زمالكوية FilGoal.com وكتابه

اهتمام كبير على ساحة FilGoal.com بالزمالك في الفترة الأخيرة سواء من زمالكوية الموقع أو من كتابه. طالعوا الآراء في المدونة واختاروا الأفضل منها.
نقاد FilGoal.com
لا أظن أن فترة ما شهدت اهتماما بتحليل أداء الزمالك ووصف الحلول لمشاكله من نقاد وكتاب الموقع مثلما شهدت هذه الفترة بعد الخسارة من أسيك.
ونشر الموقع أربعة مقالات في الفترة الأخيرة تتناول أحوال فريق الزمالك من نقاد الموقع، كل منهم تناول الأمر من زاوية ما، ونال عليها إشادة بعض الأعضاء وهجوم البعض الآخر.
• الزميل أحمد الخشاب كتب مقالا بعنوان "أوسة لازم يرحل" حلل فيه أداء الحارس محمد عبد المنصف.
• الزميل خالد طلعت كتب مقالا بعنوان "عفوا الزمالك قادم وبقوة" تناول فيه مشاكل الزمالك المستمرة بأسلوب ساخر بعض الشئ أثار استياء بعض وترحيب آخرين.
• الزميل وليد الحسيني كتب مقالا بعنوان span Class='NewsSubTitleText'"الصامتون على الفاسد" محملا فيه اللاعبين المسؤولية عما أصاب ويصيب الفريق
• الزميل أحمد سعيد كتب "أفضل جيل في تاريخ الزمالك" متضامنا مع منتقدي لاعبي الفريق ولكنه طالب باحترام تاريخهم وما قدموه للنادي أثناء هذا النقد.
يمكنكم مطالعة هذه المقالات بالضغط على اسم المقال أعلاه ثم الاشتراك في استطلاع الرأي: ما أفضل مقال كتب عن الزمالك في الفترة الماضية ولماذا؟
زمالكوية FilGoal.com
الأعضاء لم يكونوا أقل نشاطا. أرسل بعضهم لي على إيميل المدونة Zamalkawy@sarmady.net أفكارهم وآرائهم فيما فضل آخرون إرسالها على هيئة مقال في مقالات FilGoalers والتي يمكنك المشاركة فيها بالضغط على هذا الرابط.
وأعرض لكم سريعا بعض آراء الأعضاء:
محمد إبراهيم أوbondokmomo كتب التالي:
"عندى اقتراح و هو اننا نبطل السلبية اللى فينا و نواجه اللعيبة الفاشلة و اللى بتكره نادى الزمالك بالحديد و النار لما الصحافة مش بتذكر اسماؤهم و الادارة بتدلعهم يبقى مش فاضل غيرنا احنا اللى لازم نوقف الناس دى عند حدها و نقف ندافع عن فريقنا ان شالله حتى نلعب بالناشئين على الاقل ساعتها يبقى عندنا حجة.
طيب انا خلاص هتجنن من سنتين قلنا السبب فى خط الدفاع و القبانى و محمود محمود هما السبب دلوقتى احنا عندنا احسن خط دفاع فى مصر ان مكانش فى افريقيا و برضة بنتغلب.
جينا السنة اللى فاتت قلنا بس العيب فى خط النص اصل من ساعة ما تامر عبدالحميد بطل لعب و احنا مش تمام قالولنا اطمنوا جبنالكم سوبر مان اللى هيشيل الفريق لوحده و يطلع بيه الجبل و اسمه ايمن عبد العزبز "زيزو" قلنا تمام كده اوى اهو جالنا زيزو و هيضرب عكوة الجزار و الجماهير ربنا هيشفيها من الشلل و تقوم تجرى اخر المتش و ياريته كان متش واحد دول اتنين و ياريتك نفعت يا زيزو
يبقى اكيد العيب فى الهجوم...نظرية برضة اصلك دعمت كل الخطوط و ناقص الهجوم قلنا نجيب مين قالك مشيتو بلدوزر هاتو دبابة جبنا الدبابة بس الظاهر انها عطلانة
خلاص يا سادة جربتم كل الحلول اللى عندكم ولا لسه هتقولو العيب فى الونجات و العيب فى المدير الفنى لا اقولكم انا بقى العيب فى مين اولا و قبل كل شىء العيب فيك انت و فيا احنا اللى سكتنا على مده و اول لما الفريق يكسب متش واحد بعد ما يتذل قدام الفرق التانية نرجع نقول الزمالك ده مفيش زيه
تانى سبب الادارة مش اسلوب انك اللاعب المحترم يتعامل زى قليل الادب و يمكن اقل كمان مش ممكن فتح الله يتعامل زى جمال و مش ممكن غانم يتعامل زى أبو العلا يبقى حرام و انا لو مكانهم يولع النادى ميكسب ولا يخسر مادام مش مدينى حقى اه بحب النادى بس مش اكتر من نفسى.
تالت حاجة ربنا مبتلينا بشوية صحفيين تمام يدورو على اى خبر يبوظ الفريق و ينشروه مظبوط مش مظبوط مش مهم المهم انو هينشر و محدش هيقولو انت جبت الكلام ده منين لان نادى الومالك مش بيدافع عن نفسه.
رابعا اللاعبين انا مش هتكلم عنهم عشان احنا فى رمضان و لا تعليق".
--------------
محمود صبري كتب التالي:
انا كنت عايزك تعرض في المدونه امرين:
1- كل واحد يقول مين لازم يمشى ومين لازم يعتزل و مين لازم يتطرد و مين لازم نحافظ عليه و نبقيه في الفريق وبردوه مين يدرب الفريق هل هولمان يمشي و امتى و نجيب مين مكانه و كل واحد يقول رأيه في الناس دي علشان احنا شيفين في سلبيات كتير في الفريق و لازم نحاول نعلجها و بردوه في سلبيه في التعامل مع المشاكل في الفريق يعني العقوبات مش بتتنفذ كلها و الايقافات اللي من مجلس الادراه زي حكاية جمال الاخيره بتاعت الاقلام... ... انا عايز اعرف السلبيه ديه سببها خوف من الجماهير لو سرح اللعيبه ديه ممكن تروح الاهلي او احنا نزعل مثلا من سوء النتايج سواء كده او كده طول محنحس باداره قويه و انتصار المبادئ حنكون مبسوطين و الكل حيخاف و نحس برجوله في الملعب
2- الحاجه الثانيه بردوه سببها السلبيه و الخوف بتوع الاداره يعني ايه كل مالفريق و المدرب يعملوا ماتش سئ جدا يطلع المجلس يقولك (الزمالك يؤكد أن الجهاز الفنى باق لنهاية الموسم ولا صحة للشائعات) و كمان احنا مش بنتعامل مع الجهاز بالقطعه احنا بنتعامل بالدسته (الموسم) (نفس الكلام اللي اتقال مع كرول) انا نفسي اعرف احنا مش بنتقرص ابدا الجهاز خرجنا من افرقيا -اكبر بطوله_ بخطأ في التشكيل و التغييرات ازاي ميمشيش المفروض يمشى ونجيب مدرب محترم بقى مش زى كل سنه مدرب تعبان يتغير آخر الموسم ونفضل نلف كده كل موسم و نفرح بالكاس من انبي ....... و بردوه مش نروح نجري وراء مدرب كان كبير (زاكيروني) و مش بيدرب اي فريق لما فكرنا فيه.
---------------
هيثم صلاح كتب التالي:
مش دة الزمالك إلي حبيته و أنا صغير .... مش ذ الفن والهندسة .... مش دة أبدا ً.. أنا عندي إقتراح .... ممكن نعمل حملة عل نت نسميها (يغور الدوري و يغور الكاس عوزٍين رجاله يا عباس) و نعمل إستفتاء على نت مين يمشي من الزمالك..... و نطلع أشبال ... أو نجيب لعيبة من الشارع .... الشارع مليان لعيبة بتحب الزمالك .... مش معقول مش هنعرف نجيب 22 لعيب محترم بحب الزمالك ..... ياريت المرة إلي جاية تكتب في رأيك مين يمشي و مين يستنى في الفرقة .... و نسيب جمهور الزمالك يختار.
-------------
ويمكنم أيضا مطالعة بعض الآراء في مقالات FilGoalers بالضغط على الروابط التالية:
zama14 كتب
رسالة إلى جماهير الزمالك: بحضور الجماهير يفوز الزمالك/span
titoelgen_2010 كتب
كفاية تهييس
bakriano كتب
اين الخطأ يا زمالك؟
omar_the_great كتب
الزمالك عزيز قوم ذل