السيسي يطالب الشعب بحماية محولات ومولدات الكهرباء

قال الرئيس عبدالفتاح السيسي، إنه متفائل بالمستقبل، مطالبا المصريين أن تكون أعينهم وأياديهم معه لمواجهة «أهل الشر والدمار»، في معرض تعليقه على أزمة انقطاع الكهرباء.
وأضاف السيسي في كلمة وجهها للأمة، ظهر السبت: «إحنا محتاجين من كل المصريين والشعب المصري أن يكون عينه ويده معانا، أنا في حي فيه مولدات أو محولات كهرباء خلي عينك معايا متخليش حد يقرب منها».
وتابع: «أهل الشر والدمار لو لقونا منتبهين لحالتنا مش هيقدروا يؤذونا، هيبقى الشعب المصري كله بيدافع عن حقه، فيه ناس كتير بتبلغ عن حاجات كتير إحنا محتاجين أكتر».
وقال الرئيس إنه «متفائل بالمستقبل»، لكنه عقب: «أصارح الإعلاميين اللى أنا مرتين كلمتهم على إنهم مهم كلنا نتكلم بلغة الفهم الحقيقي لحجم المشاكل، ثم نقول عرفنا، ونقول نقدر ولا مانقدرش، عشان نبقى عارفين وقادرين، مهم أوى نكون واعيين بمشاكلنا، ثم عارفين إننا نتغلب عليها وننجح».
وانتقل السيسي إلى الحديث عن شهداء «مدرعة العريش»، قائلا «هتكلم على شهدائها اللى استشهدوا في اليومين اللى فاتوا في العريش، قولنا فيه إرهاب عاوزين يهدوا الدولة وبيعتبرونا أعداء، وبنحاول نجابهم بمنتهى الحزم والحسم، لكن بنبقى حريصين إنه ما يكونش فيه تجاوز يسىء أو يؤذي البشر والأبرياء في المناطق دي جراء المواجهات».
وقدم العزاء لأسر شهداء العريش، موضحًا «هما أبدا لم ُيفقدوا، هما واقفين كويس أوى عشان بلدهم، هما بيقدموا بلدهم ودمهم عشان حياتنا، التحية والاحترام والتقدير ليهم، وربنا يجمعنا بيهم في الجنة إن شاء الله».
اشترك الآن لتصلك أهم الأخبار لحظة بلحظة