ننظر إلة متصدر الدوري الآن وهي فرقة الرجاء فالمهم الروح وبيلعب بطل من غير إمكانيات ومش عايزين نتكلم في الماضي وربنا يوفق كل إنسان والكلام اللي مالوش لازمة.. عندي كلام كبير وحفاظا على مستقبل الناس ربنا يسهل لعبيده».
«صدقي» يرد:
وتدخل حمادة صدقي في مداخلة أخرى، موجها لوما شديد لفرج عامر، قائلا: «عيب تقول كده يا أستاذ فرج عامر، فحمادة صدقي عملك كل حاجة وعملت مع ناديك بما يرضي الله».
وأضاف: «فرج عامر بيقول مش عايز أتكلم.. ويتكلم على إيه مش فاهم.. الكبير يتكلم كلام بمستندات.. إحنا دخلنا بشكل كويس وخرجنا بشكل كويس».
وتابع: «بيقول إني مضيت على كل لاعب مشي من النادي، ولكن هذا لم يحدث وعقدي يقول إن أي لاعب نتعاقد معه أو يمشي بموافقة كتابية وإلا يصبح العقد لاغي، ولم أكتب ورقة في لاعبين حضروا أو رحلوا.. ومش مستني شهادة فرج عامر والناس كلها تعرف مين حمادة صدقي، أن بجد حزين جدا جدا من فرج عامر».
اشترك وخليك في الملعب لمتابعة أخبار الدوريات